'Inɨatsie 24:4 - Kakaɨyari Niukieya

⁴ Niukieya mɨ'enie Kakaɨyari kaniniukieyatɨni, Naimekɨmɨtɨrɨkaɨye mɨtixeiya, mukakukutsutsie hepaɨ mɨtikuxaxatɨariwa.

'Inɨatsie 24:4 ပူးပေါင်းရင်းမြစ်များ

Matsiɨkɨtɨ kemɨratɨa 1:17

Kepauka nemixei, hetɨana nekaniukaweni nemumɨni hepaɨ ne'anetɨ, mɨkɨ yutseriekɨ nehetsie kaneutimeni mɨpaɨ 'utaitɨ: «Pepɨkamaka. Ne mexɨakame meta 'imatɨreme nekanihɨkɨtɨni,

Matsiɨkɨtɨ kemɨratɨa 1:10

Ti'aitame tukarieyatsie 'Iyari nehetsie kaninuani, meta newarita xeime nekaniu'enieni karima 'utaniukame kuxineta hepaɨ ti'eniɨriɨkɨtɨ.

'Etsekieri 1:28

Xawatɨriya hakuwiwi hepaɨ pɨtiyuhekɨakai, kepauka mukawiwiyetsie mana mutahupu. Naitɨ witsipɨtiyuxexeiyakai Yawé wewiyaya. Mɨpaɨ netiuniereka, kwiepa nekaniutihɨximakeni, 'ana xeime nekaniu'enieni netsihahɨaweme.

'Inɨatsie 12:6

Yawé mɨpaɨ katiniwarutahɨawe: «Xekeneneu'eni kenemɨtixetahɨawe: »Kepauka Yawé niukameya xetsata 'amuyeika, ne nekanikɨhɨaweni heinɨtsika hepaɨ 'anemetsie meta nematsiɨkɨtɨ nekanayuyeitɨwani heinɨtsikatana.

Nɨ'ariekate 22:17

»Hikɨ Kerutsareme nenuaka, mexi'akuxi tuki kuraruyarita neyunenewiekai, heinɨtsi hepaɨ 'anekame nekaniuxeiya,

Nɨ'ariekate 10:19

Mexi'akuxi Pekuru yu'iyaritɨakai kemɨtiunierekai hepaɨtsita, 'Iyari mɨpaɨ katinitahɨawe: «Neuxei Tsimuni, teɨteri yuhaikatɨ mepɨmatsiwautɨwe.

Nɨ'ariekate 10:10

Kanekahakamɨkatɨyani, mexi'akuxi 'ikwai wewiyakai, katiniuheinɨni.

Nɨawari 89:19

Heiwa 'ekɨ 'ateɨterima pepɨtiwarutaxatɨa heinɨtsi hepaɨ 'anemekɨ, mɨpaɨ pepɨtiwarutahɨawixɨ 'ateɨterima yamemɨtekahu: «Ne nekaniparewieka xeime waɨkawa meuyutamiewe, xeime tewi 'aixɨa nemɨtixeiya hetsiena mieme 'aixɨa nepaine.

1 Tsamuheri 19:24

Hikɨ yu'ixɨriki kananutihɨna, kwiepa 'ukaitɨ mawetɨ, tɨkarikɨ tukarikɨ 'iyari kaniwiyakaitɨni Tsamuheri hɨxie. Xatsika mana kanayeneni: «¿Kamɨtsɨta Tsahuri Kakaɨyari niukameya tihɨkɨ?»

'Inɨatsie 22:31

'Ana Yawé yuniuki tuayame kaniuhekɨata 'ixipara hakwekame Warami mixeiyakɨ. Warami kwiepa paitɨ kaniutihɨximakeni.

'Inɨatsie 22:20

Mɨkɨ tɨkarikɨ Kakaɨyari kaniyuhekɨata Warami hetsɨa: «Metsɨ 'ikɨ teɨteri mekameniku'inietɨweni, kenemietsɨ wahamatɨa, xeikɨatsɨ ne kenemerekɨhɨaweni yapekatinekamiemɨkɨ».

Tsutɨarika 15:12

Kepauka kɨyɨrirumekakɨ, 'Apɨrami kaniukumɨni, yapauka yɨriya kananukateni hetsiena, hikɨ kanimakaitɨni.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

'Inɨatsie 24:5

»Kakuwu, 'axamarute witsipɨ'anene. 'Ixaheri, witsipɨtiyuxexeiya pemanukatsie.

'Inɨatsie 24:15

Hikɨ Warami mɨpaɨ kaniutayɨni: «Warami niukieya Wehuxi nu'aya, tewi 'aixɨa mɨti'ane mɨtixeiya niukieya.

1 Te'aitamete 22:17

Hikɨ Mikahiyaxi mɨpaɨ kaniutayɨni: —Yunaime 'ixaheritsixi nekaniwaruxeiya metaxɨrietɨkaime hɨritsie, muxatsi memɨkatehekakutsiyari wahepaɨ. Hikɨ Yawé mɨpaɨ kaniutayɨni: “'Ikɨ teɨteri yukutsiyari mepɨkahexeiya. Yuxexuitɨ mekeheutayeixɨani, yukie kayuwatɨ mehexeiyatɨ”.