'Itsɨkate 17:3 - Kakaɨyari Niukieya

³ Kepauka Mikahiyaxi yumaama tumini mu'ɨitɨa xeimiriyari heimana xeitsienituyari pɨrata tuminiyari, maamaya mɨpaɨ katinitahɨawe: ―Yemekɨ waɨkawa patsiekame nepayeitɨani nepɨrata Yawé hetsie, neniwe xeime kakaɨyari mɨtawewienikɨ xixiyakame pɨratakɨ wetsitɨariekame. Hikɨ 'ayumieme nepɨmatsi'ɨitɨani.

'Itsɨkate 17:3 ပူးပေါင်းရင်းမြစ်များ

Memeyekɨ 20:4

»Tixaɨtɨ pepɨkatiwewieka taheima mieme hepaɨ ti'anekame, kwiepa memɨtexuawe hepaɨ ti'anekame, meta hapa memɨteye'uwa hepaɨ ti'anekame meta kwie hetɨa memɨtexuawe.

Mawari 19:4

»Kakaɨyarixi tixaɨtɨ memɨkatehɨkɨ wahetsɨa xepɨkahekɨkani, kakaɨyarixi tepɨakɨ memuwewiyatɨka xepɨkawawewieka. Ne Yawé xekakaɨyari nekanihɨkɨtɨni.

Memeyekɨ 20:23

Xepɨkanetsi hiweritɨaka, kakaɨyarixi pɨratakɨ meta hurukɨ xepɨkawawewieka meta wahɨxie xepɨka'ukatunuma'uweni.

Wani 16:2

Mɨkɨ mepɨkaxepitɨani tukita, metatsiere tukari kanaye'amɨkɨ kepauka yunaitɨ memɨxekwini Kakaɨyari me'ayexeiyakame mepɨyu'erieka.

Keremiyaxi 10:8

Yunaitɨ mepɨka'u'iyari 'axamemɨteyurienikɨ xeikɨa pɨwanake, kɨyexi kakaɨyarixiyari 'ɨxatsitamete mepɨhɨkɨ wahetsiemieme.

Kitsariyaxi 66:3

Peru kemɨ'ane tuurutsixi memɨwamawatɨwe mɨkɨ teɨteri memɨwatakukuya wahepaɨ mepɨ'anene, kemɨ'ane muxatsi memɨwamawatɨwe mɨkɨ tsɨikɨri wakɨipi memanutimura wahepaɨ mepɨ'anene, kemɨ'ane hatsi mawariyari mɨwewie mɨkɨ tuixuri waxuriya memɨyetuaya wahepaɨ mepɨ'ane, meta kemɨ'aneta 'ɨkwa witsimu'ɨa mukutaiya mɨkɨ memɨkakakaɨyarixi memuwarayexeiya wahepaɨ kani'aneni. Mɨkɨ yuxaɨta yuhuye mepanayexeiyaxɨa, meta mepuyutemawieritɨa mɨxani'eriwakɨ.

'Itsɨkate 18:5

Mɨkɨ mɨpaɨ mekatenitahɨawe: ―Tematsiwawirie Kakaɨyari pemɨtahɨawekɨ mɨpaɨ temɨtehetimanikɨ xɨka 'aixɨa tetehakunuaxɨakuni.

'Itsɨkate 17:13

Mikahiyaxi mɨpaɨ kaniutayɨni: «Hikɨ mɨpaɨ nepɨtimate Yawé waɨkawa pɨnetsiparewieni, rewi tewiyari nemawari wewiwame nemayeitɨakɨ».

Hutarieka 'inɨari 12:3

»Memɨtehatimawatsie xekaneka'unakuni, watetexi memɨwarayexeiya xekanetitarakuni, 'uka 'Atserá kakaɨyariyari 'ɨkiyari xekanititaiyakuni, wakakaɨyarixi xekaniwatitarakuni meta kakaɨyarixite xekaniwakumaweriyakuni kememɨtetewakai.

Memeyekɨ 34:17

»Tepɨa kakaɨyariyari pepɨka'awewirieka.

'Itsɨkate 17:2

mɨkɨ yumaama mɨpaɨ katiniutahɨawe: ―Xeimiriyari heimana xeitsienituyari (1.100) pɨrata tuminiyari pemunawatsiyarie meta mɨkɨ tuminikɨ 'axa'aneme pemɨyetua niuki, ne mɨkɨ pɨrata nepexeiya, ne nematsi'unawatsiri. Maamaya mɨpaɨ katinitahɨawe: ―Yawé 'aixɨa kematsiyurieka, neniwe.

'Itsɨkate 17:4

Kepauka mɨkɨ yumaama mu'ɨitɨa, mɨkɨta huta tsienituyari pɨrata tuminiyari nanaka'ɨni, xeime kaniu'ɨitɨani pɨrata tsuname, mɨkɨ kɨmana kakaɨyari xixiyakame kaniutawewieni pɨratakɨ meta kwaxiyariekame, mɨkɨ Mikahiyaxi kiita kaneutakerieni.

'Itsɨkate 18:30

Mana mekanitakeni kakaɨyari mɨxixiya pɨratakɨ mɨwetsitɨarie memeyexeiyanikɨ, mɨkɨ Kunatani, Keritsuni nu'aya Muitsexi teukarieya meta niwemama mawari wewiwamete mekanakɨne Rani xiɨyarimama wahetsiemieme kepaukake memehapanie.

Kitsariyaxi 30:22

Hikɨ memɨkakakaɨyarixi pemɨwarexeiya mekapatsiekame pekaniwarayeitɨamɨkɨ pɨratakɨ meta hurukɨ memɨkawiriyarietɨka, pekaniwarexɨrimɨkɨ tixaɨtɨ mɨkati'itiyaka hepaɨ, mɨpaɨ pekatiniwatahɨawimɨkɨ: «Xekenanuyekɨni».

Hutarieka 'inɨari 27:15

“'Axake'u'itɨarieni kemɨ'ane kɨye kakaɨyariyari mɨtawewieni, yatɨni kɨye xixiyakame yatɨni tepɨakɨ wewiyakame, meta xɨka 'awie hawaikɨ heitakeni. Mɨkɨ tewi pɨtiwewiyaya, 'ayumieme Yawé mɨtixani'erie pɨtihɨkɨ”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

2 Kemɨtiuyɨ 33:7

'Atserá 'uka kakaɨyariyari 'ɨkiyari mitawewiekai Kakaɨyari tukieyata kaneitakeni, mɨkɨ hetsiemieme Kakaɨyari mɨpaɨ Rawiri mɨtiutahɨawekai meta nu'aya Tsarumuni: «'Ikɨ tukita Kerutsareme muwetsie, kiekari nemenayexeitsie yunaime 'Ixaheri nuiwarimama watsata, muwa nepayekani neheyemekɨ.