'Itsɨkate 2:11 - Kakaɨyari Niukieya

¹¹ Mɨkɨ 'ixaheritsixi Yawé kemɨkatinake mekateniuyurieni, kakaɨyarixi mekaniwarayexeiyakaitɨni Wahari hetsɨa miemete.

'Itsɨkate 2:11 ပူးပေါင်းရင်းမြစ်များ

'Itsɨkate 10:6

Tawarita 'ixaheritsixi Yawé kemɨkatinake mekateniuyurieni, Wahari kakaɨyarixiyari meta 'Atsitaruti 'ɨkiyarite, 'Arami, Tsiruni, Muhawi, 'amunitsixi meta piritsiteutsixi wakakaɨyarixi pɨta mewarayexeiyatɨ mekanakɨne. Mɨpaɨ 'ixaheritsixi Yawé mekateniuku'eirieni,

'Itsɨkate 6:1

'Ixaheritsixi 'axamekateniuyurieni Yawé kemɨkatinake, mɨkɨ kaniwayetuani mariyanitsixi wahetsɨa 'atahuta wiyari.

'Itsɨkate 4:1

'Arike 'Ahuri 'umɨku, 'ixaheritsixi 'axamekateniuyurieni, Yawé kemɨkatinake.

'Itsɨkate 3:7

'Ixaheritsixi Yawé wakakaɨyari kemɨkatinake mekateniuyurieni, kakaɨyarixi Wahari hetsɨa miemete wahɨxie mekanikatunuma'uwekaitɨni meta 'Atserá hetsɨa miemete.

'Itsɨkate 8:33

Kepauka mumɨ Kerehuni, 'ixaheritsixi tawarita 'axamekateniuyurieni kakaɨyarixi Wahari hetsɨa miemete mewarayexeiyatɨ mekanakɨne. Wahari-Weriti mekananayexeiya mɨwakakaɨyaritɨnikɨ.

1 Te'aitamete 18:18

'Eriyaxi mɨpaɨ katinita'eiya: —Ne hawaikɨ nepɨkahɨkɨ 'Ixaheri kwieyaritsie kiekatari 'uximatɨarika nemɨwawiwirie. Kemɨ'ane 'uximatɨarika memɨwawiwirie 'ekɨ pekanihɨkɨtɨni meta 'a'iwama, Yawé 'aitsikaya xemuku'eirikɨ, Wahari kakaɨyarixiyari xemɨwarayexeiyakɨ pɨtari.

'Itsɨkate 13:1

Merikɨtsɨ tawarita 'ixaheritsixi 'axamekateniuyurieni, Yawé kemɨkatinake. 'Ayumieme kaniwayetuani piritsiteutsixi wahetsɨa huta tewiyari wiyari memɨ'uximatɨarienikɨ.

Keremiyaxi 9:14

Yu'iyari mɨkaheu'ena mepanukuwei, Wahari kakaɨyarixiyarite mepɨwaranukuwei, wa'ukiyarima kememɨtewaru'ɨkitɨa».

Keremiyaxi 2:23

»¿Pepɨkayɨwe mɨpaɨ pemutayɨni: “Neka'itiyatɨ nepɨkahayuyeitɨa, meta Wahari kakaɨyarixiyarite newarayexeiyatɨ nepɨka'uyeika”? Kenaye'eri kepemɨtiuyuri mayeweritsie. Keneu'atimaixɨa kepemɨtiuyuri. Kameyu 'ukaratsi manautsawe, naitsarie pemukuyeika.

'Etsitɨraxi 8:12

'Atsikari hetsiemieme: Kuhanahani Hakatani nu'aya meta xeitsienituyari heimana tamamata teɨteri hamatɨana memu'axɨa.

2 Kemɨtiuyɨ 33:6

Yuniwema mawari taiyariyari kaniwarayeitɨani mayeweritsie Weni-Hinuni mɨrayetewatsie, mariweme katiniyurienekaitɨni 'axamɨ'anetsie tiwiyatɨ, katiniyukewaiyakaitɨni meta kemɨtiyɨni katinimaiwekaitɨni, meta mɨkite wahamatɨa memɨtekuxata kaniwarayexeiyakaitɨni. Yawé kemɨkatinake xeikɨa katiniyurienekaitɨni, hikɨ mɨpaɨ katiniyehaxɨatɨani.

2 Kemɨtiuyɨ 28:2

Matsi, 'Ixaheri kwieyaritsie te'aitamete ke'axamemɨte'uyuri wahepaɨ katiniuyurieni, meta kakaɨyari Wahari 'ɨkiyari kaniutiwewieni tepɨa kwaniyarietɨkaimekɨ.

1 Tsamuheri 7:4

Hikɨ 'ana 'ixaheritsixi kakaɨyarixi Wahari hetsɨa miemete meta 'Atsitaruti 'ɨkiyarite naime mekateniwarexɨrieni, Yawé xeikɨa mehayexeiyatɨ mekanakɨne.

'Itsɨkate 10:10

Hikɨ 'ixaheritsixi Yawé hetsɨa parewiya mekaniutawauni: ―Kemɨkamatinake tepɨte'uyuri, tematsi'uku'eiri takakaɨyari, Wahari hetsɨa miemete pɨta kakaɨyarixi tewarayexeiyatɨ tepakɨ.

'Itsɨkate 3:12

Tawarita 'ixaheritsixi Yawé kemɨkatinake mekateniuyurieni, 'axakememɨte'uyuriekaikɨ 'Ekuruni tɨrɨkariya kaniupitɨani, Muhawi ti'aitame mɨtiwata'aitɨanikɨ.

Tsutɨarika 38:7

Matsi Yawé pɨka'inakixɨ Kura nu'aya kemɨtiyurienekai, kaninawairieni tukarieya.

Tsutɨarika 13:13

Teɨteri Tsuruma kiekatari 'axamekateniu'iyarikaitɨni, Yawé hepaɨtsita waɨkawa 'axamɨti'ane mekateniyuriekaitɨni.

Hutarieka 'inɨari 31:16

Muitsexi mɨpaɨ katiniutahɨawe: «'Ekɨri 'apaapama wahamatɨa pekanika'uxipimɨkɨ, hikɨ kwitɨwa 'ikɨ teɨteri nehetsie mekatewiyatɨ mekanakɨnikuni hipame kakaɨyarixi mewarayexeiyatɨ mepakɨne mema'axɨani kwieyaritsie memuxuawe. Mekaneniku'eirikuni, tɨratu wahamatɨa nemuwewi mekanititsanaxɨakuni.

'Itsɨkate 6:25

Mɨkɨ tɨkaritsie Yawé mɨpaɨ katinitahɨawe: «Xeime tuuru kenanayehani 'apaapa tewamamatsie, hutariekamieme 'atahuta wiyari hexeiyame. Mawari taiyame keneuta'una 'apaapa mitawewi Wahari hetsiemieme, meta kɨye mana muwe kakaɨyari mana mukuka, 'Atserá 'auriena muwe kenawiteki.

1 Te'aitamete 22:53

Wahari kakaɨyariyari katini'uximayatsiriekaitɨni meta kaneyexeiyakaitɨni, hikɨ mɨpaɨ Yawé katiniuyehaxɨatɨani, 'Ixaheri Kakaɨyarieya, yemekɨ paapaya kemɨtiuyuri.

Nehemiyaxi 9:26

»Peru mekaheu'enanatɨ mepakɨ: menetsi'aye'unietɨ mepakɨ, 'a'aitsika meputixani'eri, 'aniukamete 'ahetsɨa miemete mepɨwarukwi memɨwa'iniekai memɨ'axɨanikɨ 'ahetsɨa, yemekɨ 'ahɨxie 'axamepɨte'uyuri.

Nɨawari 78:56

Peru mɨkɨ Kakaɨyari mekaniuta'inɨata: Mɨmariwe me'aye'unietɨ mekanakɨne 'aitsikateya mepɨka'anu'eni.

Keremiyaxi 11:10

Wa'ukiyarima ke'axamemɨte'uyuri yaxeikɨa mepɨteyurie, memɨka'uyuwaɨri nehetsiemieme yamemɨtekahunikɨ. Hipame pɨta kakaɨyarixi mekaniwareweiya mekaniwarayexeiyani. 'Ixaheritsixi meta Kura xiɨyarimama, tɨratu kenemɨtiuwewi wa'ukiyarima wahamatɨa mɨkɨ mekanititsanaxɨani.

'Inɨatsie 25:3

Wahari-Pehuxi mehayexeiyatɨ mekanayuyeitɨwakaitɨni. 'Ayumieme Yawé kaniuyeha'ani.

Hutarieka 'inɨari 4:25

»Xɨka 'arike yuniwema xewarayexeiyame meta yuteukarima, meta xɨka manari mɨixa wiyari xetitetɨ, 'arike xɨka 'axaxete'uyurieni, xɨka xewarutiwewieni kakaɨyarixi tixaɨtɨmexi xetewa'ɨketɨ, mɨpaɨ 'axamɨti'ane xeteyurietɨ Yawé yukakaɨyari hɨxie xepiyehaxɨatɨani,

1 Tsamuheri 7:3

'Ayumieme Tsamuheri yunaime 'ixaheritsixi mɨpaɨ katiniwarutahɨawe: «Xɨka xeme xeyuwaɨriyani Yawé hetsɨa xemɨ'axɨanikɨ yu'iyarikɨ, xekeniwarexɨri kakaɨyarixi xemɨkawamate meta 'Atsitaruti 'ɨkiyarite. Yawé yuxaɨtame xeikɨa xekenayexeiyani mɨkɨ kanixetawikweitsitɨamɨkɨ piritsiteutsixi kememɨtexenanaima».

1 Tsamuheri 12:10

'Ayumieme xeme Yawé xeputahɨawixɨ mɨxeparewienikɨ: “Tame 'axatepɨte'uyuri Yawé temuku'eirikɨ meta kakaɨyarixi Wahari hetsɨa miemete meta 'Atsitaruti 'ɨkiyarite tehayexeiyatɨ temakɨkɨ. Peru xɨka hikɨ petatsi'uparewieni memɨtatsi'aye'unie temɨwara'iwakɨ, 'ekɨ xeikɨari tepɨmatsi'ayexeiyani”.

1 Te'aitamete 11:5

Matsi pɨta, Tsarumuni 'Atsitaruti titewakame kanayexeiyakaitɨni tsiruniyutsixi wakakaɨyaritɨme meta Muruki titewakame 'axamɨ'ane 'amunitsixi wakakaɨyari.

2 Kemɨtiuyɨ 28:3

Metatsiere, 'ɨkwa kaniutitaiyakaitɨni mayeweritsie Weni-Hinuni meta yuniwema kaniwarutitaiya taipa mawari memakɨnekɨ, nuiwarite mana memɨtamakai Yawé mɨwarayeweiyakai 'ixaheritsixi wahɨxie ke'axamemɨte'uhukai wahepaɨ.

Keremiyaxi 2:20

»Mɨixa wiyari panuyemie 'ayuku pemanumuraxɨ, pemɨhɨakai pepɨ'axɨnaxɨ meta mɨpaɨ peputayɨ: “'Ahetsiemieme nepɨkareu'uximayatamɨkɨ”. Naitsarie hɨri 'amanutitɨtɨtsie, meta naime kɨyexi mɨ'e'etɨtɨkatɨa, pepɨ'ayetua tuminikɨ pemɨkumayɨiwanikɨ.

Keremiyaxi 16:11

Hikɨ mɨpaɨ pekatiniwata'eiyamɨkɨ: “Meripaitari xe'ukiyarima memɨnetsi'uku'eirikɨ, hipame pɨta kakaɨyarixi memuwaranukuweikɨ, metewa'uximayatsirietɨ memakɨkɨ meta mewarayexeiyatɨ 'ayumieme xepɨte'anuyehu. Ne mepɨnetsi'uku'eiri, 'inɨari niukiyari mepɨkahaye'atɨa —Yawé mɨpaɨ kanaineni—.

Keremiyaxi 32:23

Peru kepauka 'ena memu'axɨa meta yukwie memayeitɨanikɨ, mepɨkametsi'anu'eni, 'a'inɨari niukiyaritsie yamepɨkatekakɨ meta kepemɨtiwaru'aitɨakai. 'Ayumieme 'ikɨ 'uximatɨarika pepɨwarupitɨa.