'Inɨatsie 26:53 - Kakaɨyari Niukieya

⁵³ «Kwie keniwayetuiri 'inɨaritɨkaime 'ikɨ nuiwarite wahetsiemieme mɨhɨkɨtɨnikɨ. Keyupaɨmetɨ memaka'utɨarie mɨpaɨ meyupaɨmeme keniwaruxatɨa.

'Inɨatsie 26:53 ပူးပေါင်းရင်းမြစ်များ

Kutsuhexi 14:1

'Ikɨ kwie Kanani mieme kanihɨkɨtɨni mawari wewiwame 'Eriyatsaxi, Kutsuhexi Nuni nu'aya meta 'Ixaheri nuiwaritemama wa'ukiyarima 'ixaheritsixi memɨwayetuiri.

Kutsuhexi 11:23

Kutsuhexi mɨpaɨ katiniwara'iwa mɨkɨ kwieyarite naime, Yawé Muitsexi kemɨtiuta'aitɨa, Kutsuhexi kaniwayetuirieni mɨyetuiriyarie yuxexuime nuiwarite 'ixaheritsixi mekateniyetuiriyarieni. 'Anari mekaniuka'uxipieni meyukwitɨwetɨ hɨritsie.

Nɨawari 105:44

Kaniwayetuirieni nuiwarite wakwietɨkai, tita mana teɨteri memɨte'uka'etsakai wapiini pɨratɨa,

Matsiɨkɨtɨ kemɨratɨa 21:27

Hatsuaku hetsɨana pɨkaheutahani tita mɨkati'itiya, kakaɨyarixi memɨwarayexeiya meta memɨte'itawa, matsi kemɨ'ane xeikɨa Muxa xapayatsie memaka'utɨarie tukari mexeiyatsie.

Matsiɨkɨtɨ kemɨratɨa 5:10

Takakaɨyari teɨterimama pepɨtatsi'ayeitɨa te'aitamete, mawari wewiwamete pepɨtatsi'ayeitɨa, kwiepa tepɨte'aitani».

Mateu 5:5

'Aixɨa mekani'itɨarieka mɨkɨ memɨka'ayu'eririya, wahetsie pɨtinake kwie naitɨ.

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

'Etsekieri 47:22

Xeme xepitawiyaxɨani 'inɨari xewewietɨ xeyunaitɨ, metatsiere tewanarixi xetsata memu'uwa, meta tɨɨri memɨwarayexei, yaxeikɨa mepɨtematiwani 'ixaheritsixi wahepaɨ mana memutinunuiwaxɨkɨ. 'Ayumieme mɨkɨ tewanarixi yaxeikɨa kwie mepɨyetuiriyarieni 'Ixaheri nuiwarimama watsata.

Nɨawari 49:14

Muxatsi wahepaɨ, mekane'ariyani teukiyapa, muwa kaniware'arieni mɨki. Wakaxari kwieta paitɨ kanetipɨnimɨkɨ, wakii witsimɨ'anene mati'utsie 'ahetewakaku. 'Uxa'arieka ximeri teɨteri heitserie memexeiya mekateniwata'aitɨakuni.

Tsutɨarika 12:7

Mana Yawé 'Apɨrami mɨpaɨ katiniutahɨawe: «Ne 'ikɨ kwie 'anuiwarima nekaniwayetuiriemɨkɨ». Hikɨ mana 'Apɨrami tenutsari mawari wewiwame kaniutawewieni Yawé hetsiemieme, mana mitahɨawixɨkɨ.

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

'Inɨatsie 26:52

Yawé Muitsexi mɨpaɨ katiniutahɨawe:

'Inɨatsie 26:54

Kemɨ'ane nuiwari memɨyumɨire 'ayeukame pekaniwayetuiriemɨkɨ, kemɨ'ane nuiwari 'etsimemɨyupaɨmeni, 'etsiyeukame pekaniwaxatɨamɨkɨ. Yuxexuitɨ nuiwari yamekatenimikiekuni keyupaɨmetɨ memaye'uka.

'Inɨatsie 33:54

Mɨkɨ kwie pekaniwatawiyatsitɨamɨkɨ 'inɨarikɨ, 'iwamarixi hɨkɨa meke'ukuyaxixɨani. Kemɨ'ane nuiwari kwinimieme memɨyɨpaɨmeni mɨkɨ matsi kwie 'ayeukame mekani'axikuni, metatsiere kemɨ'ane yakɨ memɨyupaɨmeni mɨkɨ 'etsiyeume mekani'axikuni. Kemɨ'ane 'inɨarikɨ memi'axe mɨkɨ tiwapiini katinayeimɨkɨ, yunaitɨ nuiwari kememɨyupaɨmeni mɨpaɨ yeyeukame mekani'axikuni.

Kutsuhexi 1:6

»Kenetɨrɨkaɨyeni meta pepɨkamaka, 'ekɨtsɨ pekatiniyurimɨkɨ 'ikɨ teɨteri wakwie mayani nemɨwaxatɨakai watutsima.

1 Kemɨtiuyɨ 16:18

“'Ekɨ Kanani kwieyari nekamaniyetuiriemɨkɨ, piinitɨarika 'ahetsiemieme mɨhɨkɨtɨni hepaɨ”.