'Inɨatsie 16:7 - Kakaɨyari Niukieya

⁷ tɨɨ xekanakayatsakuni 'ɨkwa witsimu'ɨa xekenakawiwiexɨa Yawé hɨxie. Kemɨ'ane manayexeiya mɨkɨ kanihɨkɨtɨkamɨkɨ. Xemetɨtɨ Rewi niwemama xepɨhɨkɨ kwinimieme memɨtehanutihu.

'Inɨatsie 16:7 ပူးပေါင်းရင်းမြစ်များ

'Inɨatsie 16:3

Mekaniuyukuxeɨrieni Muitsexi meta 'Aruni wahepaɨtsita memeuniunikɨ, mɨpaɨ mekateniwarutahɨawe: —Xemeri yemekɨ mamariwawemete xepayuyeitɨa. Xɨka 'ikɨ kiekari patsieka meta kiekatari, ¿titayari xeme Yawé kiekarieya kutsiyarima xetehayuyeitɨwa?

1 Pekuru 2:9

Xeme pɨta xeime nuiwari xekanihɨkɨtɨni xemanayexeiyarie, Mawari wewiwamete ti'aitamete hetsɨamiemete, nuiwari xemɨpatsie, Kakaɨyari yuteɨterima mɨxe'ayeitɨa, xemɨtehekɨatanikɨ mariwemekɨ kemɨtiyuriene kemɨ'ane mɨxe'uta'ini xemɨtehayewakɨ yɨwipa xe'u'uwatɨ, mɨkɨ hekɨariyayatsie pɨta xemu'uwanikɨ mɨmariwetsie.

2 Tetsarunikatari 2:13

Meta tame, kaneuyeweka taheyemekɨ pamɨpariyutsi temipitɨakakɨ Kakaɨyari xehepaɨtsita, 'iwamarixi Ti'aitame mɨxenaki'erie, tsutɨapai Kakaɨyari kanixe'anayexeiya xemɨtawikweitsitɨarienikɨ, hetsiena mieme xepatsietɨ 'Iyari kemɨtixepata meta yuri xete'erietɨ tita yuri mɨrainetsie.

'Epetsutari 1:4

Kwie kanetɨariewekaku 'akuxi, Kɨritsitu ha'eriwatɨ 'aixɨa kataniuyurieni tatsi'anayexeiyaka hetsiena mieme temɨpatsiekakɨ, tahetsie mɨkarahɨiwanikɨ tatsixeiyakaku.

'Inɨatsie 16:5

mɨpaɨta Kure katiniutahɨawe meta yunaime: —'Uxa'a Yawé yapɨtayɨni kemɨ'ane hetsienamieme mɨpatsie. Mɨkɨ menayexei kanihɨkɨtɨni, mɨkɨ kanita'inimɨkɨ.

'Inɨatsie 16:6

Merikɨte Kure, mɨpaɨ xekateniyurikuni 'uxa'a 'ateɨterima yunaitɨ: 'ɨkwa taiyame xekaniti'ɨikuni,

'Inɨatsie 16:8

Muitsexi Kure mɨpaɨ katiniutahɨawe: —Hikɨta xekeneneu'eni rewitsixi.

Nɨawari 106:16

Makumawetsie metitetɨ Muitsexi mekaniutiniukimatɨkɨne meta 'Aruni, mɨpatsiekai Yawé hetsiemieme.