'Inɨatsie 24:6 - Kakaɨyari Niukieya

⁶ 'Aki muyehapane hepaɨ pɨtiyuxexeiya manuyunanake, tuturi hatetsita mɨ'iteɨritsie hepaɨ pɨtiyuxexeiya, 'aruhe 'iteɨriyari Yawé mika'iteɨtaxɨ hepaɨ, kariuxa hatetsita mɨti'u hepaɨ pɨ'anene.

'Inɨatsie 24:6 ပူးပေါင်းရင်းမြစ်များ

Nɨawari 1:3

Mɨkɨ kɨye hepaɨ kani'aneni hatetsita muka'iteɨtsie hepaɨ kepauka tukarieya maye'axe kaniukaxuxuawereni xawariyari hatsuaku pɨkatiyɨnare. Naimekɨ kemɨtiyuriene 'aixɨa pɨtikuyɨne.

Kitsariyaxi 58:11

Yawé yuheyemekɨ kamenikuwitɨnemɨkɨ, pɨmatsihuxaitɨaka kwie makuwakitsie, meta 'a'umeyarite kanititɨrɨkariyamɨkɨ. Haraweri 'aixɨa mɨtihatuiyarie pekanayeimɨkɨ, haixa pekanayeimɨkɨ mɨka'ukawauke.

Nɨawari 104:16

Yawé kɨyexiteya 'aixɨa katinehatuiyarieka, kariuxa kɨyeyari Riwanu paitɨ mika'e.

Kuheri 3:18

»'Iya tukaritsie kaxie winuyari makaka hɨritsie panexɨani, yemuritetsie retsi puhapaneni. Haa puwayenexɨani 'akite manuyehapanetsie kura kwieyaritsie. Yawé tukieyata haixa pɨtineikani, 'Akatsiya kɨyeyari pɨhatuiyani mayeweritsie mɨye'u.

'Etsekieri 47:12

Hatetsita waɨkawa 'iteɨrite pɨtitiwawere 'ikwaxi muxuaweriyawe, waxawari hatsuaku pɨkahetiyɨnare, meta 'ikwaxi yapɨtixuaweni. Xeimetseri 'anukayeikakaku 'ikwaxi hehekwatɨ pɨkayaxikeni, mɨkɨ haa mihatuiya tukita mayeneikakɨ. Wa'ikwaxi pɨ'ikwaitɨni meta xawariyarita pu'uayetɨni.

Keremiyaxi 31:12

Mekani'axɨakuni Tsiyuni hɨriyari 'amanutitewitsie paitɨ mekanitakwikakuni, Yawé witsimɨtiuka'iyarikɨ mepuyutemamawieka: nepɨtixeyetuirieni tɨriku, kaxie winuyari mɨhekwa meta hatseiti, muxatsi waniwema meta wakaitsixi. 'Iteɨri 'aixɨa mɨreukuhatuiyarie hepaɨ xekani'anekuni, tawariri xeweraranitɨ xepɨkahakɨne.

Keremiyaxi 17:18

Tewiyarika pepɨkanetsipitɨaka, mɨkɨ pɨta keniwarutewiyarikatsitɨa. Pepɨkanetsimariutani, mɨkɨ pɨta keniwamariutani. Tukari kwaniweme keniwaranɨ'airi, tsepari keniwaruka'una yuheyemekɨ.

Kitsariyaxi 41:19

Makumawetsie nekatinikayatsamɨkɨ, kariuxa, meki, tsikwai kɨyeyari meta huriwu. Kwie muwakitsie huku mɨxexeurawi nekanikayatsamɨkɨ, huku yunɨkame metatsiere kwetsi kɨyeyari,

Kwikari 6:11

Nekaneyani kariu haraweriyari muyema nemɨtixeiyakɨ hekwamekɨ mayeweritsie mɨtiyɨyɨra, ne'ixeiyamɨtɨ kaxie mɨyɨyɨra, meta manitsana kɨyeyariteyari muxutu.

Nɨawari 45:8

Mixaxi 'ɨakariyari, 'aruhe meta kanera, mɨpaɨ pu'ɨatɨka 'akemarite, paratsiyu witsimɨtiuye'anetsie 'umetekɨ tiwaku'utɨkaimeta pe'ayekaiku, pɨmetsitemawieritɨa kanari yuariyaya.

Tsutɨarika 13:10

Ruti kananieretɨyani naitsarie, Kurutani 'utɨma muweritsie kaneuyeniere, naitɨ 'aixɨa katiniu'anekaitɨni Tsuhaxi paitɨ 'uyenieretɨ, 'aixɨa katiniuhaxiekaitɨni, Yawé harawerita hepaɨ meta 'Ekipitu kwieyaritsie hepaɨ. Mɨpaɨ katiniu'anekaitɨni mana Tsuruma meta Kumuxa kepauka Yawé mɨka'ika'unawekaitsie.

'Inɨatsie 24:5

»Kakuwu, 'axamarute witsipɨ'anene. 'Ixaheri, witsipɨtiyuxexeiya pemanukatsie.