Karatsiyatari 1:14 - Kakaɨyari Niukieya

¹⁴ Huriyutsixi wayeiyaritsie netiwiyatɨ nepanuyehaitɨrɨwekai yumɨireme ne'iwama wahɨxie nehepaɨ paɨmeme wiyari memɨhɨtɨkatei nenuiwaritsie miemete, matsi yemekɨ nenewaɨriyatɨ netutsima wayeiyarikɨ.

Karatsiyatari 1:14 ပူးပေါင်းရင်းမြစ်များ

Kurutsetari 2:8

Xekeneyukweriwayurieka kapa xewitɨ xe'unawanikɨ, timaiweme hepaɨ tikuxatatɨ, yakɨ xeikɨa tixe'irɨwiyatɨ teɨteri wayeiyarikɨ, hekwamekɨ kwiepa memɨtama kememɨte'ɨkitɨarie, peru Kɨritsitu kemaine katikuxatatɨ.

Nɨ'ariekate 26:5

Mɨkɨ matɨari paitɨ memɨnetsimaikai xɨka metehekɨatanike, mɨkɨ mɨpaɨ mekaniutiyuanenikeyu ne kenemɨtikuyeikakai paritseutsixi wahetsie netiwiyatɨ. Paritseutsixi tita temɨtehayexeiyatsie yemekɨ yamepɨtekahu.

1 Pekuru 1:8

Xeme xepinaki'erie tsepa hatsuaku xemɨka'ixeiyawawe, tsepanetɨ hikɨ xemɨka'ixeiya, hetsiena yuri xemɨte'erie, 'ayumieme xepɨyutemamawie 'anayuhayewakamekɨ meta witsi'aneme kexemɨtepitɨarie,

Nɨ'ariekate 22:3

«Ne nekanihuriyutɨni, Tarutsutsie Tsiritsiya kwieyaritsie nekanetinuiwa. Matsi 'ikɨ kiekaritsie nekaniutawere, Kamarieri hetsɨa netinineta'ɨkitɨani heitseriemekɨ tatutsima wa'inɨari niukiyari hepaɨtsita, ne yemekɨ Kakaɨyari hepaɨtsita nepɨ'ɨtetsakai, hikɨ xeme hipatɨ xemutiyuane hepaɨ.

Mateu 15:6

Merikɨte kemɨ'ane mɨpaɨ mɨtayɨni, waɨriyarika pɨkapitɨarieri yupapama muwaparewienikɨ. Mɨpaɨ yuyeiyari xete'uweiyatɨ tixaɨtɨ katihɨkɨtɨme xepayeitɨa Kakaɨyari niukieya.

Nɨ'ariekate 26:9

»Neri heuyewekame nepɨ'eriekai waɨkawa 'axanemiyurienikɨ kemɨ'ane Ketsutsi natsaretitanaka mɨhɨkɨ.

Keremiyaxi 9:14

Yu'iyari mɨkaheu'ena mepanukuwei, Wahari kakaɨyarixiyarite mepɨwaranukuwei, wa'ukiyarima kememɨtewaru'ɨkitɨa».

Kitsariyaxi 57:12

Ne nepɨmatsitaxaneta 'aixɨa kepemɨtiyuriene peti'uximayatɨ, nitixaɨtɨ pɨkarayani 'ahetsiemieme.

Kitsariyaxi 29:13

Ti'aitame mɨpaɨ kanaineni: «'Ikɨ teɨteri mepɨnetsinɨawa yutenikɨ meta 'aixɨa mepɨnetehahɨawe, peru wa'iyari 'ateewa puyeika. Memɨnetsihayexeiya 'aitsikakɨ xeikɨa mekaniyɨaka teɨteri yametewa'aitɨakaku.

Keremiyaxi 15:2

Xɨka mɨpaɨ memateha'iwawiyani: “¿Hakewa kuta tepeyehu?”, mɨpaɨ ketiniwarayemari'itɨa mɨpaɨ ne Yawé nemainekɨ: »“Kemɨ'anetsɨ memɨkwinikɨ memɨ'ayumiemete, meke'ukwini, kemɨ'ane 'ixiparakɨ memɨkwinikɨ memɨ'ayumiemete, 'ixiparakɨ meke'ukwini, haakakɨ memɨkwinikɨ memɨ'ayumiemete, haakakɨ meke'ukwini, kemɨ'ane memanuhapanienikɨ memɨ'ayumiemete mekehehapanieni”.

Nɨ'ariekate 21:20

Mɨkɨ me'u'enanaka 'aixɨa Kakaɨyari hepaɨtsita mekaniutiyuanekaitɨni. Papuru mɨpaɨ mekateniutahɨawe: «Neuxei ta'iwama, pekaniwaxeiyani keyupaɨmetɨ miriyari huriyutsixi yuri memɨte'erie, mɨkɨ yunaitɨ yemekɨ 'inɨari niukiyaritsie mepɨtewiya.

Mawari 13:16

Xɨka haiyaya 'amɨnene tuxatɨ 'ayani, mɨkɨ tewi mɨtikuye kaniyemieni mawari wewiwame hetsɨa.