'Inɨatsie 7:10 - Kakaɨyari Niukieya

¹⁰ Kepauka mawari taiyame 'aixɨa mu'itɨarie, 'ixaheritsixi wa'ukiyarima mawari muwa mekaniyetuani,

'Inɨatsie 7:10 ပူးပေါင်းရင်းမြစ်များ

2 Kemɨtiuyɨ 7:9

'Atahairieka tukaritsie mekaniuyukuxeɨrieni, 'ixɨarari memuwewiekaikɨri 'atahuta tukari mawari taiyame patsietɨ mayeitɨariekɨ, meta tawarita 'akuxi 'atahuta tukari 'ixɨarari memɨwewiekaikɨ.

Nehemiyaxi 12:27

Kepauka maye'a kuraru hetsiemieme 'ixɨarari memɨwewienikɨ, mekaniwarutiwauni rewitsixi naitsarie kememɨte'ukutetɨkatei mekaniwarewitɨni, Kerutsareme 'ixɨarari memɨwewienikɨ kwikarikɨ meta pamɨpariyutsi me'ipitɨatɨ, meteyuitɨatɨ mɨtiutitiraurɨkakɨ, 'aripakɨ meta 'aripa 'etsimupekɨ.

2 Kemɨtiuyɨ 7:5

Ti'aitame Tsarumuni kaniwarutimawa xeitewiyari heimana huta miriyari tuurutsixi meta xeitsienituyari heimana xeitewiyari miriyari muxatsi. Mɨpaɨ ti'aitame meta yunaitɨ teɨteri tukita mekateniyetuani Yawé hetsiemieme 'ixɨarari mekaniuwewieni.

1 Te'aitamete 8:63

Tsarumuni kayuwatɨ memexeiyanikɨ mawariyari kaniuwewieni, xeitewiyari heimana huta miriyari tuurutsixi meta xeitsienituyari heimana xeitewiyari miriyari muxatsi kaniwarutimawa Yawé hetsiemieme. Mɨpaɨ ti'aitame meta yunaitɨ 'ixaheritsixi tuki Yawé hetsiemieme 'ixɨarariyari mekateniuwewieni.

Hutarieka 'inɨari 20:5

»Meta kuyaxi tewa'aitɨwamete wa'ukiyarima kuyaxi mɨpaɨ mepɨtewatahɨawe: “Xɨka xewitɨ yukii hekwame hetawewieni xɨka muwa 'akuxi kahayeyerɨwekaitɨni, mɨkɨ keheyani yukie, kapa 'umierieni 'ena, hikɨtari xewitɨ pɨta kiitana hayeyerɨni.

Nɨawari 30:1

Yawé, 'aixɨa nepaineni 'ahetsiemieme, pemɨnetsi'anukuketɨakɨ, memɨnetsi'aye'unie pemɨkawarupitɨakɨ memɨnetsi'atsenikɨ.

Nehemiyaxi 12:43

Mɨkɨ tukaritsie mawari waɨkawa kaniuwewiyani meta 'ixɨarari mepuwewi Kakaɨyari temawierika muwarupitɨakɨ. Metatsiere 'ukarawetsixi meta tɨɨri mepɨte'uparewi. Yemekɨ waɨkawa temawierika Kerutsareme puxuawekai teewapaitɨ mepɨ'enieriekai.

'Inɨatsie 7:1

Muitsexi kepauka tuki munɨ, 'aixɨa kaniyurieni naime katiniuti'ɨya hatseitikɨ muwa mɨtiyepine. Metatsiere mawari taiyame 'aixɨa kaniuyurieni meta naime muwa mɨrakapine.

'Inɨatsie 7:11

Yawé Muitsexi mɨpaɨ mɨtikɨhɨawekaikɨ: «Mawari memɨyetuayanikɨ mawari taiyame hetsiemieme, yuxexuitɨ wa'ukiyarima xexuime tukaritsie mekateniyuriekakuni».

'Inɨatsie 7:84

Mawarika mɨtiyetuiya 'ixaheritsixi wa'ukiyarima memuwewi kepauka mawari taiyame 'aixɨa mu'itɨarie, 'ikɨ katiniyetuiyani: Tamamata heimana huta pɨrata xakɨyari 'amɨpapa, tamamata heimana huta pɨrata pateyuyari meta tamamata heimana huta pateyu yakɨmɨpepe hurukɨ mɨwewiyatɨka.

'Inɨatsie 7:88

Tewaxi 'aixɨa memɨteyuxeiyanikɨ mawariyari hetsiemieme xeitewiyari heimana nauka tuurutsixi mepakɨ, meta haika tewiyari muxatsi 'ukitsi meta tsipuri 'ukitsi haika tewiyari, meta haika tewiyari muxatsi xeiwiyari memɨhɨtɨka. 'Ikɨ mawarika kanayani kepauka mawari taiyame 'aixɨa memuyuritsie.