'Inɨatsie 14:9 - Kakaɨyari Niukieya

⁹ 'Ayumieme Yawé hɨxie 'axaxepɨkateyu'eniwani meta mana teɨteri memetama xepɨkawareumakaxeni. Tixaɨtɨri mepɨkatehɨkɨ, yuhetsie nunuwame mepɨkahexeiya, tame Yawé kataniparewimɨkɨ. 'Ayumieme xepɨkawareumakaka.

'Inɨatsie 14:9 ပူးပေါင်းရင်းမြစ်များ

Hutarieka 'inɨari 7:18

Peru xepɨkawareumakaxeni, xekena'eriwani Yawé xekakaɨyari Parahuni teɨterimama 'Ekipitu kemɨwaruyuri.

Xumatari 8:31

¿Keri te'utiyuaneni xɨka mɨpaɨ 'aneni? Xɨka Kakaɨyari tatsinaki'erieka, ¿kepaikɨ pɨtatsi'uxiwe'erieka?

Hutarieka 'inɨari 31:6

Xekenetɨrɨkawini meta xepɨkamamaka. Mɨkɨ nuiwarite wahɨxie xepɨka'utimamaweni xepɨkawamakarɨka, mɨkɨtsɨ Yawé xekakaɨyari xehamatɨa yuheyemekɨ kaniuyeikani, hatsuaku yuxaɨtame pɨkaxehayewa meta pɨkaxeku'eirieni».

Nɨawari 74:14

'Ekɨ Rewiyatahini mu'uya peputataraxɨ, pepɨwarumi makumawetsie memɨte'u'uwa.

2 Kemɨtiuyɨ 32:8

Mɨkɨ teɨteri wahetsie kaniuyukutɨrɨkariyani, tameta Yawé takakaɨyari hetsie tekaneuwaɨreni, mɨkɨ kataniparewieka meta mɨkɨ pɨta kaniuyutamemiwani tahetsiemieme». 'Etsekiyaxi niukieya me'u'enieka Kura kwieyaritsie ti'aitame, 'ana teɨteri wa'iyari 'aixɨa kaniuyɨni.

2 Kemɨtiuyɨ 20:17

Peru xeme xepɨkaheyutakwini wahamatɨa. Matsi kayuwatɨ xeketene'uka xeikɨa, para xemɨnenierekɨ Yawé kemɨtixetawikweitsitɨani. Kura meta Kerutsareme kiekatari, xepɨkaheumamaka meta xepɨkaheuyuyexɨrɨwani. 'Uxa'a ximeri xekenayekɨni wahepa, karikɨ, ne Yawé xehamatɨa nekaniuyeikamɨkɨ”».

Hutarieka 'inɨari 31:8

Yawé matsi panuyehaitɨaka 'ahɨxie meta 'ahamatɨa puyeikani, hatsuaku pɨkamatsiku'eirieni 'axaɨtame meta pɨkamatsinutuita. Pepɨkamaka meta pepɨka'utaweranareni».

'Inɨatsie 24:8

»Kakaɨyari 'Ekipitu kaniwarayewitɨni tuuru tsimaruni mɨtitɨrɨkaɨye hepaɨ. 'Ixaheri nuiwarite memeye'unie kaniwatikwa'ani, wa'umete kanititarani, yu'ɨrɨkɨ kaniwatimɨmɨni.

Kutsuhexi 1:5

Kepaɨmexɨa tukari pemuyeikani xewitɨ pɨkayɨweni matsi'a'iwanikɨ. Mɨpaɨ kenemɨtiuyeikakai Muitsexi hamatɨa yaxeikɨata 'ahamatɨa nepɨtiuyeikani, nepɨkamatsinutuita nepɨkamatsiku'eirieni.

Nɨawari 121:5

Yawé kanihɨkɨtɨni mɨmetsi'ɨwiya, Yawé kameni'etɨriwiyani 'ahetsie kaninuaka.

Nɨawari 14:4

¿Kamɨtsɨ 'atsimekatemate yunaitɨ 'axamemɨteyurie, neteɨterima memɨwakwa'a paa memɨhɨkɨtɨni hepaɨ? Hatsuaku Yawé mepɨkahahɨaweni.

Hutarieka 'inɨari 9:7

»'Ikɨ xekena'eriwani, meta xepɨkatehatɨtɨmaiyani makumawetsie Yawé kexemɨte'iyehaxɨatɨa, kepauka 'Ekipitu xemayekɨtsie paitɨ 'ena xemɨye'axɨatsie Yawé xepɨkaheu'enie.

Hutarieka 'inɨari 1:26

»Matsi, xeme xepɨka'uyuwaɨriyaxɨ mana xemeutiyunekɨ Yawé xekakaɨyari kemɨtixe'u'aitɨakai xepɨka'anu'eni.

Tanieri 9:9

Peru mɨyatɨtɨ tsepa temɨmatsi'uku'eiriekai tematsi'aye'unietɨ temakɨ, 'ekɨ, Tati'aitɨwame, Kakaɨyari pemɨti'akanenimaya meta pemɨtareuyehɨwirieni pekanihɨkɨtɨni.

Hutarieka 'inɨari 32:42

Ne'ɨrɨ pɨtitarɨweni xuriyakɨ, ne'ixipara pɨtiwaɨripieni wai kwatɨ: memɨte'ukwinitɨarie memanutaxɨriya waxuriya, kuyaxi memɨtewa'aitɨa memɨnetsi'aye'unie wamɨ'ute”.

Hutarieka 'inɨari 7:21

Xepɨkawamakaxeni mɨkɨ, matsi Yawé xekakaɨyari, mɨmariwe mumakaxiwa xehamatɨa kaniuyeikamɨkɨ.

Hutarieka 'inɨari 1:21

Xekeneuxeiya, Yawé xekakaɨyari kwie kanixeyetuirieniri. Xekenehu yukwie xekenayeitɨa Yawé kemɨtixehahɨawekai, xetutsima wakakaɨyari. Xepɨkamamaka meta xepɨka'utiweranareni”.

Piriputari 1:27

Tsepa xemu'uximatɨarie, yaxeikɨa xeketeneyurieka, kemɨreuyewetse yamɨtiyurienenikɨ heixeiyatɨ niuki 'aixɨa manuyɨne Kɨritsitu hepaɨtsita, mɨpaɨ xeketeneu'uwani. Xɨka mɨpaɨ xeteyurieka, tsepa xehetsɨa nemeyeika nexexeiyatɨ, tsepa 'ateewa paitɨ nemeyeika ne'enatɨ xehepaɨtsita, mɨpaɨ nekatinimaikamɨkɨ xemɨyutseiriyakɨ 'iyari xehexeiyatɨ mɨyuxewi, yaxeikɨa xeteku'eriwatɨ yunaitɨ xemɨyukwitɨwekɨ kapa xe'unawaiyarienikɨ titatsie yuri xemɨte'erie niuki 'aixɨa manuyɨne kemaine,

Mateu 1:23

«Kamɨtsɨ 'ɨimari mɨyuxewi pɨtihukata, 'ukitɨme pɨtiniweni, 'Emanuheri xepɨte'iterɨwa» (mɨkɨ mɨpaɨ panuyɨne «Kakaɨyari tahamatɨa muyeika»).

Keremiyaxi 48:45

»Kiekatari hipatɨ mekaniyuta'unani Hetsiwuni 'etɨriyayatsie paitɨ, mekaniuku'uweni mekatɨrɨkawitɨ. Hetsiwuni kiekariyaritsie tai payeneika, Tsikuni kiekariyaritsieta, tai Muhawi kanaya mɨtaxɨtsitɨanikɨ meta yunaime teɨteri muwanake hipame wahamatɨa memuyukwitɨwenikɨ meta memuyuti'ɨre wamu'ute.

Kitsariyaxi 63:10

Peru mɨkɨ mepɨkahenu'eni, meta 'iyarieya mɨpatsie mepu'iyarimɨtɨa. 'Ayumieme waraye'unietɨ patɨa, mɨkɨtɨtɨ pɨwarutakwi.

Kitsariyaxi 41:14

Kakuwu kwitsi, pepɨkamaka, 'Ixaheri 'etsipemɨpe ―Yawé mɨpaɨ kanaineni―, yaxeikɨa netsiere nekamaniparewimɨkɨ, Mɨpatsie 'Ixaheri hetsiemieme matsiwikwetsitɨwame kanihɨkɨtɨni.

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Kitsariyaxi 32:2

Yuxexuitɨ mɨkɨ 'eka hepaɨtsita memuyu'awietani hepaɨ mekani'anekuni, wiyeri mɨ'ekama mɨkawakema, haa 'akite 'utɨma muhapaneni hepaɨ makumawetsie, 'ai 'etɨriyari mekanihɨkɨtɨkakuni makumawetsie.

Kitsariyaxi 1:2

Muyuawi, xekeneu'enana. Kwie, meta keneu'ena. Yawé mɨpaɨ kanaineni: «Ne tɨɨri nekaniwarutiwaweriya 'ameyumateme nekaniwarayeitɨani, peru mɨkɨ menetsi'aye'unietɨ mekanakɨne.

Nɨawari 91:1

Kemɨ'ane 'Amutewi hetɨa muyu'awieta 'akaniuyeikamɨkɨ Naimekɨmɨtɨrɨkaɨye 'i'etɨriwiyakaku.

Nɨawari 46:11

Yawé Naimekɨmɨtɨrɨkaɨye tahamatɨa kaniuyeikani, hetsɨana temɨta'awieta Kakuwu Kakaɨyarieya kanihɨkɨtɨni.

Nɨawari 46:7

Yawé, Naimekɨmɨtɨrɨkaɨye tahamatɨa kaniuyeikani, hetsiena temɨta'awieta Kakuwu Kakaɨyarieya kanihɨkɨtɨni.

2 Kemɨtiuyɨ 15:2

hikɨ mɨkɨ kaneyani 'Atsá manukunakekɨ, 'itaxeiyaka mɨpaɨ katinitahɨawe: «'Atsá, meta Kuratsie kiekatari meta Wenikamini nuiwarimama, xekeneneu'eni. Xehamatɨa Yawé kaniuyeikamɨkɨ, peru xɨka xeme hamatɨana xe'u'uwani. Xɨka xeme xe'enukuwauni, mɨkɨ xemitaxeiyakɨ kanixepitɨamɨkɨ, peru xɨka xe'iku'eirieni, mɨkɨta kanixeku'eirimɨkɨ.

2 Kemɨtiuyɨ 13:12

'Ayumieme Kakaɨyari meta mawari wewiwametemama, tahɨxie mekananuyeteni. Kuxinetate kaniha'aritsieka mɨtihɨtsierienikɨ kepauka temɨxetakwini. 'Ixaheritsixi, Yawé xepɨkamietɨweni, xe'ukiyarima wakakaɨyari, xeme xepɨkayɨwawe xeme'iwa».

'Itsɨkate 1:22

Kutse xiɨyarimamata Weteri mekaniye'axɨani, Yawé kaniwaparewiekaitɨni.

Memeyekɨ 33:16

Xɨka tahamatɨa pekaheyani, ¿'ateɨterima meta ne kemetehetimani, kename petatsiparewie? ¿Ketitakɨ tetepatsieka hipame teɨteri kwiepa memɨtama watsata?

Tsutɨarika 48:21

Hikɨ 'imatɨrieka 'Ixaheri Kutse mɨpaɨ katiniutahɨawe: —Pehurari nemɨmɨnikɨ, perutsɨ Kakaɨyari xehamatɨa kaniuyeikamɨkɨ, kanixe'akunuitɨamɨkɨ xeteukarima wakwietsie.

Tanieri 9:5

'Axatepɨte'uyuri kemɨkareuyewetse, meta temɨkaheu'enana tekanihɨkɨtɨni, 'a'aitsikate tepuku'eiri.

Hutarieka 'inɨari 1:29

»Hikɨ 'ana mɨpaɨ nepɨtixe'uta'ei: “Hawaikɨ xepɨkaheumamaka meta mɨkɨ xepɨkawareumakaxeni.

Nehemiyaxi 4:14

Hikɨ mɨkɨ 'aixɨa netiuyuriekari, mɨpaɨ nekatiniwarutahɨawe 'ukirawetsixi meta kuwexinaruritsixi, metatsiere teɨteri yunaime: «Xepɨkawamakaxeni. Ti'aitame xekena'eriwani, mɨmariwe mɨmakaxiwa, xekeneuyutakuya yu'iwama wahetsie xenuatɨ, yuniwema wahetsie, yu'ɨitama meta yukii hetsie xenuatɨ».

Keremiyaxi 1:19

Mepɨmatsitamieni peru mepɨkamatsikemakaxɨani, karikɨ ne 'ahamatɨa nekaniuyeikamɨkɨ nematsixɨnake», Yawé mɨpaɨ nekanaineni.

Keremiyaxi 42:11

Ti'aitame Wawiruniya kiekame xepɨkamakaka, hikɨ xemeyemakaxe, xepɨka'imakaka ne xehamatɨa nekaniuyeikani nexetawikweitsitɨanike mɨkɨ tɨrɨkariyayatsie, —mɨpaɨ kanaineni Yawé—.

Memeyekɨ 14:13

Muitsexi mɨpaɨ kaniutayɨni: —Xepɨkaheumamaka. Xeme kayuwatɨ xeketeneteni, hikɨ kwitɨwa xemunenierixɨ xepɨhɨkɨtɨni, Yawé wikweitsitɨarika kemɨrexeiya xehetsiemieme. Hikɨ mɨkɨ 'ekipitutari xemɨwaxeiya hatsuakuri tawarita xepɨkawaxeiya.

'Inɨatsie 13:30

Karewi kaiwatɨ katiniwaruyatsa 'ixaheritsixi Muitsexi hɨxie, mɨpaɨ kaniutayɨni: —Hikɨmɨtɨka tekanihuni mɨkɨ kwie tema'iwakɨ. Ne mɨpaɨ nepɨtiku'eriwa tepɨyɨwawe.

'Inɨatsie 17:6

Hikɨ Muitsexi 'ixaheritsixi mɨpaɨ katiniwarutahɨawe, memanuyetei tamamata heimana huta 'itsɨ mekaniyetuaxɨani, xexuime nuiwaritetsie miemete. 'Aruni 'itsɨya wahamatɨa kanayewekaitɨni.

'Inɨatsie 20:2

Mana haa waɨkawa mumawekaikɨ, 'ixaheritsixi mekaniutiniukixietɨkɨne Muitsexi hepaɨtsita meta 'Aruni,

Kutsuhexi 14:12

'Ayumieme keneneyetuiri mɨkɨ kwie muhɨriya, Yawé kemɨnerahɨawekai 'ana. 'Anatɨtɨ mana mɨtiyehane 'ekɨ pekatinimaika kename 'anakitsixi mana mekutei, meta pekatinimaika wakiekari mɨmamariwawe 'aixɨa mɨreukunatɨka, peru matsi Yawé netsiparewiekaku nepɨyɨwe nemɨwara'iwakɨ, mɨkɨ kemɨnerahɨawekai».

Nɨawari 46:8

Xekenakɨni xekeneuxeiya Yawé mamariwaweme pɨtiyuriene, mɨkɨ kwiepa makumawenikɨ pɨtiuyuri.

Nɨawari 106:24

Kwie witsimɨ'ane mepɨka'utanaki'eri, Kakaɨyari kemɨtiwakɨhɨawekai yuri mepɨkate'ita'eriri.