Karatsiyatari 2:14 - Kakaɨyari Niukieya

¹⁴ Perutsɨ kepauka ne mɨpaɨ nemɨtiwaruxei, mete'uhayewaku, heitseriemekɨ meka'u'uwakaku niuki 'aixɨa manuyɨne hepaɨtsita, mɨpaɨ Pekuru yunaime wahɨxie nepɨtiutahɨawixɨ: «'Ekɨ huriyu pehɨkɨtɨtɨ, xɨka pe'uyeikani nuiwarite memɨkahuriyutsixi wahepaɨ peyɨanetɨ, huriyu hepaɨ pekayɨanetɨ 'ekɨ, ¿titayarikuta waɨriyarika petiwapitɨa nuiwarite memɨkahuriyutsixi, huriyutsixi wahepaɨ memɨyɨakakɨ?

Karatsiyatari 2:14 ပူးပေါင်းရင်းမြစ်များ

Karatsiyatari 2:5

Tame mɨkɨ xɨka tewaru'enienike kememɨtate'aitɨakukai, xeme xeheixeiyatɨ xepɨkayuhayewakekai niuki 'aixɨa manuyɨne.

Nɨ'ariekate 10:28

Mɨpaɨ katiniwarutahɨawe: —Xeme mɨpaɨ xepɨtemate, kemɨ'ane huriyu tewiyari mɨhɨkɨ pɨkatauniwa mɨtiwiyanikɨ xeime nuiwaritsie, wa'aurie mamienikɨ. Perutsɨ Kakaɨyari mɨpaɨ pɨnetiutahekɨatɨa tewi mɨkayɨwe mɨpaɨ mɨtayɨni kename tewi 'axa'ane kename ka'itiya.

1 Timuteu 5:20

Mɨkɨ 'axamemɨteyurie keniwarutati'a yunaitɨ mematsi'eniekaku hipatɨta marika memexeiyanikɨ.

Karatsiyatari 6:12

Mɨkɨ 'aixɨa memɨtexeiyarienikɨ xekɨa memɨyɨa, mɨkɨ mekanihɨkɨtɨni waɨriyarika memɨxepitɨa xitekiya 'inɨariyari xemɨwewiyarienikɨ. Peru mɨpaɨ xeikɨa mekateniyurieka, memɨkataweiyariexɨanikɨ Kɨritsitu Ketsutsi kuruxieya hepaɨtsita.

Temaiwawemete 2:7

Mɨkɨ kaniwaparewieka 'aixɨa memɨte'u'iyari. Meta kaniwa'ɨwiyani kemɨ'ane heitserie memu'uwa.

Nɨawari 84:11

Yawé tau hepaɨ kani'aneni meta tepɨa tahetsie nunuwame, Kakaɨyari tahetsiemieme witsipɨtikuxata. Yawé kaniwareu'enieka heitseriemekɨ memu'uwa wahetsie karahɨpatɨ.

Hepɨrayutsixi 12:13

«Huye mɨxexeurawi xekeneutiwewi yɨ'ɨkatsie mieme,» mɨ'ɨkatuni mɨkahekawaɨtsenikɨ meta mɨkatikukukuinenikɨ.

Hepɨrayutsixi 9:10

Kememɨte'ayexeiya, yamepɨtekahu kemɨtiu'aitsie rawaiyari hepaɨtsita, mepe'eriwa kememɨte'utikwa'a, kememɨte'utiye'e, kememɨteyukananaima, kemɨtiuka'ɨwa xeikɨa, 'aitsika mɨpaɨ mɨti'aita putaxatsie mexi tukari ka'aye'awekai naitɨ mɨtihekwarekɨ.

Karatsiyatari 2:9

Mɨpaɨ metemaitɨ kenemɨtiumikiwa Kakaɨyari 'aixɨa tiuka'iyarikaku, Kakuwu, Tsepaxi meta Wani, memɨtetuika mekanihɨkɨtɨkaitɨni, mɨkɨ tahetsie meputimei ne meta Werunawe, tepɨtaxewini me'utiyuatɨ, xeme nuiwarite memɨkahuriyutsixi wahetsɨa xemɨyehukɨ, tameri huriyutsixi memɨxitekie wahetsɨa temɨyehukɨta me'utiyuatɨ,

Karatsiyatari 2:7

Matsitsɨ mɨpaɨ mekatenimaikaitɨni nemuhɨritɨariekɨ niuki 'aixɨa manuyɨne nemɨwataxatɨanikɨ mɨkɨ xitekiyakɨ memɨka'inɨatsie, yaxeikɨa Pekuru kemɨtiuhɨritɨarie mɨtiwataxatɨanikɨ hɨriyutsixi xitekiya 'inɨariyari memexeiya.

Xumatari 14:14

'Ipaɨ nepɨtimate, Ti'aitame Ketsutsi hetsie netiwiyatɨ 'ipaɨ yuri nepɨti'erie, tixaɨtɨ xɨka kati'itiyaka, yɨkɨmana mɨpaɨ pɨka'ane. Matsi xeikɨa, kemɨ'ane ka'itiyakame mɨ'erie, mɨkɨ hetsiemieme pɨka'itiya.

Nɨ'ariekate 15:24

Tepu'enana kename hipatɨ tahetsɨa miemete mexexamurietɨwekai yuniukikɨ xe'iyari meyuitɨatɨwetɨ mexe'aitɨatɨ xemɨyu'inɨaritɨanikɨ xitekiyakɨ, 'inɨari niukiyaritsie yaxemɨtekahunikɨ. Tame tepɨkatewa'aitɨa.

Temaiwawemete 10:9

Kemɨ'ane heitseriemekɨ 'amuyeika, 'aixɨa 'iyari 'apuyeika, 'axatiuka'iyaritɨ 'amuyeika teɨteri mepɨtehetimani kemɨtiyuriene.

Nɨawari 141:5

'Aixɨa mɨti'ane kenetsiku'imaiyani, naki'eriya kenetsi'utate'ani, witsimu'ɨa 'axateyuruwamete wapiini nemu'utsie pɨkayuhayewani, nemuyunenewiekɨ wahepaɨtsita ke'axamemɨteyuriekɨ.

Nɨawari 58:1

¿Kamɨtsɨ xeme 'itsɨkate, 'aixɨa 'anemekɨ xete'aita, yemekɨ xetewaheitseritɨa kepauka teɨteri xemɨxanetɨarie?

Nɨawari 15:2

Hetsiena mɨkarahɨiwa xeikɨa kaniyɨweni, 'aixɨa mɨtiyuriene yu'iyarikɨ yurikɨ mɨtikuxata,

Mawari 19:17

»'A'iwa 'a'iyaritsie pepɨka'uxiwe'erieka, matsi 'ahepaɨ tewi keneutati'a hahekɨakamekɨ kapa petiuka'eniexɨanikɨ mɨkɨ ke'axamɨtiuyurikɨ.

Karatsiyatari 2:3

Matsi Titu, tsepa nehamatɨa muyeikakai, tsepa kɨriyeku mɨhɨkɨtɨkai, pɨkaheuyewekai mɨkɨ mɨ'inɨaritɨarienikɨ huriyutsixi waxitekiyakɨ,

Nɨ'ariekate 15:1

Hikɨ hipatɨ Kureya meheyekɨneka mekateniwa'ɨkitɨakaitɨni ta'iwama mɨpaɨ me'utiyuatɨ: «Xeme xɨka xitekiyakɨ xeka'u'inɨaritɨarieni kemaine Muitsexi yeiyarieya, xepɨkayɨwawe xemɨtawikweitsitɨarienikɨ».

Nɨ'ariekate 15:5

Hikɨ hipatɨ paritseutsixi wahepaɨ memɨteku'eriwakai mekananuku'uni mɨpaɨ me'utiyuatɨ: —Peuyewetse memɨkahuriyutsixi temɨwata'aitɨanikɨ memɨ'inɨaritɨarienikɨ xitekiyakɨ, 'inɨari niukiyari Muitsexi 'aitsikayatsie yamemɨtekahunikɨ.

Karatsiyatari 1:6

Nepɨ'iyarixie yanetimaitɨ yapauka xemɨyupatarɨmekɨ. Xekaniku'eirieni kemɨ'ane mɨxe'uta'ini, Kɨritsitu 'aixɨa tiuka'iyarikaku. Niuki yɨkɨ manuyɨnetsie pɨta xekateniuwiya.

Karatsiyatari 1:18

'Arike haika wiyari 'utixɨku, Kerutsareme nekaneyani, nemeitimanikɨ Tsepaxi. Tamamata heimana 'auxɨwime tukari nepuyuri hetsɨana.

Kurutsetari 1:5

mɨpaɨ xekateniyurieka 'amuwekɨ tita xehetsiemieme mɨti'ɨwiyarie taheima, yaxete'ikwewietɨ. Xeme meripai xekaniu'enanani kemɨti'ɨwiyarie, kuxaxatsiwakaku niuki 'aixɨa manuyɨne kemɨtiyuri,