'Inɨatsie 16:3 - Kakaɨyari Niukieya

³ Mekaniuyukuxeɨrieni Muitsexi meta 'Aruni wahepaɨtsita memeuniunikɨ, mɨpaɨ mekateniwarutahɨawe: —Xemeri yemekɨ mamariwawemete xepayuyeitɨa. Xɨka 'ikɨ kiekari patsieka meta kiekatari, ¿titayari xeme Yawé kiekarieya kutsiyarima xetehayuyeitɨwa?

'Inɨatsie 16:3 ပူးပေါင်းရင်းမြစ်များ

Nɨawari 106:16

Makumawetsie metitetɨ Muitsexi mekaniutiniukimatɨkɨne meta 'Aruni, mɨpatsiekai Yawé hetsiemieme.

'Inɨatsie 14:14

mɨpaɨ mekateniwataxatɨakuni 'ikɨ kwieyaritsie kiekatari, mɨpaɨ memɨtemate kename 'ekɨ Yawé 'ahɨxie tematsixeiya, 'ahai 'ateɨterima waheima muyeyeixa, kename 'ekɨ pehɨkɨ pemɨwaruwituxime, tukarikɨ hai 'a'uwemekɨ, tɨkarikɨta taikɨ.

Memeyekɨ 19:6

xeme nehetsiemieme mawari wewiwamete nehetsɨa miemete xepɨhɨkɨtɨni, meta nuiwari xemɨpatsie”. »Naime 'ikɨ 'ixaheritsixi ketiniwarutaxatɨa».

'Inɨatsie 16:7

tɨɨ xekanakayatsakuni 'ɨkwa witsimu'ɨa xekenakawiwiexɨa Yawé hɨxie. Kemɨ'ane manayexeiya mɨkɨ kanihɨkɨtɨkamɨkɨ. Xemetɨtɨ Rewi niwemama xepɨhɨkɨ kwinimieme memɨtehanutihu.

Nɨ'ariekate 7:51

»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.

Nɨ'ariekate 7:39

»Mɨkɨ tatewarima mepɨka'i'eniekukai, matsi mepenuyehɨakukai. Yu'iyaritsie ta'aurie mepaxɨrikukai 'Ekipitutsie,

Nɨawari 68:17

Kaxetate kuyaxa mieme Kakaɨyari tipiinieya xeimiriyaritsixi mekaniyu'inɨatani, Tsinahi paitɨ yeyaka Ti'aitame wahamatɨa kaninuani yutukita meutahanikɨ.

'Etsitɨraxi 9:2

Meta mɨkɨ waniwema 'ukari mekaniwarutiwitɨni yaxeikɨata mana yuniwema mekaniwaneɨkitɨatɨweni, mɨpaɨ Kakaɨyari teɨterimama mekateniwanɨitɨatɨweni 'ena memɨtama teɨteri wahamatɨa. Kemɨ'ane meri memɨte'ukatsutɨa 'axameteyurietɨ mekanihɨkɨtɨni 'ixaheritsixi wa'ukiyarima meta kuwexinaruritsixi».

'Inɨatsie 35:34

»Kwie ka'itiyakame pepɨka'ayeitɨaka hakewa pemeyeikatsie, neta mana nekaniuyeikani, karikɨ ne Yawé nekanihɨkɨtɨni 'ixaheritsixi watsata nemuyeika».

'Inɨatsie 16:11

'Ekɨ, 'ateɨterima yunaitɨ xekaniuyukuxeɨrieni Yawé hepaɨtsita 'axaxe'utiyuatɨ, tixaɨtɨ 'Aruni pɨkatihɨkɨ xeminiukima.

'Inɨatsie 5:3

Tsepanetɨ 'ukitsi meta memɨ'ukari, xemakuteitsie pekaniwarayenɨ'amɨkɨ, para memɨkaxewiriekakɨ mana xemakuteitsie xeme neteɨterima».

'Inɨatsie 16:41

'Uxa'ariekata, yunaitɨ 'ixaheritsixi Muitsexi meta 'Aruni mekaniwarutiniukimatɨkɨne mɨpaɨ me'utiyuatɨ: —Xeme Yawé teɨterimama xekaniwarukwini.

'Inɨatsie 23:21

»Kakaɨyari Kakuwu pɨkaxeiya 'axatiyurieneme 'Ixaheri pɨkatiuyukananaima. Yawé wakakaɨyari wahamatɨa puyeika, wahamatɨa ti'aitame puyuxata.