'Itsɨkate 3:1 - Kakaɨyari Niukieya

¹ Mɨkɨ nuiwarite mekanihɨkɨtɨni Yawé mɨwaruhayewaxɨ 'ixaheritsixi memɨwata'inɨatakɨ, memɨkayutakwiwawekai nihatsuaku Kanani kwieyaritsie.

'Itsɨkate 3:1 ပူးပေါင်းရင်းမြစ်များ

Temaiwawemete 17:3

Tai kwinimieme mɨtixɨkakɨ huru meta pɨrata kanikwaxiyarieka huxunuta, matsi ta'iyari Yawé pɨta kani'inɨatani.

Hutarieka 'inɨari 7:22

Yawé xekakaɨyari kaniwarayeweiyamɨkɨ nuiwarite kemɨ'ane memɨxetakwini, peru yapauka pɨkatiyurieni. Kwitɨwa yunaime xepɨkawakwini, nɨkahɨrixɨa 'ɨrawetsixi yeutari me'utixuawere xekwiepa me'akunɨni.

Keremiyaxi 6:27

«'Ekɨ Keremiyaxi ne nekiekaritsie nepɨmatsi'anukake, wa'inɨnɨatamekɨ nekamananayexeiya xɨka 'aixɨa 'aneni meta nenieremekɨ, pemɨretimanikɨ meta pemitixeiyaxɨanikɨ kememɨte'u'uwa.

Kuwi 23:10

Matsi mɨkɨ, nehuye naime pakumate, xɨka netsi'uta'inɨatake, ne huru 'aixɨa mɨ'ane hepaɨ ne'anetɨ nepayeiwe.

'Itsɨkate 2:10

Meta mɨkɨ 'ana mana memu'uwakai yunaitɨ mekaniukwini, hipatɨ pɨta mekaniuneni Yawé memɨkamaikai meta 'atsimemɨkatemaikai kemɨtiuyuriekai 'ixaheritsixi wahetsiemieme.

Hutarieka 'inɨari 8:16

makumawetsie manana payari pɨxemikwakai, mɨkɨ 'ikwai hatsuaku xetutsima memɨkaheitima. Mɨpaɨ pɨxetiuka'enitsitɨa meta pɨxe'uta'inɨataxɨ, 'arike 'imatɨrieka 'aixɨa mɨxetiyuriekakɨ:

Hutarieka 'inɨari 8:2

Xekena'eriwani huta tewiyari wiyari Yawé xekakaɨyari mɨxe'uwitɨximekai huyeta tukarikɨ meta tɨkarikɨ makumawetsie, puxetiuka'enitsitɨa mana waɨkawa pɨxe'uta'inɨataxɨ yamɨretimanikɨ tita yu'iyaritsie xemɨtehexeiya, meta yamɨretimanikɨ xɨka 'aitsikaya xe'eye'atɨaka yatɨ hawaikɨ.

Matsiɨkɨtɨ kemɨratɨa 2:23

Niwemama nepɨwakwini. Mɨpaɨ netiyurieyu yunaitɨ naitsarie memɨyutixexeɨriwa mɨpaɨ mepɨtemaika, ne nepɨhɨkɨ xe'iyari nemɨmate kexemɨteyɨkɨhɨawe. Yuxexuime nepɨtixe'apinirieni kexemɨte'uyuri.

1 Pekuru 4:12

Nenaki'erima, xepɨkahɨxiyaka xe'inɨatsietɨwetɨ tsepa taikɨ, kexemɨtenewiekɨ mɨpaɨ xemɨ'itɨarieximekɨ.

1 Pekuru 1:7

Huru, tsepanetɨ mɨxɨwe, taikɨ kwaxiyarietɨ waɨkawa kanixawatuni. Xemeta yuri kexemɨte'erie mɨpaɨ pɨ'ane, huru kemɨkaraye'axe matsi mɨkɨ waɨkawa katinaye'aka, mɨpaɨ xete'inɨatsietɨ matsi xeyɨwawetɨ xekanakɨnikuni, Kakaɨyari 'aixɨa pɨtayɨni xehepaɨtsita, meta witsipɨtixexeiya kepauka Ketsutsi Kɨritsitu matsiɨkɨtɨ mayani.

Wani 2:24

Matsi Ketsutsi yuri pɨkatiwa'eririekai, mɨkɨ yunaime mɨwamaikaikɨ,

Tsakariyaxi 13:9

Peru mɨkɨ memuyuhayewaxɨ taipa nekaniwakayatsamɨkɨ, 'aixɨa nepɨwayurieni pɨrata ke'aixɨa mɨ'itɨariwa taipa hepaɨ, nepɨwata'inɨata huru taipa kemɨti'inɨatsiwa hepaɨ. Hikɨ 'ana menetsi'ayexeiyatɨ mepakɨne neta nepɨwata'eiya. Ne mɨpaɨ nepɨtayɨni: “Mɨkɨ mepɨneteɨterima”, mɨkɨta mɨpaɨ mepɨtiyuani: “Yawé takakaɨyari kanihɨkɨtɨni”».

2 Kemɨtiuyɨ 32:31

Hikɨ kepauka Wawiruniyatsie ti'aitame parewiwametemama yunɨ'arima memɨwareyenɨ'a memɨti'iwaunikɨ mariweme 'inɨari mɨtiuyɨkɨ mɨkɨ kwieyaritsie, 'ana Kakaɨyari 'Etsekiyaxi kaniuku'eirieni mita'inɨatakɨ meta naime yamɨretimanikɨ 'iyarieya kemɨ'anekai.

Memeyekɨ 15:25

Muitsexi Yawé kaniutawawirieni, mɨkɨ pixeitsitɨa kɨye yatewime, mɨkɨ Muitsexi hapa kaneikahɨani, yapauka haa 'aixɨa ha'anetɨ kanayani. Mana Yawé kaniwaruta'inɨata, kaniwarupitɨani 'inɨari niukiyari kememɨtekahuni.

'Itsɨkate 1:1

'Ixaheritsixi Yawé mekaniuta'iwawiya, Kutsuhexi 'ukumawereku reutiyetana: ―¿Kemɨ'aneta hikɨ panuyeyerɨni mɨwatakwinikɨ Kananeutsixi?

'Itsɨkate 2:23

'Ayumieme Yawé pɨwaruhayewaxɨ mɨkɨ nuiwarite, pɨkawaranuyewei Kutsuhexi hetsɨa pɨkawayetua.

'Itsɨkate 3:2

Mɨpaɨ katiniuyurieni para 'ixaheritsixi wanuiwarima memɨkayutakwiwawekai nihatsuaku, memuyuta'inɨatakɨ memɨtehetimanikɨ.