Karatsiyatari 4:26 - Kakaɨyari Niukieya

²⁶ Xewitɨ pɨta Kerutsareme taheima mieme, mɨkɨ muyɨnɨ'a kanihɨkɨtɨni, tame kanitamaamatɨni.

Karatsiyatari 4:26 ပူးပေါင်းရင်းမြစ်များ

Hepɨrayutsixi 12:22

Xeme matsi xepu'axɨa Tsiyuni yemuriyari hakewa mewe, Kakaɨyari mayeniere kiekariena, Kerutsareme taheima mieme hakewa maniere, yumɨireme wahetsɨa xepu'axɨa, taheima miemete niuki tuayamete wa'ixɨararipa,

Piriputari 3:20

Tame pɨta muyuawitsie tekanikiekataritɨni, 'ayumieme tekanikwewieka tatsiwikweitsitɨwame Ti'aitame Ketsutsi Kɨritsitu 'umamiekɨ.

Matsiɨkɨtɨ kemɨratɨa 21:2

Metatsiere kiekari mɨpatsie nekaniuxeiya, Kerutsareme mɨhekwa, muyuawitsie hakamiekame, Kakaɨyari manukatsie heyeyaka, wikiwame hepaɨ witsireyɨkɨniutɨatɨ mitiwitɨni hetsiemieme.

Matsiɨkɨtɨ kemɨratɨa 3:12

Kemɨ'ane mɨrayu'iwa, nekakaɨyari tukitana nepikakeni 'ikitsaraɨtɨme, yuheyemekɨ pɨkawayeyani hatsuaku. Hetsiena nepɨra'utɨani nekakaɨyari kemɨtitewa, nekakaɨyari kiekarieya Kerutsareme mɨhekwa taheima makaneni nekakaɨyari hetsɨa miemetɨtɨ kemɨtitewa, neta hekwamekɨ kenemɨtitewa.

Kitsariyaxi 66:10

Matsi Kerutsareme hamatɨa xekeneyutemamawieka, kemɨ'ane yunaitɨ xeminaki'erie, hamatɨana xekeneutitsukwakani temawierikakɨ, yunaitɨ kemɨ'ane xemutitsuanakai hamatɨana.

Karatsiyatari 4:22

Mɨpaɨ katine'uka, 'Apɨrahami yuhutame kaniwarexeiyakaitɨni yuniwema. Xewitɨ ti'uximayatameya hetsie kaniyenuiwa, xewitɨta muyɨnɨ'atsie tiyenuiwaxɨ.

Xumatari 6:18

Xe'utixɨnarieka 'axaxemɨkateyuriekakɨ, tita mɨtiheitserie hetsiemieme xete'uximayatɨ xekanakɨne.

Xumatari 6:14

Xepɨkayɨwaweni xemɨkuyuitɨarienikɨ 'axaxemɨteyuriekakɨ, 'inɨari niukiyari mɨtixe'aitɨakɨ xepɨkayɨa. Kemɨ'ane 'aixɨa mɨtiuka'iyari mɨtixe'aitɨakɨ pɨta xekaniyɨaka.

Wani 8:36

'Ayumieme xɨka nu'aya xe'utixɨna, xeme yurikɨ xexɨxɨnitɨ xekanakɨnikuni.

Kuheri 3:17

«Merikɨtsɨ xeme mɨpaɨ xekatenetimaikuni, ne Yawé xekakaɨyari, Tsiyuni nemukakɨ neyemuri mɨpatsietsie. Kerutsareme mɨpatsie kanayeimɨkɨ, tawari 'ateewa kiekatari waɨriyarika mepɨkawatahaxɨani mexenawairienike.

Kitsariyaxi 65:18

Matsi xekeneyutemamawieka, yuheyemekɨ xekeneyutemamawieka, tita nemɨtinetɨaximekɨ: Nepinetɨaxime xeime Kerutsareme yutemawiekame, kiekari temawierika waɨkawa hexeiyakame.

'Utseyaxi 4:5

Tukarikɨ tɨkarikɨ mepetiketamɨrike, Kakaɨyari niukametemama yaxeikɨata 'ahamatɨa mepekaxɨrɨwe, 'amaamari pɨka'uyeikani,

'Utseyaxi 2:5

Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.

'Utseyaxi 2:2

»Peru hikɨ yumaama hetsie xeketeneuhɨpani, mɨkɨri hikɨ pɨkane'ɨya neta nepɨkakɨnaya. Yuhɨxie mayuyewirie witsimɨtixeiyariekakɨ ke'ayuye'itieni 'axamɨtiuka'iyarikɨ, meta yutawie kemɨratikuka ketiuhayewa.

Kitsariyaxi 50:1

Yawé mɨpaɨ kanaineni: «Ne xemaama, nepuku'eiri, ¿Peru hakewa 'eiriya xapayari? ¿Yatɨni kemɨ'ane nemɨrapiinirie hetsɨa nepɨxe'utua? Xeme xekaniutuiyani 'axaxemɨte'uyurikɨ, xeme xekaniutuiyani, 'axaxemɨteyuriekaikɨ xeme xemaama kaniuku'eiriwa.

1 Pekuru 2:16

Xekanixɨxɨnini, peru xexɨxɨnitɨ heitserie xehexeiyame 'axaxemɨteyuriekakɨ xepɨkayu'erieka, Kakaɨyari te'uximayatametemama pɨta xekanihɨkɨtɨni.

Karatsiyatari 5:1

Kɨritsitu kataniuxɨna, texɨxɨnitɨ temu'uwanikɨ. 'Ayumieme xekeneti'uka, tawariri kɨye xepɨka'anuyetekiyarieka, waɨriyarika xemɨte'aitɨariekakɨ.

Kitsariyaxi 52:9

Kerutsareme mu'uni, xekenekwikani temawierika kwikariyari. Yawé yuteɨterima muwarɨnɨtɨakɨ, Kerutsareme mutawikweitsitɨakɨ.

Matsiɨkɨtɨ kemɨratɨa 17:5

Yukanata pɨra'utɨakai kayumainɨakamekɨ: Wawiruniya mɨmariwe, Tuminikɨ memuyumayɨinɨa wamaama, meta 'axamɨti'ane mɨtixani'eriwa kwiepa.

Karatsiyatari 4:25

Meta Hakari, yemuri kanihɨkɨtɨni 'Arawiya kwieyaritsie, Tsinahi mɨtitewa. Yaxeikɨata Kerutsareme kanihɨkɨtɨni, mɨkɨ kiekari hikɨ 'emuwe. Waɨriyarika katini'uximayaka, niwemamata waɨriyarika mekateni'uximayaka.

Matsiɨkɨtɨ kemɨratɨa 12:1

Merikɨtsɨ 'inɨari matsiɨkɨtɨ kanayani muyuawitsie mariwetɨ: 'Ukaratsi mana kaniuwekaitɨni tau kamixayari 'anakatɨtɨ metseritsie 'awetɨ, meta yumu'utsie kuruna 'anamatɨ tamamata heimana huta xurawetsixi me'anakutetɨkaime