'Itsɨkate 7:4 - Kakaɨyari Niukieya

⁴ Peru Yawé Kerehuni mɨpaɨ katiniutahɨawe: «'Akuxi teɨteri mekaniyuwaɨkawani. Hapa keniwarukatetɨa, mana nepɨwaranuyehapani 'ahetsiemieme. Xɨka mɨpaɨ nehaineni: “'Ikɨ 'a'utɨa kanimieni”, mɨkɨ kanimieni, peru xɨka mɨpaɨ nehaineni: “'Ikɨ 'a'utɨa pɨkamie”, mɨkɨ pɨkamie».

'Itsɨkate 7:4 ပူးပေါင်းရင်းမြစ်များ

Nɨawari 33:16

Ti'aitame pɨkayutawikweitsitɨwa tsepanetɨ kuyaxi yuwaɨkawame mɨwarexeiya, meta tiyumemiwame kwinimieme mɨtiyɨwe waɨkawa mɨtɨrɨkaɨyekɨ pɨkatawikweni.

1 Tsamuheri 16:7

Peru Yawé Tsamuheri mɨpaɨ katiniutahɨawe: —Pepɨka'aku'ɨwiyani kememutɨtɨ yatɨni kememɨteyuxexeiya herie miemekɨ, ne matsi mɨkɨ nepɨkanaki'erie. Kememɨteyuxexeiyakɨ xeikɨa teɨteri mekaniyukɨ'ɨwiyani, ne matsi 'iyaritsie pɨta nekaniyɨkɨ'ɨwiyani.

Kuwi 23:10

Matsi mɨkɨ, nehuye naime pakumate, xɨka netsi'uta'inɨatake, ne huru 'aixɨa mɨ'ane hepaɨ ne'anetɨ nepayeiwe.

1 Tsamuheri 14:6

Hikɨ Kunatani yuparewiwame mɨpaɨ katiniutahɨawe: —Hikɨmɨ teɨteri Kakaɨyari memɨkamate wahɨxie tekaniuyekɨnikuni, Yawé ketatsiparewieka, mɨkɨ mɨtatsitawikweitsitɨanikɨ pɨkakwaniwe, tsepanetɨ memɨyuwaɨkawa ya'etsimemɨyupaɨme wahepaɨtsita.

Nɨawari 66:10

Kakaɨyari 'aku, 'ekɨ pepɨtatsi'uta'inɨataxɨ, tepɨa pɨrata hepaɨ 'aixɨa pepɨtatsi'utiyuri.

Nɨawari 7:9

Kakaɨyari heitserie pemexeiya, 'ekɨ pemɨtimate wa'iyari kemɨtiku'eriwa, ketineukumaweriya 'axateyuruwamete ke'axamemɨteyurie keneparewieka heitserie mexeiya.

Tsutɨarika 22:1

Merikɨtsɨ yapaɨmexɨa tukari 'anukayaku, Kakaɨyari 'Apɨrahami kaniuta'inɨata, mɨpaɨ katinitahɨawe: —'Apɨrahami 'aku. 'Apɨrahami mɨpaɨ katinita'eiya: —'Ena nepuyeika.

'Itsɨkate 7:5

Kerehuni hapa teɨteri kaniwarukatetɨani. Mana Yawé mɨpaɨ katinitahɨawe: «Kemɨ'ane yunenikɨ memɨtihareni tsɨikɨri wahepaɨ keniwarupata, 'iyata metitunuma'utɨ memɨtihareni xaɨtsie».