'Inɨatsie 17:10 - Kakaɨyari Niukieya

¹⁰ Yawé Muitsexi mɨpaɨ katiniutahɨawe: «Hutarieka 'Aruni 'itsɨya tɨratu kakuniyari hɨxie keneutiketsa, mana mekanixeiyakuni 'axamemutiyuane. Mɨpaɨ mekatenihayewakuni 'axame'utiyuatɨ nehetsiemieme meta 'ixaheritsixi memɨkakwi'inikɨ».

'Inɨatsie 17:10 ပူးပေါင်းရင်းမြစ်များ

Hepɨrayutsixi 9:4

Muwa putiwekai 'ɨkwa witsimu'ɨa mexayari hurukɨ wewiyatɨ, kakuni meta tɨratu mɨ'inɨariyaritɨkai hurukɨ heuwetsitɨarietɨ herie. Kakunitsieta mana pɨyekatei huru xariyari manana payari muyemanekai, 'Aruni 'itsɨya mutaxutui kakunitsie pɨyekateita, tete 'etsimɨtsuye mana pɨyekatei tɨratukɨ mɨraye'uxakai.

'Epetsutari 5:6

Nɨkatɨ xewitɨ tixe'u'itaiya 'eka niuki wewietɨ. Mɨya memɨteyuriekɨ, 'ayumieme Kakaɨyari pɨwaheka mɨkɨ memɨkayuwaɨriya yamemɨtekahunikɨ.

Kitsariyaxi 1:2

Muyuawi, xekeneu'enana. Kwie, meta keneu'ena. Yawé mɨpaɨ kanaineni: «Ne tɨɨri nekaniwarutiwaweriya 'ameyumateme nekaniwarayeitɨani, peru mɨkɨ menetsi'aye'unietɨ mekanakɨne.

Nɨawari 57:4

'Ɨrawetsixi teyukwa'amete wahixɨapa nekaniuweni, teɨteri me'ayu'eririyatɨ ne'aurie mekanawetɨkani. Watamete 'ɨrɨ meta pitsika kanihɨkɨtɨni. Waneni, 'ixipara mataxikauni kanihɨkɨtɨni.

1 Tsamuheri 30:22

Hikɨ Rawiri memaweiyakai hipatɨ kuyaxi 'axamepɨteniniukikai meta 'axamete'u'iyaritɨ mɨpaɨ mekaniutiyuani: —'Ikɨ matsi tahamatɨa mepɨka'anukɨ, 'ayumieme xɨari pɨkaheuyewetse tita temɨtehekaxei mɨkɨta temɨwayetuiriwanikɨ. Mekehekɨne yu'ɨitama mewarawitɨtɨ meta yuniwema.

1 Tsamuheri 2:12

'Eri niwemama 'axamepɨte'u'iyarikai, Yawé mepɨka'eniekai.

Hutarieka 'inɨari 9:24

Kepauka paitɨ nemɨxehetima Yawé xepɨka'enie.

'Inɨatsie 16:40

Mɨkɨ tepɨa muwa kaniuyuhayewa 'ixaheritsixi memimakaxenikɨ, xewitɨ 'Aruni kaxiɨyarieyatɨtɨ meta mɨpaɨ kati'aitɨarietɨ mɨpaɨ mɨkatiyurienenikɨ Yawé 'ɨkwa witsimu'ɨa mɨkatairiekakɨ, xɨka mɨpaɨ tiuyurieni Kure meta niwemama wahepaɨ mekatenikwikuni, mɨpaɨ katiniuyɨni Yawé Muitsexi kemɨtiuta'aitɨakai.

'Inɨatsie 16:38

'Ɨkwa taiyamete keneuti'ɨi 'iya 'axameteyurietɨ memukwi tiwapiini, kɨmana mawari taiyame pekanikawiriemɨkɨ. Mɨkɨtsɨ kanipatsietɨkani, Yawé mɨyetuiriyariekɨ, mɨkɨ 'inɨari 'ixaheritsixi wahetsiemieme mɨhɨkɨtɨnikɨ».

Memeyekɨ 16:32

Muitsexi mɨpaɨ kaniutayɨni: —Yawé mɨpaɨ kanaineni: “Huta kakuniyari xekeneuti'uta manana payari, para xeniwema xemanutihutsie mieme, mɨkɨ memixeiyakɨ paa nemɨxe'umi makumawetsie, kepauka nemɨxe'ayewitɨ 'Ekipitu”.

'Utseyaxi 10:9

«'Ekɨ, 'Ixaheri, 'axapetiyurienetɨ pepumie Kiweya paitɨ mɨtiyukatsutɨatsietɨtɨ, pepɨkatihayewa 'axapetiyurienetɨ. Kiweya kanitamieriemɨkɨ 'axamɨtiuka'iyarikɨ.

1 Kurinitutari 10:10

Mɨkɨ meta, xepɨkaniukixieka, yaxeikɨa hipatɨ mɨkɨ kememɨte'uyuri, me'uniukixieku, ti'uname kaniwaruka'una.

Memeyekɨ 16:34

'Aruni muwa kanikuwieni tɨratu kakuniyari hɨxie, para mu'utɨnikɨ Yawé Muitsexi kemɨtiutahɨawixɨ.

'Inɨatsie 17:4

Tɨratu kakuniyari manuka hɨxie keneuti'uitɨa hakewa xehamatɨa nemɨretixaxata.

'Inɨatsie 17:9

Hikɨ Yawé hɨxie naime 'itsɨte kanewaye'ɨni, 'ixaheritsixi wahɨxie kaniti'uitɨani, memixeiyakɨ kemɨtiuyɨkai, hikɨ yuxexuitɨ yu'itsɨ mekaniuti'ɨni memanuyetei.

'Inɨatsie 17:11

Muitsexi yakatiniuyurieni Yawé kemɨtita'aitɨakai.

'Inɨatsie 20:9

Yawé kemainekai mɨpaɨ Muitsexi katiniuyurieni, 'itsɨ kaniutikweni Yawé hɨxie mutiwekai.

Hutarieka 'inɨari 9:7

»'Ikɨ xekena'eriwani, meta xepɨkatehatɨtɨmaiyani makumawetsie Yawé kexemɨte'iyehaxɨatɨa, kepauka 'Ekipitu xemayekɨtsie paitɨ 'ena xemɨye'axɨatsie Yawé xepɨkaheu'enie.

'Inɨatsie 4:18

«Kuhati hetsie memɨyekɨ xekeniwa'ɨwiyani para Rewi nuiwarimama memɨkaheuyewautsenikɨ.

'Inɨatsie 14:5

Hikɨ Muitsexi, 'Aruni hamatɨa kwiepa mekaniukaxɨrieni yɨhɨxima 'ixaheritsixi wahɨxie.

'Inɨatsie 16:21

―Xekeneutayeixɨa mɨkɨ teɨteri wahamatɨa xepɨkati'uka, ne nekaniwakwimɨkɨ hikɨ.