'Inɨatsie 24:9 - Kakaɨyari Niukieya

⁹ Maye 'uki hepaɨ kanakatutsitani, maye 'ukaratsi hepaɨ 'akaniuhupuni: ¿kemɨ'ane ka'ukamatɨ piyehaxɨatɨawe? 'Aixɨa meke'itɨarieka 'aixɨa memɨmatsiyurie. 'Axameke'itɨarieka 'axamemɨmatsiyurie».

'Inɨatsie 24:9 ပူးပေါင်းရင်းမြစ်များ

Tsutɨarika 12:3

Ne 'aixɨa nepɨwayurieka kemɨ'ane 'aixɨa memɨmatexeiyani, meta 'axanepɨwayurieni kemɨ'ane 'axamemɨmatsiyurieni. 'Ekɨ 'akɨmana 'aixɨa mepɨ'itɨarieka yunaitɨ nuiwarite kwiepa memɨtama».

Tsutɨarika 27:29

Waɨkawa teɨteri 'ahetsɨa mekete'uta'uximayata, nuiwarite 'ahɨxie meke'utitunuma'uni. 'A'iwamatɨme peketiwaruta'aitɨani, 'amaama niwemama 'ahɨxie meke'utitunuma'uni. Kemɨ'ane 'axamɨmatsiyurieni mɨkɨta 'axapɨ'itɨarieka, meta kemɨ'ane 'aixɨa mɨmatixeiyani mɨkɨta 'aixɨa pɨ'itɨarieka».

Tsutɨarika 49:9

Neniwe Kura, maye temaikɨ hepaɨ pepɨ'ane, maxa muwiyarie mɨkwa'a hepaɨ. Maye 'amɨpa hepaɨ, pe'itakwaka pehakunuaka pemanuhuputsie pekaniyuhayewa. Maye 'uka hepaɨ, xewitɨ pɨkayɨwe mɨmatsi'uximatɨanikɨ.

'Inɨatsie 23:24

'Ikɨ teɨteri, xeimieme mekanixatani maye 'uka hepaɨ, mɨkɨ maye 'uki mɨtikuwaɨne hepaɨ. Pɨkaka'uxipieni tita mɨtikuweiyane 'i'axemeke mɨwakwini waxuriya ha'iemeke».

Mateu 25:45

Hikɨ mɨpaɨ katiniwatahɨawimɨkɨ: “Yurikɨ, mɨpaɨ nepɨxerahɨawe, naime kexemɨkate'uyuri 'ikɨ ne'iwama wahetsiemieme tsepa tixaɨtɨ mɨkatihɨkɨ hetsiemieme, neta nehetsiemieme yaxepɨkate'uyuri”.

Mateu 25:40

Hikɨ Ti'aitame mɨpaɨ katiniwatahɨawimɨkɨ: “Yurikɨ mɨpaɨ nepɨxerahɨawe, naime kexemɨte'uyuri 'ikɨ ne'iwama wahetsiemieme tsepa tixaɨtɨ mɨkatihɨkɨ hetsiemieme, mɨkɨ nehetsiemieme xepɨte'uyuri”.

Nɨ'ariekate 9:5

Mɨkɨ rehɨawe: —¿'Ekɨ Ti'aitame kemɨ'ane pepetaine? Mɨkɨ mɨpaɨ kaniutayɨni: —Netsɨ Ketsutsi nekanihɨkɨtɨni pemɨnetsikuweiyane. Pɨmatsi'ukukuine pemɨka'awaɨriyakɨ, pemɨti'aketsinakɨ pe'anatseiwatɨ titsewemekɨ.

Nɨawari 122:6

Kerutsareme hetsiemieme tepuyunenewieka kayuwatɨ mexeiyanikɨ: «'Aixɨa 'anemekɨ memu'uwanikɨ kemɨ'ane memɨmetsinaki'erie.

Nɨawari 2:12

Yaxeketenekahuni, kapa 'uyeha'anikɨ kapa xe'ukwinikɨ huyeta, mɨkɨ yapauka kaniuyeha'arɨweni. 'Aixɨa meke'itɨarieka kemɨ'ane memɨyu'awieta hetsɨana.

Kuwi 41:10

Xewitɨ kaniumawe miyehaxɨatɨanikɨ. ¿Kemɨ'ane kamɨtsɨ pɨyɨwe mitamienikɨ?

Memeyekɨ 23:22

Xɨka pehenu'enieni, xɨka yapetikayani naimekɨ kenemɨti'aita, memɨmatsi'aye'unie ne newaraye'unietɨ nepayani meta kemɨ'ane 'ahɨxie memu'uni wahɨxie nepukeni.

'Inɨatsie 22:6

Waɨkawa nemetsiwawirie pemamiekɨ 'ikɨ 'axapemɨwayurienikɨ nehetsiemieme, waɨkawa pemɨtɨrɨkaɨyekɨ. Mɨpaɨke newara'iwake nepɨne'erie 'ateewapai newaranunɨ'ame. Ne mɨpaɨ nepɨtimate kemɨ'ane 'aixɨa pemuyurieni 'aixɨa'itɨarietɨ payeika, kemɨ'aneta 'axapemuyurieni 'axa'itɨarietɨ payeika».

'Inɨatsie 22:12

Kakaɨyari Warami mɨpaɨ katiniutahɨawe: —Pepɨkayemie wahamatɨa meta pepɨkawakewaiyaneni 'ixaheritsixi, kiekari 'aixɨa memu'itɨarie mekanihɨkɨtɨni.

'Inɨatsie 24:10

Hikɨ Waraki kaniuyeha'ani Warami hepaɨtsita, yumamatetsie heuyɨtɨminatɨ mɨpaɨ katinitahɨawe: —Nekametiniutanɨ'airieni 'axapemɨwayurienikɨ nemɨwaraye'unie, hikɨri hairieka matsi 'aixɨa petiwayurie pɨta.

Kitsariyaxi 31:4

Mɨpaɨtsɨ Yawé kanetinahɨaweni: «Maye muyutahaxɨatɨwa yu'ikwai hetsie nuatɨ, kepauka hepaɨtsitana memuyukuxeɨrieni yunaitɨ muxatsi wahɨwemete, maye temaikɨ hepaɨ wahiwarikɨ mɨka'utimamawe meta kayuwatɨ mɨkatiukieka wayuarikakɨ, mɨpaɨta Yawé Naimekɨmɨtɨrɨkaɨye katininuamɨkɨ watakwinike, Tsiyuni hɨriyaritsie, 'amanutitewitsie.

Mikeyaxi 5:8

Kakuwu nuiwarimama memuyuhayewa nuiwarite watsata, yumɨireme teɨteri watsata, maye yeutarite watsata kemɨtiyumate mɨkɨ hepaɨ mepɨ'aneni, maye temaikɨ muxatsi watsata kemɨtiyumate hepaɨ, kepauka watsata meutahani puwatixutsina meta puwatikwa'a, nixewitɨ wahetsie mɨtanuani mɨkayɨwekɨ.

Hutarieka 'inɨari 30:7

Meta Yawé xekakaɨyari yapɨtiyurieni 'ikɨ kemɨre'uxa memɨxe'aye'unie 'axamemɨ'itɨarienikɨ, memɨxexani'erie meta memɨxe'uweiya.

1 Te'aitamete 10:20

meta 'imɨmɨitsie 'ataxewimexɨa manukuhetsie mepa'utɨkatei mayetsi tamamata heimana huta meyupaɨmetɨ me'anuyutaxeiyatɨkaitɨ. Tawari xeime kwieyaritsie hepaɨna ti'anetɨ pɨkatitawewiyawekai.

2 Kemɨtiuyɨ 9:18

'Uweni yuhetɨa peixeiyakai 'imumɨi 'amatayewa 'ataxewimexɨa panukuhetei mana mutiyeikanikɨ, 'uweni hetsiena mawekai hurukɨ puwewiyakai, pamamatɨkatei, xexuime mamateya 'aurie mayetsi yuxexuitɨ mepeuti'utɨkatei,

'Etsitexi 6:13

Yu'ɨya Tseretsi meta yunaime yuhamikuma katiniwarutaxatɨani kemɨranuyeyakai. Hikɨ 'ɨxatsitamete waɨkawa memɨtemaiwawekai meta 'ɨyaya Tseretsi mɨpaɨ mekatenitahɨawe: —Maxirukeyu xɨka pemiemɨkɨ, xɨka huriyu tewiyari hɨkɨtɨni pepɨkayɨwekaxɨani. Kaniyuritɨni 'ekɨpɨta pekanimieriemɨkɨ.