'Inɨatsie 22:12 - Kakaɨyari Niukieya

¹² Kakaɨyari Warami mɨpaɨ katiniutahɨawe: —Pepɨkayemie wahamatɨa meta pepɨkawakewaiyaneni 'ixaheritsixi, kiekari 'aixɨa memu'itɨarie mekanihɨkɨtɨni.

'Inɨatsie 22:12 ပူးပေါင်းရင်းမြစ်များ

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Hutarieka 'inɨari 23:5

Peru Yawé xekakaɨyari xenaki'erietɨ Warami pɨkahanu'eni, hikɨ pipataxɨ 'axakemɨxeyurienikekai 'aixɨa pɨta pɨxe'uyuri.

Xumatari 11:29

Kakaɨyari pɨkayupata kemɨtiwamikwa meta kemɨtiwa'inie.

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

Hutarieka 'inɨari 33:29

'Ixaheritsixi, xekeneyutemamawieka yutukarikɨ. ¿Tawari kemɨ'ane 'aku xehepaɨ, mepɨwikweitsitɨarie Yawé hetsie? Mɨkɨ 'ahetsie nunuwame pɨhɨkɨ meta metsiparewiwame, mɨkɨ xe'ixipara pɨhɨkɨ kɨmana xemɨtehayu'iwa. Memɨxekwitɨwe xehɨxie mepɨtitunuma'uni, wawari, hetsiena xema'uwe pakɨne».

Mateu 27:19

Mexi Piratu 'itsɨkame 'uwenieyatsie 'akatei, 'ɨyaya niuki kaneinɨ'airieni mɨpaɨ 'utaitɨ: «Keneuhayewa mɨkɨ tewi heitseriemekɨ yamɨtikamie, kɨmana waɨkawa nepɨtiukwinixɨ neheinɨtsita hikɨ yɨwikɨta».

Mikeyaxi 6:5

Neteɨterima, xekena'eriwani Waraki Muhawi kwieyaritsie ti'aitame kemɨtiyurimɨkɨkai, meta Warami Wehuxi nu'aya kemɨtita'ei. Xekena'eriwani kexemɨte'ukɨ Tsitini xemɨyekɨ Kirikari paitɨ xemu'axɨa, meta mɨpaɨ xeketenemaika Yawé kemɨtixe'utawikweitsitɨa».

Nɨawari 146:5

'Aixɨa kani'itɨarieka kemɨ'ane Kakuwu kakaɨyarieya miparewie, meta kemɨ'ane Yawé mɨtakwewie yukakaɨyari,

Nɨawari 144:15

Kemɨ'ane kiekari mɨpaɨ mɨrexeiya 'aixɨa ke'itɨarieka. 'Aixɨa mepɨ'itɨarie kemɨ'ane kiekari Yawé yukakaɨyaritɨme memayexeiya.

'Inɨatsie 23:23

Kakuwu hetsɨa 'ikewari pumawe, meta 'Ixaheri hetsɨa 'awie memɨte'uyemate mepɨkaxuawe. Kakuwu meta 'Ixaheri wahepaɨtsita mɨpaɨ katinitaniukiemɨkɨ: “Xeketeneuxeiya Kakaɨyari 'aixɨa kemɨtiuyuri”.

'Inɨatsie 23:3

Hikɨ Warami, Waraki mɨpaɨ katiniutahɨawe: «'Ena keneuyuhayewa, 'amawari taiyariyari 'aurie, 'akuxi ne Yawé nepeta'iwawiya kemaineni. Yareutewitɨta nekametinitaxatɨamɨkɨ kemɨneretahɨawe». Hikɨ yemuri metsekametsie kaneutimiekaitɨni.

'Inɨatsie 22:6

Waɨkawa nemetsiwawirie pemamiekɨ 'ikɨ 'axapemɨwayurienikɨ nehetsiemieme, waɨkawa pemɨtɨrɨkaɨyekɨ. Mɨpaɨke newara'iwake nepɨne'erie 'ateewapai newaranunɨ'ame. Ne mɨpaɨ nepɨtimate kemɨ'ane 'aixɨa pemuyurieni 'aixɨa'itɨarietɨ payeika, kemɨ'aneta 'axapemuyurieni 'axa'itɨarietɨ payeika».

'Inɨatsie 22:11

“Teɨteri 'Ekipitu kiekatari kwie hikɨ 'ena naime mekanikunaka. Kenamieka 'axakeniwaruyuri nehetsiemieme. Mɨpaɨke xɨari nepɨyɨwe newakwinetɨ nemɨwarutaweiya nekwietsie”.

'Inɨatsie 22:13

'Uxa'arieka Warami 'anukukeka 'itsɨkate mɨpaɨ katiniwarutahɨawe Waraki mɨwareyenɨ'a: «Xekenakunuaxɨa yukie, Yawé pɨka'inake xehamatɨa nemeumienikɨ».

'Inɨatsie 23:8

¿Titayari 'axanetiwayurieneni kemɨ'ane Kakaɨyari 'axamɨkawayurie? ¿Keneyɨme 'axanepɨwayurieni Yawé mɨpaɨ mɨkatiwara'eriya?

'Inɨatsie 24:9

Maye 'uki hepaɨ kanakatutsitani, maye 'ukaratsi hepaɨ 'akaniuhupuni: ¿kemɨ'ane ka'ukamatɨ piyehaxɨatɨawe? 'Aixɨa meke'itɨarieka 'aixɨa memɨmatsiyurie. 'Axameke'itɨarieka 'axamemɨmatsiyurie».

Hutarieka 'inɨari 2:7

»Yamepɨtemate kename Yawé xekakaɨyari xeparewie naimekɨ kexemɨteyurie, meta xe'ɨwiya makumawetsie xe'u'uwakaku. 'Ikɨ huta tewiyari wiyari, Yawé xekakaɨyari xehamatɨa kaniuyeikani meta nitixaɨtɨ pɨkatixeheuyehɨwa.

Hutarieka 'inɨari 7:14

Waɨkawa matsi xeme 'aixɨa xepɨ'itɨarieka, keyuri hipatɨ teɨteri, mana pumaweni 'uki kanuariwetɨ meta 'uka kaniwewetɨ, meta xewitɨ tewa mana pɨka'uweni kaniwewetɨ.

Hutarieka 'inɨari 28:6

»'Aixɨa peke'itɨarieka hakewa pemekani meta 'aixɨa xepɨ'itɨarieka yuhuyeta.

2 Kemɨtiuyɨ 31:10

hikɨ mawari wewiwamete tiwa'aitɨwame 'Atsariyaxi Tsaruki nuiwarieya, mɨpaɨ katinita'eiya: «Kepauka teɨteri memitsutɨa Yawé tukita 'imikieri mete'atɨwatɨ, tepeixeiya ta'ikwai 'atsita panuyuhayewa, Yawé yuteɨterima muwaparewiekɨ. Mɨkɨ mana mɨtitixeɨrietɨka mutiyuhayewaxɨ katinihɨkɨtɨni».

Kitsariyaxi 61:9

Xiɨyarimama mepetimatiwa nuiwarite watsata, meta waniwema, teɨteri watsata. Kemɨ'ane memɨwaxeiya, mepɨwaretimani kename mɨkɨ nuiwari Yawé 'aixɨa mɨwayurie mehɨkɨ».