'Inɨatsie 24:7 - Kakaɨyari Niukieya

⁷ Xariteya haa panakayeuriwe, 'imɨarieya puyutemawie haa waɨkawa mexeiyakɨ. Ti'aitame pɨmariwe 'Akaki reuyeta, mariwetɨ 'aitsikaya payuyeitɨwa.

'Inɨatsie 24:7 ပူးပေါင်းရင်းမြစ်များ

1 Kemɨtiuyɨ 14:2

Mɨkɨkɨ Rawiri mɨpaɨ katinetimani kename Yawé, yuteɨterima wanaki'erietɨ, 'enukake 'Ixaheri kwieyaritsie mɨti'aitanikɨ, meta mariweme hayeitɨaximekai hakewa mɨre'aita.

2 Tsamuheri 5:12

'Ana Rawiri mɨpaɨ katinetimani, Yawé yuteɨterima wanaki'erietɨ, ti'aitame meyeitɨa 'ixaheritsixi wahetsie meta 'ayeumetsie mɨtita'aitakɨ mipitɨakai.

Matsiɨkɨtɨ kemɨratɨa 17:1

Merikɨtsɨ mɨkɨ xewitɨ niuki tuayamete 'atahuta memɨhɨkɨ tekɨxi memuhapakai, 'ahurawa kanayani, mɨpaɨ kanetiniutahɨawe: «Kenaye'a, nepɨmatsixeitsitɨani 'ukaratsi mɨmariwe kemɨtikwine tuminikɨ mɨyumayɨinɨa, haa waɨkawame hetsie 'akaitɨ.

Keremiyaxi 51:13

'Ekɨ, haa waɨkawa xuawekaku pemɨkiekame meta waɨkawa mɨraye'atɨka pemɨrexeiya pemɨxiku, 'a'imatɨrieka tukaritsie pekaniyɨaneni, pe'uyeikatɨ 'ena xeikɨa pekanati'ani.

Matsiɨkɨtɨ kemɨratɨa 19:16

Kamixayatsie meta teurieyatsie mɨpaɨ pɨre'ukai kemɨtitewa: Ti'aitame, te'aitamete tiwa'aitɨwame, meta Kutsiyari wakutsiyari.

Matsiɨkɨtɨ kemɨratɨa 17:15

Hikɨta niuki tuayame mɨpaɨ kanetiniutahɨawe: «Haa pemuxeiyakai, 'ukaratsi tuminikɨ muyumayɨinɨa hetsiena 'akaime, mɨkɨ kiekarite mekanihɨkɨtɨni, mɨmɨiremete memɨhɨkɨ meta hipame niukitekɨ memutiniuka.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

Wani 1:49

Natanaheri mɨpaɨ katinita'eiya: —Ti'ɨkitame, 'ekɨ Kakaɨyari pekaninu'ayatɨni, 'ixaheritsixi tati'aitɨwame pekanihɨkɨtɨni.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Kitsariyaxi 48:1

»'Ikɨ xeme xeketeneu'eni, Kakuwu tɨɨriyamama, Kura nuiwarimama, 'ixaheritsixi xemɨte'uterɨwarɨwa, Yawé hetsiemieme xemɨyuhɨritɨa, meta 'Ixaheri Kakaɨyarieya memahɨawe, peru yu'iyarikɨ xemɨkayɨa meta kemɨtiheitseriekɨ.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Kitsariyaxi 2:2

'Imatɨrieka tukaritsie, hɨri Yawé kiiya manuwe pɨkawatayuitɨarieni matsi 'a'utewitɨ kanayeimɨkɨ, hɨrite naime kana'iwamɨkɨ, hetsɨana yunaitɨ nuiwarite mekani'axɨakuni.

Nɨawari 68:26

'Aixɨa xeketenehekɨatani Kakaɨyari xeɨripa, Yawé xekenenɨawani, 'Ixaheri nuiwarimama.

Nɨawari 18:43

Memɨnetsi 'uximatɨakai wahetsɨa pepɨnetsi 'ɨxɨnaxɨ, hikɨ matsi hipame nuiwarite wayeta pepɨnetsikake, hikɨ mepɨnetsi'ayexeiya teɨteri nemɨkawamatekai.

'Etsitɨraxi 4:20

meta kename Kerutsareme kiekariyaritsie te'aitamete metɨrɨkawitɨ me'utixuawerixɨ, memɨte'aitakai naitsarie tau makayuyuipike hepatsie haa 'Eupɨrate manuyeka 'anutaɨye naime kwieyaritsie, mepɨtekupitɨariwakai wahekɨ, meta mepɨteyetuiriyarɨwakai, meta memɨteyuniɨtɨakai mepɨtekupitɨariwakai 'anamakame.

1 Te'aitamete 4:21

Tsarumuni pɨti'aitakai yunaime hipatɨ te'aitamete wahetsie 'Eupɨrate hatuxameyari manuyeka memɨtama meta piritsiteutsixi wakwietsie paitɨ, yaxeikɨa 'Ekipitu kwieyari manuye'atɨka paitɨ. Kepauka Tsarumuni 'amuyeikakai mɨkɨ nuiwarite yunaitɨ mepɨte'iyetuiriwakai kemɨtiwawawiriekai.

'Inɨatsie 24:20

Warami 'Amareki 'uxeiyaka mɨpaɨ kaniutayɨni: «'Amareki mexɨakame nuiwari kanihɨkɨtɨni, peru 'imatɨrieka naitɨ kanika'unariemɨkɨ».

Nɨawari 89:27

Ne neniwe matɨari mieme heitserie nekanipitɨamɨkɨ, mexɨakame kanayeimɨkɨ te'aitamete kwiepa memɨtama wahetsie.

1 Te'aitamete 5:1

Merikɨtsɨ Hirami mɨti'aitametɨkai Tiru kwieyaritsie mɨkɨ 'aixɨa mepɨteyuxeiyakai Rawiri matɨa, hikɨ kepauka mɨretima kename nu'aya Tsarumuni 'anayexeiyariekai 'ɨtɨmana ti'aitame 'ayeitɨarie, 'ayumieme yuparewiwamete peinɨ'airi memeitawaɨritɨanikɨ.

'Etsitexi 3:1

Mɨyatiuyɨkukeri ti'aitame 'Atsuheru 'Amani waɨkawa mariweme kanayeitɨani Hamerata nu'aya, 'Akaki nuiwarieya, kanipitɨani hetsɨana mɨti'uximayakakɨ matsi waɨkawa katinipitɨani keyuri hipame.

Nɨawari 72:11

Yunaitɨ te'aitamete hɨxiena meke'ukahɨxima'uni, yunaitɨ nuiwarite mekete'i'uximayatsirieka.

Kitsariyaxi 30:25

'Imieri tukariyari maye'anitsie, kepauka tuxiyu makainariexɨani, 'ana 'akitsie haa 'uhapanetɨ kanayeimɨkɨ meta haixa kanitixuawerimɨkɨ naitsarie hɨritsie 'amutɨtɨtsie.