Karatsiyatari 4:4 - Kakaɨyari Niukieya

⁴ Peru kepauka tukari 'aixɨa mɨ'ane maye'a, 'ana Kakaɨyari yuniwe kaneyenɨ'ani, 'uka hetsie mɨyenuiwaxɨ, mɨti'aitɨariekai 'inɨari niukiyari kemɨti'aita.

Karatsiyatari 4:4 ပူးပေါင်းရင်းမြစ်များ

Kitsariyaxi 7:14

'Ayumieme Ti'aitame 'inɨari kanixewewiriemɨkɨ: 'Ɨimari kanitihukatamɨkɨ kanitiniwemɨkɨ, 'Emanuheri katiniterɨwamɨkɨ.

Xumatari 1:3

yuniwe xatatɨ, tewi hɨkɨtɨtɨ, nu'aya kaniutinuiwa Rawiri hetsie mɨyetɨa.

Wani 1:14

Mɨkɨ niukitɨtɨ tewi kanayani, tatsata 'ukaitɨ ratɨa. Tame tekanixeiya witsikemɨ'anekai, 'ukiyarieya witsikemɨtipitɨa yuniwe muyuxewi, kanaye'ani 'aixɨa tiuka'iyaritɨ yuri tikuxatatɨ.

Marikuxi 1:15

mɨpaɨ 'utaitɨ: «Tukari kanaye'aniri. Kanehuraniri Kakaɨyari kemɨtita'aita. Xeketeneuhayewa ke'axaxemɨteyurie, niuki 'aixɨa manuyɨnetsie yuri xeketeneuta'eri».

Wani 3:16

»Kakaɨyari 'ipaɨ katiniwanaki'erieka kwiepa memɨtama. Yuniwe muyuxewi kaniyetuani memɨkatatɨmaiyarienikɨ, yunaitɨ yuri memɨte'erie hetsiena, tukari mɨkaxɨwe memexeiyanikɨ pɨta.

Mateu 1:23

«Kamɨtsɨ 'ɨimari mɨyuxewi pɨtihukata, 'ukitɨme pɨtiniweni, 'Emanuheri xepɨte'iterɨwa» (mɨkɨ mɨpaɨ panuyɨne «Kakaɨyari tahamatɨa muyeika»).

1 Wani 4:14

Tame tepunenierixɨ tekatenihekɨatani ta'ukiyari yuniwe meyenɨ'akɨ kwiepa memɨtama wawikweitsitɨwame.

'Epetsutari 1:10

Mɨpaɨ katinaye'atɨanikekaitɨni kepauka tukari 'aixɨa mɨ'ane maye'anikekai, nitaxewiriyakekaitɨni naime Kɨritsitu hetsie tiwiyakame, naime taheima mieme kwiepa mieme.

Rukaxi 2:7

Hikɨ yumatɨari kaniutiniweni. Tuwaxatekɨ kaniku'eima, wakaitsixi wakanuwatsie kanikateni mɨkaxuawekaikɨ wahetsiemieme memɨwa'axɨanikekaitsie.

Xumatari 8:3

'Inɨari niukiyari kemɨkatiyɨwekai, kemɨtiweranikai temɨteɨterikɨ, Kakaɨyari pɨta kanenutahɨani tita 'axamɨti'ane kememɨteyurie teɨteri wahepaɨ mete'u'iyaritɨ. Kanenutahɨani yuniwe heyenɨ'aka teɨteri 'axamemɨteyuruwa wahepaɨ 'aneme, heiyenɨ'aka tita 'axamɨti'ane hepaɨtsita.

Rukaxi 1:35

Niuki tuayame mɨpaɨ katinitahɨawe: —'Iyari Mɨtiyupata 'ahetsie kaninuamɨkɨ, kemɨ'ane 'Amutewi yutɨrɨkariyakɨ kamani'etɨriwiyamɨkɨ. 'Ayumieme nunutsi mɨtinuiwa kanipatsiemɨkɨ Kakaɨyaritsie mieme, Kakaɨyari Nu'aya katiniuterɨwarɨwamɨkɨ.

Wani 6:38

Ne taheima nepɨka'akane tita mɨnetinake yanemɨtiyurienenikɨ, matsi tita mɨtinake 'iya mɨnetsiheyenɨ'a pɨta yanemɨtiyurienenikɨ.

Keremiyaxi 31:22

¿Kepaukake pepɨtihayewa pekuyeikatɨ, neniwe 'uka yapemɨkatikamie? Yawé tihekwame katininetɨamɨkɨ 'ena kwiepa, 'ukaratsi yukɨna hetsɨa kaninuamɨkɨ».

Hepɨrayutsixi 2:14

Merikɨtsɨ, raniwema 'axeikɨa mekaniyuxewini xeixuriyayari meta xeiwaiyari mehɨtɨtɨtɨ, 'ayumieme mɨkɨta yaxeikɨa tahamatɨa yuxewitɨ kanayani, tahepaɨ yemekɨ, mɨpaɨ mɨtiuyurikɨ mumɨkɨ meta pɨyɨwekai mika'unanikɨ kemɨ'ane tɨrɨkariya mexeiya yemekɨ mɨtatsikwinikɨ Kauyumarietɨtɨ.

Wani 10:36

'iya ne'ukiyari mipataxɨ yuhetsiemieme, meta kwiepa meiyenɨ'a, xeme hepaɨtsitana mieme xeputiyuane kename 'axa'utaine mɨpaɨ nemutayɨkɨ: “Kakaɨyari nu'aya nekanihɨkɨtɨni”.

Tsakariyaxi 6:12

Hikɨ mɨpaɨ Kutsuhexi pepɨtitahɨawe Yawé Naimekɨmɨtɨrɨkaɨye hetsiemieme: »“'Ikɨ kanihɨkɨtɨni 'iya Meukɨyɨraxɨ mɨtitewa, karikɨtsɨ yunanaritsie kanayɨraxɨamɨkɨ, meta mɨkɨ tuki pɨtawewieni Yawé hetsiemieme.

Kitsariyaxi 48:16

»Hurawa ne'aurie xekeniwakɨni, 'ikɨ xeketeneu'eni: »Tsutɨa paitɨtɨ, hawaikɨ 'awie nepɨkaretaxa, kepaukata mɨpaɨ mɨtiyɨni, ne mana nepuyeikani». Hikɨta Yawé naimekɨmɨyɨwe pɨnetsiheyenɨ'a 'Iyari yuhetsɨa miemekɨ.

Tsutɨarika 3:15

'Ekɨ kuu 'ukamatɨa xepayuye'unieka, meta 'aniwema 'uka niwemama wahamatɨa, 'uka nu'aya xewitɨ pumatikwinitɨani 'amu'utsie, 'ekɨta pepɨtikwinitɨani keputsayatsie».

1 Timuteu 3:16

Mɨpaɨ katinihekɨaka, pɨmariwe mɨkɨ niuki matsiɨkɨtɨ matɨa, ketemɨteheyexeiya Kakaɨyari manuyɨne: Mɨkɨ matsiɨkɨtɨ kanayani yuwaiyaritsie 'uyeikatɨ, heitserie pupitɨarie 'Iyari hexeiyatɨ, niuki tuayamete mepixei, pɨkuxaxatsiwakai nuiwarite watsata, yuri mepɨte'uta'eri hetsiena kwiepa memɨtama, witsi'anetɨ panutiwitɨkie.

Xumatari 15:8

'Ipaɨ nepaine, Kɨritsitu mɨkɨ xitekiya 'inɨariyari memexeiya waparewiwame kanayani, matsiɨkɨme meyeitɨanikɨ yuri kemaine Kakaɨyari, mitatseiriyakɨta meripaitɨ tatutsima kemɨtiwarutahɨawixɨ kename metemikienikekai,

Nɨ'ariekate 1:7

Ketsutsi mɨpaɨ katiniwarutahɨawe: —Xeme xehetsie pɨkatinake xemɨtemaikakɨ kepauka tukari mɨtinake. Ne'ukiyari xeikɨa yakatini'aitani.

Rukaxi 1:31

Hikɨri pe'ayehukatɨ pekanayeimɨkɨ, 'ukitɨme pekanitiniwemɨkɨ meta Ketsutsi pekatiniterɨwamɨkɨ.

Mateu 3:15

Ketsutsi mɨpaɨ katinitahɨawe: ―Mɨpaɨ pɨtiyɨni hikɨ, 'aixɨa kani'aneni yatemɨtekahunikɨ naime heitseriemekɨ. Hikɨ Wani yapɨtikatɨa.

Tsutɨarika 49:10

Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita. Kepaukake munuani yurikɨ ti'aitame, 'aixɨa mɨtiuka'iyari meuyewetse hɨxiena yamemɨtekahunikɨ kwiepa memɨtama.

1 Wani 4:2

'Ipaɨ xepɨteheitimani Kakaɨyari 'Iyarieya: Yunaitɨ 'iyarite memɨtehekɨata Ketsutsi Kɨritsitu kename tewitɨtɨ hɨkɨtɨkai, mɨkɨ Kakaɨyari hetsɨa mekanimiemetetɨni.

Hepɨrayutsixi 9:10

Kememɨte'ayexeiya, yamepɨtekahu kemɨtiu'aitsie rawaiyari hepaɨtsita, mepe'eriwa kememɨte'utikwa'a, kememɨte'utiye'e, kememɨteyukananaima, kemɨtiuka'ɨwa xeikɨa, 'aitsika mɨpaɨ mɨti'aita putaxatsie mexi tukari ka'aye'awekai naitɨ mɨtihekwarekɨ.

Kurutsetari 2:14

Ketemɨte'ataka'utɨa yakɨtɨtɨ 'aitɨarikatsie yatemɨtekahunikɨ, mɨkɨ 'utɨarika hixɨapa 'uwetɨ kemɨtatika'unakekai, Kɨritsitu kaneyeitɨani heihurieka yakɨtɨtɨ, yukuruxitsie 'ikɨrapuximaka.

Xumatari 9:5

Tapaapama mepɨwa'ukiyarima, watsatata kanimiemetɨni kemɨ'ane heitserie mupitɨarie Kɨritsitu hɨkɨtɨtɨ, kemɨtiunuiwaxɨ. Mɨkɨ naime ti'aitame Kakaɨyari kanihɨkɨtɨni. 'Aixɨa ketikuxaxatsiwani yuheyemekɨ. Mɨpaɨ xeikɨa pɨ'ane.

Wani 8:42

Ketsutsi mɨpaɨ katiniwarutahɨawe: —Xɨka Kakaɨyari xe'ukiyaritɨnike, ne xekaneninaki'eriekakeyu. Ne Kakaɨyari hetsɨa nekaneyeyani nekaninuaniri. Mɨkɨ meta, nekɨmana nepɨkanua. 'Iya pɨta kaneneyenɨ'ani.

Mateu 5:17

»Mɨpaɨ xepɨkateku'eriwani kename nenua ne'ika'unake 'inɨari niukiyari, Kakaɨyari niukametemama waniukiyari. Kenemɨtinua, ne'ika'unake nekapunua, ne'eye'atɨanike pɨta nekaninuani.

Marakiyaxi 3:1

Yawé Naimekɨmɨtɨrɨkaɨye mɨpaɨ kaniutayɨni: «Ne neniuki tuayame nekananunɨ'amɨkɨ huye mukuha'aritɨanikɨ nehetsiemieme. Yapauka ti'aitame yutukitsie kaninuamɨkɨ kemɨ'ane xeme xemɨkuwautɨwe, tɨratu niuki tuayameya kaninuamɨkɨ, kemɨ'ane xeme waɨkawa xemeuyehɨwa».

'Inɨatsie 28:22

Meta xeime tsipu pekaniyetuamɨkɨ mɨ'itiyani mawariyari mayanikɨ mɨxɨnarienikɨ, 'ahetsiemieme.

Xumatari 5:6

Kɨritsitu, kepauka tame temuweraranikai 'akuxi, kaniumɨni tame Kakaɨyari temɨka'ayexeiya tahetsiemieme, tukari 'aixɨa mɨ'ane 'anuyeyaku.

1 Timuteu 2:6

mɨkɨ pɨyuyetua yunaime wahetsiemieme waxɨnake. Mɨpaɨ pɨtiuhekɨatsie tukaritsie yemekɨ meuyewekaitsie 'aye'aku,

Rukaxi 20:44

Rawiri “Neti'aitɨwame” Kɨritsitu katiniuterɨwani, ¿kehapaɨtɨtɨ nu'aya pɨhɨkɨtɨni?»