'Inɨatsie 12:8 - Kakaɨyari Niukieya

⁸ Ne nekatinikuxaxatɨwani hɨxiena ne'utinieretɨ, hekɨakamekɨ nekarenukanamirietɨ. Ne Yawé kenemɨ'ane kanenikuxexeiyani. ¿Ketitayari mɨya xete'utiyuane neti'uximayatsiriwame Muitsexi hepaɨtsita?»

'Inɨatsie 12:8 ပူးပေါင်းရင်းမြစ်များ

Hutarieka 'inɨari 34:10

'Anatɨtɨ mɨtiyehane 'Ixaheri kwieyaritsie xewitɨ tawarita 'a'uyeikatɨ pɨkahatɨa, Kakaɨyari niukameyatɨtɨ Muitsexi hepaɨ 'anetɨ, Yawé hamatɨana mɨtikuxatakai mehanuyutaxeiyatɨ.

1 Kurinitutari 13:12

Hikɨ kahekɨakamekɨ tekanineniereni, kemɨ'ane xikɨri mayeyɨwitsie mɨkaniere hepaɨ. 'Anari tahɨxie tekaniutinenierikuni pɨta. Yapaɨmemekɨ nekatinimaika hikɨ, 'anari pɨta nekatinetimaimɨkɨ, yaxeikɨa 'iya mɨnetimate hepaɨ.

Memeyekɨ 33:23

'Anake nepɨmatsiheukuyepieni pemɨnetsi'anaxeiyakɨ xeikɨa 'etsiwa, peru nehɨxie pepɨkanetsixeiya.

Memeyekɨ 33:11

Yawé pɨtiutixaxatakai Muitsexi hamatɨa yuhɨxie me'utinenieretɨ, xewitɨ yuhamiku hamatɨa mɨtikuxatani hepaɨ. Metetixatameri Muitsexi kanewayeyeikakaitɨni, 'iwamama memakuteitsie kani'axekaitɨni, perutsɨ temaikɨ Kutsuhexi 'iparewiwameya 'ixuriki kiiyari tixaxatame muwa pɨkawayeyeikakai pɨka'iku'e'eiriwakai.

Rukaxi 10:16

»Kemɨ'ane mɨxe'enie, ne pɨnetsi'enie, kemɨ'ane mɨxexani'erie, ne pɨnetsixani'erie, kemɨ'ane ne mɨnetsixani'erie, kemɨ'ane mɨnetsiheyenɨ'a pɨxani'erie».

Wani 15:15

Te'uximayatameteri nepɨkatixe'uterɨwa. Ti'uximayatame 'atsipɨkatimate kemɨtiyuriene kutsiyarieya. Ne matsi nenaki'erima nepɨtixe'uterɨwa, naime ketita nemɨtiu'eni ne'ukiyari hetsɨa nepɨtixe'uta'ɨkitɨa.

2 Pekuru 2:10

Mɨkɨ matsi pɨwakema, mɨkɨ 'amemu'uwa yuwaiyaritsie metewiyatɨ, mete'ukahiwe'erietɨ memɨtsewiximarienikɨ, me'ixani'erietɨ kemɨ'ane ti'aitame mɨhɨkɨ. Mɨkɨri mepɨkayukweriwayurie, matsi yuhetsiemieme xeikɨa mepɨyutatua, mepɨkamama tsepa memɨwatsewixima mamariwawemete 'axame'utiyuatɨ.

1 Timuteu 6:16

kemɨ'ane yuxewitɨ mɨkamɨwe, hekɨaripa meka hakewa mɨkayɨwe 'ahurawa mayanikɨ xewitɨ, kemɨ'ane tewi mɨka'ixeiyawe mɨkayɨwe mixeiyakɨ, mɨkɨ mariweme kexatsiwani, kehetɨrɨkaɨyeni yuheyemekɨ. Mɨpaɨ xeikɨa kani'aneni.

2 Kurinitutari 3:18

Tame tanaitɨ tahɨxie kaheukunakaku tepihekɨata Ti'aitame witsikemɨ'ane, tsepa yɨxaɨyemekɨ, xikɨritsie tewi kemɨtihekɨata. 'Ayumieme tepɨkupatsiwa, witsite'anenetɨ tepakɨnirɨme, hepaɨna teteyuxexeiyatɨ tete'akɨnirɨme. Ti'aitame 'iyaritɨtɨ mɨpaɨ katiniyurieneni.

Wani 15:24

Watsata xɨka yanekatiuyurienike xewitɨ kemɨkatiyuriwe hepaɨ, mɨkɨ tita 'axamɨti'ane mepɨkatehexeiyanikeyu. Hikɨri mekaniuneniere, mekatani'uxiwe'erieka ne meta ne'ukiyari.

Nɨawari 17:15

Peru ne matsi heitseriekamekɨ 'ahɨxie nepumatsihexeiya. 'Ahɨxie kepauka nemanutaniere nematsihexeiyatsie mɨkɨkɨri ne'iyari 'aixɨa peyɨni.

Kura 1:8

Peru hikɨ miemeteta yaxeikɨa mekani'aneneni, kememɨteheinɨtsa mekanitsewiximaka yuwaiyari, mekanixani'erieka kemɨ'ane ti'aitame mɨhɨkɨ, mekaniwatsewiximaka mamariwawemete 'axame'utiyuatɨ wahepaɨtsita.

Hepɨrayutsixi 1:3

Mɨkɨ hetsie Kakaɨyari kemɨtixawatɨ kanimatsiɨkɨni meta kemɨtimariwe, Kakaɨyari kani'inɨarieyatɨni kaniyuritɨni. Naime meta pɨratɨkɨ yuniuki mɨtɨrɨkaɨyekɨ, mɨkɨ yɨkɨmana 'aixɨa 'iyurieka tita 'axatemɨte'uyuri hepaɨtsita mɨtatsi'itienikɨ, 'ana kemɨ'ane mɨmariwe tserieta kanayerɨni muyuawitsie.

1 Tetsarunikatari 4:8

'Ayumieme, kemɨ'ane mixani'erie 'ikɨ tewi pɨkaxani'erie, matsi Kakaɨyari pɨta pɨxani'erie, kemɨ'ane mɨtatimikwa Yu'iyari Mɨtiyupata.

Wani 1:18

Xewitɨ hatsuaku pɨka'ixeiyawe Kakaɨyari, Nu'aya muyuxewi, Kakaɨyari mɨhɨkɨ kemɨ'ane yu'ukiyaritsie mɨtiwiya, mɨkɨ katanihekɨatsitɨiyani.

Mateu 13:35

Mɨpaɨ pɨraye'a, Kakaɨyari niukameya kemutayɨ: «'Ɨxatsi hepaɨtsita netikuxatatɨ nepɨtaniuni, nepɨtitaxata tita mɨti'awietsiekai kwie munetɨarietsie paitɨ».

'Etsekieri 20:49

Hikɨ ne mɨpaɨ neputayɨ: «Xɨa'ui, Yawé naimekɨmɨyɨwe, yunaitɨ teɨteri mɨpaɨ meputiyuane kename ne'ɨxatsikɨ xeikɨa ne'utaine».

'Etsekieri 17:2

«Tewi pemunu'aya: 'Ikɨ niuki keniwarutaxatɨa 'ixaheritsixi teɨteriyari, keniwarutaxatɨa 'ikɨ 'ɨxatsi niukiyari.

Kitsariyaxi 46:5

»¿Kemɨ'ane hamatɨa pepɨnetsi'inɨata, kemɨ'ane hepaɨ nepɨ'ane? ¿Kemɨ'ane hepaɨ nepɨtinexexeiya, kemɨ'ane hamatɨa yaxeikɨa tepɨ'anene?

Kitsariyaxi 40:18

¿Kemɨ'ane Kakaɨyari hepaɨ 'aneme mepayeitɨani? ¿Kehepaɨ mete'iwewieni?

Nɨawari 49:4

Temaiwawemete waniuki kwi 'ahurawa nepɨ'enieni, netiyuitɨatɨ kanarikɨ nepɨxetaxatɨani niuki mɨ'awie.

Hutarieka 'inɨari 4:15

»Kepauka Yawé mɨxehetahɨawixɨ Huré yemuriyaritɨa, tai hepaɨ 'anekametsie, xeme tixaɨtɨ xepɨkatehexei. 'Ayumieme, xekeneyu'ɨwiyani waɨkawa

Memeyekɨ 20:4

»Tixaɨtɨ pepɨkatiwewieka taheima mieme hepaɨ ti'anekame, kwiepa memɨtexuawe hepaɨ ti'anekame, meta hapa memɨteye'uwa hepaɨ ti'anekame meta kwie hetɨa memɨtexuawe.

Kurutsetari 1:15

Tepɨkayɨwawe temixeiyakɨ Kakaɨyari, peru mɨkɨ kani'ɨkitsikayatɨni, kanimexɨakametɨni heitserie hexeiyatɨ tita mɨtiunetɨarie hepaɨtsita.

'Inɨatsie 14:14

mɨpaɨ mekateniwataxatɨakuni 'ikɨ kwieyaritsie kiekatari, mɨpaɨ memɨtemate kename 'ekɨ Yawé 'ahɨxie tematsixeiya, 'ahai 'ateɨterima waheima muyeyeixa, kename 'ekɨ pehɨkɨ pemɨwaruwituxime, tukarikɨ hai 'a'uwemekɨ, tɨkarikɨta taikɨ.

Memeyekɨ 34:30

Kepauka 'Aruni meta 'ixaheritsixi Muitsexi memuxei 'ayexawatɨme, meputimama 'ahurawa mepɨkakɨnikukai.

Memeyekɨ 33:19

Yawé mɨpaɨ katinita'eiya: —Ne 'aixɨa nepɨtiuka'iyari nepɨnewaɨriya nepɨmatsixeitsitɨani meta kenemɨtitewa pepeitimani. 'Aixɨa nepɨtiuka'iyari kemɨ'ane hamatɨa nemɨnewaɨriya, nepinenimaya kemɨ'ane nemeunenimayatamɨkɨ.

Hepɨrayutsixi 1:1

Kakaɨyari, meripaitɨ katiniwakuxaxatɨwakaitɨni tapaapama, Kakaɨyari niukametemama yametekuxatakaku, yuxexuitɨ kememɨte'upitɨarie niuki yɨkɨ mɨ'anene hepaɨtsita.

Tsutɨarika 32:30

Hikɨ Kakuwu mana Penuheri katiniuterɨwa, mɨpaɨ 'utayɨka: «Kakaɨyari nierikaya nepuxei, 'ayɨwekatɨka nepayeyuri 'akuxi».

Hutarieka 'inɨari 5:8

»Nixeime kakaɨyari hepaɨ 'aneme pepɨkawewieka muyuawitsie miemetexi wahepaɨ meta kwiepa memɨte 'u'uwa wahepaɨ me'anenekame, meta kwie hetɨa haramaratsie miemetexi wahepaɨ.

Temaiwawemete 1:6

meitimanikɨ tita 'ɨxatsi 'inɨariyari mɨtixata mɨkɨ pɨtimaika, temaiwawemete waxatsika mɨkayumainɨa.

'Utseyaxi 12:13

'Ixaheri 'Ekipitu mayewitɨkienikɨ meta mita'ɨwiyakɨ, Yawé yuniukame kanenɨ'ani.

Memeyekɨ 19:19

meta kuxineta matsi karima peyuatɨyeikakai. Hikɨ Muitsexi kaniutaniuni, Kakaɨyari meta kanita'eiya tɨranarikɨ.

'Inɨatsie 7:89

Muitsexi kepauka 'ixuriki tukiyarita meutaha, Yawé hamatɨa mɨtitaxatakɨ, mana tɨratu kakuniyari heima Kakaɨyari teɨtametemama memana'utsie kanitahɨawe.

Hutarieka 'inɨari 18:15

Yawé xekakaɨyari xeime panayexeiya xe'iwatɨme niukameya mayanikɨ nehepaɨ. Mɨkɨ hɨrixɨa xepɨ'enieka.