'Inɨatsie 14:5 - Kakaɨyari Niukieya

⁵ Hikɨ Muitsexi, 'Aruni hamatɨa kwiepa mekaniukaxɨrieni yɨhɨxima 'ixaheritsixi wahɨxie.

'Inɨatsie 14:5 ပူးပေါင်းရင်းမြစ်များ

'Inɨatsie 16:4

Kepauka Muitsexi mu'enaxɨ kememutiyuanekai, kaniukatunumakeni

'Inɨatsie 16:22

Hikɨ Muitsexi 'Aruni hamatɨa kwiepa mekaniukahɨxima'uni, mɨpaɨ mekateniuhiwa: —Yawé, yunaime teɨteri wahetsiemieme pemɨkakaɨyari: xewitɨ xeikɨa tewi 'axapɨtiuyuri, ¿'ekɨta petiyeha'ani yunaime 'ikɨ wahetsiemieme?

'Inɨatsie 16:45

—'Ikɨ teɨteri pepɨkawanɨka, ne hikɨ nepɨwatixɨtsitɨani yunaime. Hikɨ mɨkɨ mekaniutihɨxima'uni kwiepa,

'Etsekieri 9:8

Kepauka mɨkɨ memuyukwitɨwekai, ne nexaɨtame nekaniuyuhayewa, nekanatiweni nehɨxima meta mɨpaɨ nekatiniuhiwa: «Yawé, Kakaɨyari, xɨa'ɨi. ¿Kamɨtsɨ 'ahaxɨa Kerutsareme hetsie petikawiwieni, kamɨtsɨ yunaime 'ixaheritsixi petiwakwini?»

1 Kemɨtiuyɨ 21:16

Rawiri kepauka manukunierixɨ, 'ana niuki tuayame Yawé hetsɨa mieme kaniuxeiya wapaitɨ 'uyewiekame, yu'ixipara Kerutsareme hepa heutatserakame. Hikɨ 'ana Rawiri meta 'ukirawetsixi hiwerika kamixayari me'anakatɨtɨkaitɨ mekaniukahɨxima'uni kwiepa.

Kutsuhexi 5:14

Mɨkɨ mɨpaɨ katinitahɨawe: ―Nixeime hetsɨa nepɨkamieme. Nepɨnehekɨata 'ahɨxie kuyaxi tiwa'aitɨwame nehɨkɨtɨtɨ Yawé hetsɨamieme. Hikɨ Kutsuhexi kaniukahɨximakeni kwiepa mɨpaɨta katinita'iwawiya: ―¿Tita penetiku'aitɨane neti'aitɨwame? Mati'uximayatsiriwame nepɨhɨkɨ.

Mawari 9:24

Hikɨ Yawé hetsɨa tai kanakaneni, 'ana mɨkɨ naime mawari taiyariyari meta wiyayari mawari taiyame heima mɨrapikai kaniutixɨtsitɨani. Mɨpaɨ mete'uneniereka, yunaitɨ teɨteri mekaniutihiwa meyutemamawietɨ, meta kwiepa mekaniukahɨxima'uni.

Tsutɨarika 17:3

Hikɨ mɨpaɨ tiu'enaka 'Apɨrami, kwiepa kaniukahɨximakeni, Kakaɨyari 'akuxi kaniyeweiyakaitɨni tikuxatatɨ:

Matsiɨkɨtɨ kemɨratɨa 7:11

Yunaitɨ niuki tuayamete mana mekaniti'ukaitɨni 'uweni 'aurie, 'ukirawetsixi wa'aurie, meta yunaukatɨ memayeneniere wa'aurie. Hikɨ mekaniutihɨxima'uni 'uweni hɨxie, Kakaɨyari nenewieri mekaniupitɨani

Matsiɨkɨtɨ kemɨratɨa 5:14

Memayeneniere yunaukatɨ mɨpaɨ mekaniutiyuanekaitɨni: «Mɨpaɨ ketiɨyɨni» me'utiyuatɨ, meta 'ukirawetsixi metihɨxima'utɨ nenewieri mekanipitɨakaitɨni kemɨ'ane yuheyemekɨ mayeniere.

Matsiɨkɨtɨ kemɨratɨa 4:10

xeitewiyari heimana nauka 'ukirawetsixi hɨxiena mepukahɨxima'uwekai meta nenewieri me'ipitɨatɨ kemɨ'ane 'uwenitsie maka, tsepanetɨ xeitsienituyari wiyari manuyekɨka ke'ayeniereni yuheyemekɨ. Yukurunate hɨxiena mekanitimanakaitɨni mɨpaɨ me'utiyuatɨ:

Mateu 26:39

'Etsiwa huma 'uyaka kaniutihɨximakeni, kaniyutanenewieni mɨpaɨ 'utaitɨ: «Ne'ukiyari, xɨka tɨma tiyɨwenike, yanepɨra'eriwakaku mɨka'aye'anikɨ kenemɨtikwinitɨarieni. Peru kemɨnetinake ne pɨkatixaɨ, 'ekɨ pɨta kemɨmatinake».

Tanieri 10:9

'Ana ne mɨkɨ tewi nekaniu'enieni kanenikɨhɨawekaitɨni. Mexi ne'i'eniekai, kwi nekaneukuni, kwiepa netihɨximawetɨ.

1 Te'aitamete 18:39

Kepauka teɨteri yunaitɨ mɨpaɨ memɨte'unenierixɨ, mekaniukatunuma'uni, mɨpaɨ mekaniutiyuani: «Yawé Kakaɨyari kanihɨkɨtɨni, yemekɨ yuri Kakaɨyari».

Kutsuhexi 7:10

Yawé mɨpaɨ katinita'eiya: ―Kenanukukexi. ¿Kepetiyuriene mana petihɨximawetɨ?

'Inɨatsie 14:6

Mana mekaniti'ukaitɨni Kutsuhexi Nuni nu'aya meta Karewi Kepune nu'aya yukamixa mekaneukatsanaxɨani hiwerika 'ɨnɨariyari mewewietɨ. Mɨkɨ memekɨkɨnixɨakai kepauka kwie memekuxeitsie,

'Inɨatsie 20:6

Muitsexi meta 'Aruni mewaruhayewaka mekanekɨne 'ixuriki tukiyari hɨxie, mana mekaniutihɨxima'uni. Hikɨ Yawé xawatɨriyaya kaniyuhekɨata wahɨxie,

'Inɨatsie 17:10

Yawé Muitsexi mɨpaɨ katiniutahɨawe: «Hutarieka 'Aruni 'itsɨya tɨratu kakuniyari hɨxie keneutiketsa, mana mekanixeiyakuni 'axamemutiyuane. Mɨpaɨ mekatenihayewakuni 'axame'utiyuatɨ nehetsiemieme meta 'ixaheritsixi memɨkakwi'inikɨ».