'Inɨatsie 5:21 - Kakaɨyari Niukieya

²¹ —'ena mawari wewiwame 'ukaratsi yurikɨ yakatinitahɨawimɨkɨ—, Yawé, 'ahetsie 'axamɨti'ane ke'ukawiwieni kemaine 'ahetsiemieme, pekaniweweme kematsi'ayeitɨani, 'aniweyame ke'utahani.

'Inɨatsie 5:21 ပူးပေါင်းရင်းမြစ်များ

Nehemiyaxi 10:29

yu'iwama mekaniwarutinɨni memanuyetei, yurikɨ meyuhɨritɨatɨ yamekaniutiyuani kename yametekakɨne, yamemɨte'u'uwanikɨ 'inɨari niukiyari Kakaɨyari Muitsexi tiyu'uximayatsiriwame mɨyetuiri kemaine, meta yamemɨtekakɨnekɨ naime Yawé 'aitsikateyatsie.

1 Tsamuheri 14:24

Merikɨtsɨ kuyaxi 'ixaheritsixi waɨkawa mekaneuhakakwikukaitɨni, Tsahuri mɨpaɨ mutayɨkaikɨ Kakaɨyari hɨxie kuyaxi wahetsiemieme: «Kakuyɨriwekaku 'akuxi kemɨ'ane mɨtikwani mɨkɨ Yawé 'axake'iyurieni, memɨnetsi'aye'unie nekawara'iwawekaku 'akuxi». 'Ayumieme xewitɨ tɨma 'ana tukaritsie kuya pɨkatikwakai.

Kutsuhexi 6:26

Mɨkɨ tukaritsie Kutsuhexi mɨpaɨ katiniuyuhɨritɨani: «'Axake'itɨarieka Yawé hɨxie kemɨ'ane 'ikɨ kiekari manukuketɨani. Tenari mɨkatsutɨani yuniwe 'amuyumate tukarieyakɨ. 'Itupari meuwɨtɨaxɨani yuniwe 'etsimɨyumate tukarieyakɨ».

Keremiyaxi 29:22

Mɨkɨ wahekɨ, yunaitɨ Kura kiekatari memehapanie Wawiruniya memɨtitei mɨpaɨ mekaniutiyuanekuni 'axamemɨ'itɨarienikɨ: “Yawé yaxeikɨa 'ahetsie ketiuyurieni, Tserekiyaxi meta 'Akawi wahetsie kemɨtiuyuri, Wawiruniyatsie ti'aitame taipa kemɨtiwarutitaiyaxɨ”.

Mateu 26:74

Pekuru mɨpaɨ kaniutayɨni: —Kakaɨyari 'axakenetiupitɨani xɨka netiku'itawani, nepɨka'imate mɨkɨ tewi nepaine. Hikɨ 'ana yapauka kanetahiwa wakana.

Kitsariyaxi 65:15

Nemɨwaranayexei wahetsie pɨtinake kexemɨtetewa 'axaxemɨ'itɨarikakɨ. Yawé naimekɨmɨyɨwe pɨxekwini, peru te'uximayatamete yuhetsɨa miemete yɨkɨ pɨtiwatiterɨwa.

Temaiwawemete 10:7

Heitserie memu'uwakai tewara'eriwatɨ 'aixɨa tepɨ'itɨarie, mɨkɨ 'axamemɨte'u'iyarikai kwitɨwa mepatɨmaiyarɨwa.

2 Kemɨtiuyɨ 21:15

'Ekɨta yaxeikɨa kwiniya kamenanɨ'airiemɨkɨ 'ayuriepa, kwinie mayakame tukari manukayeikanitsie kwinie matsi pekaniyɨximemɨkɨ, hekɨa 'akwinuri kanawiwimɨkɨ”».

'Inɨatsie 5:27

Kepauka mɨkɨ haa manuhareni 'axamɨ'itɨarie, xɨka yukɨna 'aixɨa 'iyari kahawitɨkɨkaitɨni, hukaya kanitahaimɨkɨ kaniwewetɨ kanayeimɨkɨ. Mɨpaɨ mɨkɨ katinikwinitɨariemɨkɨ hipame wahɨxie.