'Itsɨkate 5:12 - Kakaɨyari Niukieya

¹² »Rewura, kenanutanieri, kenanutanieri. Kenanutanieri, kenanutanieri, kwikari keneutakwika. Kenanukukexi, Waraki 'Awinuhani nu'aya, 'apɨretsutsixi keniwaranuhapani.

'Itsɨkate 5:12 ပူးပေါင်းရင်းမြစ်များ

'Epetsutari 4:8

'Ayumieme mɨpaɨ paine 'utɨarika: «Wapaitɨ 'anutiyaka, me'anutaxɨriyakame kaniwarehapani yumɨireme, meta teɨteri 'imikieri kaniwarumini».

Nɨawari 68:18

Yawé Kakaɨyari, kepauka 'ekɨ pemanutitɨa taheima, pepɨwarewitɨ memanutaxɨriya, waɨkawa 'imikieri pepɨrepi teɨteri memɨmeteyetuiri, metatsiere memayu'eririya tiwapiini, mana wahamatɨa pemeyutakiitɨanikɨ.

Nɨawari 57:8

Ne 'iyari, kenanutanieri. Kanari meta xaweri xekenanutanenieri. Hekwame tukari tepanutahɨtɨani.

2 Timuteu 2:26

memanutahɨtɨarienikɨ memɨtawikwenikɨ Kauyumarie winiyarieyatsie kɨmana memuwiyarie yamemɨtekahunikɨ kemɨtinake 'iya.

'Epetsutari 5:14

'Ayumieme mɨpaɨ paine: «'Ekɨ pemɨkutsu, kenanutanieri, mɨkite watsata kenanukukexi, meta Kɨritsitu kamanihekɨariyamɨkɨ».

1 Kurinitutari 15:34

Xekeneyuta'eriwani heitseriemekɨ kemɨreuyewetse, 'axaxepɨkateyurieka. Hipatɨ xeme 'atsixepɨkatehetimaiwawe Kakaɨyari hepaɨtsita. 'Ipaɨ nepaine nexetewiyatsitɨanike.

Keremiyaxi 31:26

'Ana nekananutaniere, meta nehɨxite nekananutayepiexɨani. Witsiti'anemeri netiuheinɨka.

Kitsariyaxi 60:1

»Kenanukukexi, kenexawatɨni, 'ahekɨariya kaninuaniri. Yawé xawatɨriyaya 'ahetsie kaniutitataweni.

Kitsariyaxi 51:17

Kenanutanieri, Kerutsareme, kenanutanieri. 'Ekɨ kenanukukexi, Yawé mamayatsie haxɨa tekɨxiyari pemanu'i, 'ekɨ, tekɨxieya naime pemanɨxɨ 'iya tekɨxi teɨteri muwaratixɨrɨwa.

Kitsariyaxi 51:9

Kenanutanieri, Yawé tɨrɨkariyaya. Kenanutanieri, tɨrɨkariya kamixayari kenanakatɨki. Kenanutanieri meripaitɨ hepaɨ, meripaitɨ memu'uwakai wahepaɨ. ¿'Ekɨ pekatiuyuri Xahawi pemutaxite, meta hapa kiekame pemanuyetse?

Kitsariyaxi 33:1

Xɨa'ui 'ekɨ, pemɨtiyuka'uname, 'akuxi pemɨkaka'unariewe. Xɨa'ui 'ekɨ, pemɨtiyukananaima, 'akuxi pemɨkananaimariewe. Kepauka 'ari pemɨtiyuka'una, 'ekɨta pepɨka'unarieni, kepauka pemɨtiyunanaimani, 'ekɨta pepɨnanaimarieni.

Kitsariyaxi 14:2

Teɨteri yukwietsie mepɨwatanaki'erieni meta wakiekaritsie paitɨ mepuwatuayu. 'Ixaheritsixi teyu'uximayatsiriwamete 'ukitsi meta 'ukarawetsixi Yawé kwieyatsie mepɨwarayeitɨani, memɨwaraye'uniekai mekaniwaranutaxɨriekuni meta mekateniwata'aitɨakuni kemɨ'ane memɨtewa'aitɨakai.

Nɨawari 108:2

Xekenanutanenieri haripa meta xaweri. Hekwame tukari nekananutanieritɨamɨkɨ.

'Itsɨkate 5:13

»Memutawikwei wa'ukiyarima te'aitamete wahetsɨa mekanekɨne, Yawé kuyaximama nehetsɨa mepu'axɨa kwinimieme memɨteyɨwawe.

Nɨawari 57:9

Ti'aitame, nepɨmetsinɨawani teɨteri watsata, nɨawari 'ahetsiemieme nepɨtikwika nuiwarite wahɨxie.