'Inɨatsie 30:2 - Kakaɨyari Niukieya

² kepauka 'uki Yawé hetsiemieme muyuhɨritɨa tixaɨtɨ mɨtiyetuanikɨ, yarehɨawetɨ kename yatikayani, mɨkɨ pɨkatiku'itawani matsi keheye'atɨani kemutayɨ.

'Inɨatsie 30:2 ပူးပေါင်းရင်းမြစ်များ

Nɨawari 50:14

Kakaɨyari kenexatɨaka kepemɨti'awaɨriyakɨ, 'Amutewi hetsɨa kepemɨti'ahɨritɨa ketinaye'atɨa.

Nɨawari 116:14

Metatsiere neraye'atɨatɨ xeikɨa Yawé kenemɨrahɨawe yunaime teɨterimama wahɨxie.

Kuwi 22:27

Kepauka pemuyunenewie, mɨkɨ kameni'enimɨkɨ, 'ekɨta kepemɨti'ahɨritɨakɨ pekaneye'atɨiriemɨkɨ.

Nɨ'ariekate 23:12

Hikɨ tau 'anatineku, huriyutsixi hipatɨ mekaniyu'enieni. Mekaniyuhɨritɨani mɨpaɨ me'utiyuatɨ: «Tepɨkatekwani meta tepɨka'anuhareni kepaukake Papuru temɨmieni».

Nɨ'ariekate 23:21

'Ekɨ mɨkɨ pepɨkawa'enieka, huta tewiyari meyupaɨmetɨ teɨteri wahetsɨa miemete mepikwewie, mɨpaɨ meteyɨhɨritɨatɨ memɨkatekwakakɨ meta memɨkaharekakɨ me'imiemeke. Hikɨ mekaniyuha'aritɨaka mematsikwewietɨ pemɨ'awaɨriyakɨ.

Nahumi 1:15

Neuxei. 'Ari hɨritetsie kanakamieni, niuki 'aixɨa manuyɨne matɨkɨ kememɨte'ayu'iwaxɨ titaxatake, kemɨ'ane mɨtatitaxatɨani kayuwatɨ temexeiyanikɨ. Kura, 'a'ixɨarari kenewewieneniri. Kepemutayɨ ketinaye'atɨwani. 'Axamemɨte'u'iyari tawari 'akwiepa mepɨkaheutahaxɨani, 'ari mekaniukwi'iwa yunaitɨ yemekɨ.

Temaiwawemete 20:25

Pukweriwa'ane xɨka Yawé hɨxie kename petiyetuani hetsɨana timieme pehaitɨ, matsi 'arikeke xɨka yapekatikayani kepemutayɨ 'aixɨa pɨka'ane.

Nɨawari 116:18

Yawé nepɨraye'atɨirieni kenemutayɨ, yunaime teɨterimama wahɨxie,

Nɨawari 55:20

Yumamate teikɨ mepetsetsera yuhamikuma wahepaɨtsita, peru mepɨkatehaye'atɨwa kememɨteyutipiniri.

Nɨawari 22:25

'Ekɨ yapepɨnetikuyuitɨwa kenemɨtiukwika yuwaɨkawame wahɨxie, kemɨ'ane memɨmetsi'ayemakaxe wahetsie, nepeye'atɨani kenemutayɨ.

Mawari 5:4

»Xɨka xewitɨ 'atsikatimaitɨ 'uyutakeni 'ipaɨ tiyɨhɨritɨatɨ, mexɨa niuki wewietɨ 'aixɨa mɨtiyurienikɨ, yatɨni 'axamɨtiyurienikɨ, matsi xɨkaratɨmaiya, hetsiena katinahɨiyamɨkɨ kepauka mɨkɨ meye'erienitsie.

2 Kurinitutari 1:23

Ne nepitahɨawe Kakaɨyari netukari mɨnetsinawairienikɨ xɨka neti'itawani kenemaine. Nepakunua 'axanemɨkaxeretahɨawekɨ. 'Ayumieme Kurinitu nepɨkahetɨa tawarita.

Nɨawari 76:11

Yawé yukakaɨyari hetsɨa yaxeketeneuyuhɨritɨa, meta xeketenaye'atɨwani, yunaitɨ kwie wa'aurie mukumanetsie mekete'iyetuiriwani Kakaɨyari mɨmakaxiwa,

Nɨ'ariekate 23:14

Mawari wewiwamete memɨhɨritɨariekai wahetsɨa meta 'ukirawetsixi wahetsɨa me'u'axɨaka mɨpaɨ mekateniwarutahɨawe: —Tame mɨpaɨ tepɨtetahɨritɨa, tixaɨtɨ tepɨkatekwaka Papuru temiemeke.

Mateu 23:18

Metatsiere mɨpaɨ xeputiyuane xeme: “Xewitɨ xɨka mawari taiyame haxaxatatɨ 'uyɨhɨritɨani, mɨkɨ tixaɨtɨ pɨkatihɨkɨ, peru xɨka mawari heimana mɨrapine haxaxatatɨ 'uyɨhɨritɨani, mɨkɨ peuyewetse yamɨtikayani kemutayɨ”.

Mateu 23:16

»Xɨa'ui xeme, xe'akɨkɨpetɨ xemɨwarahapana hipame, mɨpaɨ xemutiyuane: “Kemɨ'ane tuki haxaxatatɨ mɨyɨhɨritɨa, mɨkɨ tixaɨtɨ pɨkatihɨkɨ, peru xɨka yɨhɨritɨani huru tepɨayari tukita mieme haxaxatatɨ, mɨkɨ peuyewetse yamɨtikayani kemutayɨ”.

Nɨawari 119:106

Ne tɨratu nepuwewi nekɨmana, meta yanepɨra'eriwa: kename 'a'aitsikatsie yanetikayani.

Nɨawari 56:12

Kakaɨyari, ne 'ahetsiemieme nepɨnetipiniri, ne kenemɨtiyutemawie nepumatitimawirieni.

'Itsɨkate 11:39

Huta metseri haye'aku yupaapa hetsɨa kaninuani, mɨkɨ yakatiniuyurieni kemutayɨkai. 'Uka pɨkatiwikiwekai. Mana mɨtiyehane 'ixaheritsixi me'iku'eriwatɨ mekanakɨne

'Itsɨkate 11:11

Ketexi kaneyani 'ukirawetsixi Karaha kiekatari wahamatɨa, teɨteri mekanenukakeni mɨtiwa'aitɨakakɨ. Mitsipa katiniutaxata naime Yawé hɨxie.

'Inɨatsie 30:10

»Kepauka 'ukaratsi wikiekame tixaɨtɨkɨ mɨtiuyuhɨritɨa yamɨtikayanikɨ,

'Inɨatsie 21:2

Hikɨ 'ixaheritsixi mɨpaɨ mekaniutiyuani Yawé hetsiemieme: «Xɨka 'ekɨ teme'iwa yapehaineni mɨtatsi'aye'unie, naime wakiekari tekanika'unakuni».

Memeyekɨ 20:7

»Ne Yawé kenemɨtitewa yakɨ xeikɨa pepɨkanetsikuxatani, ne nepɨka'itinenimayata kemɨ'ane kanetsi'enietɨ mɨnetsi'utaterɨwani.

Nɨawari 15:3

yuniukikɨ hipame mɨkawarekaxɨrɨwa, yu'aurie kiekame 'axamɨkatikuxaxatɨwa, yuhepaɨtewi 'axamɨkayurie,

'Inɨatsie 32:24

Xekeneutiwewi kiekari xeniwema wahetsiemieme, meta kuraru xetewama wahetsiemieme, meta xekatenaye'atɨakuni kexemutiyua».