'Itsɨkate 1:4 - Kakaɨyari Niukieya

⁴ Kepauka Kura kananeutsixi meta peretseutsixi mɨwarutakwi, Yawé kaniparewieni. Tamamata miriyari mekaniwarukwini Wetseki mɨrakutewatsie.

'Itsɨkate 1:4 ပူးပေါင်းရင်းမြစ်များ

1 Tsamuheri 11:8

Tsahuri Wetseki kaniwarukuxeɨrieni muwati'inɨatakɨ, 'Ixaheri kwieyaritsie miemete haika tsienituyari miriyari mepɨyupaɨmekai, Kura kwieyaritsie miemete xeitewiyari heimana tamamata miriyari mepɨyupaɨmekai.

1 Te'aitamete 22:15

Kepauka munua ti'aitame hɨxie, mɨpaɨ katinita'iwawiya: —Mikahiyaxi, ¿teteyɨwawe temɨwatakwini Xamuti Karaha kwieyaritsie kiekatari, nutsutɨ hawaikɨ? Mikahiyaxi mɨpaɨ katinita'eiya: —Ti'aitame, keniwarutakuya pekatinayu'iwamɨkɨ, karikɨ Yawé kameniparewimɨkɨ.

1 Te'aitamete 22:6

Hikɨ 'Ixaheri kwieyaritsie ti'aitame kaniwarukuxeɨrieni Kakaɨyari niukametemama, nauka tsienituyari 'etsiwatɨkaku mekaniyupaɨmekaitɨni, mɨkɨ mɨpaɨ katiniwaruta'iwawiya: —¿Netiyɨwe nemɨwatakwini Xamuti Karaha kwieyaritsie kiekatari, nutsutɨ hawaikɨ? Mɨkɨ mɨpaɨ mekaniutiyuani: —Ti'aitame kenemie, Yawé kameniparewimɨkɨ pekaniwara'iwamɨkɨ.

1 Tsamuheri 14:10

Perutsɨ xɨka mɨpaɨ metatehetahɨawe: “'Ena xekenatikɨni”, matsi tekaniuhukuni, mɨkɨ 'inɨari kanayeimɨkɨ Yawé kemɨtatiparewieni temɨtehayu'iwakɨ.

1 Tsamuheri 14:6

Hikɨ Kunatani yuparewiwame mɨpaɨ katiniutahɨawe: —Hikɨmɨ teɨteri Kakaɨyari memɨkamate wahɨxie tekaniuyekɨnikuni, Yawé ketatsiparewieka, mɨkɨ mɨtatsitawikweitsitɨanikɨ pɨkakwaniwe, tsepanetɨ memɨyuwaɨkawa ya'etsimemɨyupaɨme wahepaɨtsita.

Hutarieka 'inɨari 9:3

Peru 'ekɨ matsi yaketinemaika hikɨ, Yawé 'akakaɨyari 'ahɨxie 'anuyekaitɨ 'apumieni, pɨwaka'una tai hepaɨ pɨwatixɨtsitɨani meta tɨrɨkariya pɨmatsipitɨani. 'Ekɨ pekaniwarayeweiyamɨkɨ kwitɨwa pekaniwarakumaweriyamɨkɨ, Yawé kemɨmerahɨawekai.

Hutarieka 'inɨari 7:2

Kepauka Yawé xekakaɨyari mɨxeyetuirieni meta kepauka xeme xemɨwara'iwa, 'ana kaneuyeweka yunaime xemɨwaka'unakɨ. Nixeime hamatɨa tɨratu xepɨkawewieka, meta xepɨkawanenimayaka.

'Itsɨkate 1:3

Hikɨ Kura xiɨyarimama mɨpaɨ mekateniwarutahɨawe yu'iwama, Tsimehuni xiɨyarimama: «Hikɨmɨtɨka teyunaitɨ kwie temɨyetuiriyarietsie, Kananeutsixi tepɨwaretakwini, 'ariketa tame xehamatɨa tepuhu kwie xemɨyetuiriyarietsie». Hikɨ Tsimiyuni xiɨyarimama mekaniwareweiya.

'Itsɨkate 1:5

Mana mekaniuyukaxeiya 'Aruni-Wetseki matɨa, mɨkɨ mekaniwarutakwini, mekaniwara'iwa kananeutsixi meta peretseutsixi.

Nɨawari 44:2

'Atɨrɨkariyakɨ hipame nuiwarite pepɨwarutawei, mana pɨta pepɨwa'atɨa tapaapama, 'iya teɨteri pepɨwarakumaweriyaxɨ, tapaapama pepɨwaruparewi.

Nɨawari 78:55

'Ixaheritsixi wahetsiemieme nuiwarite kaniwarayeweiya, mɨkɨ kwie yuteɨterima kaniwayetuirieni, memɨwayetekaitsieta 'ixaheritsixi kaniwareutayatsa.

'Itsɨkate 3:5

'Ixaheritsixi kananeutsixi wahamatɨa mekaniu'uwakaitɨni meta hetitsixi, 'amuxeutsixi, peretseutsixi, heweutsixi, meta kewutseutsixi.

'Itsɨkate 11:32

Ketexi hapa kananuyani 'amunitsixi watakwinike, Yawé kaniyetuirieni.