'Inɨatsie 12:7 - Kakaɨyari Niukieya

⁷ Peru 'ikɨ mɨpaɨ pɨka'ane Muitsexi neti'uximayatsiriwame hamatɨa, yunaitɨ nete'uximayatsiriwamete watsata mɨkɨ matsi yamɨtikamie kanihɨkɨtɨni.

'Inɨatsie 12:7 ပူးပေါင်းရင်းမြစ်များ

1 Kurinitutari 4:2

Kamɨtsɨ kemɨ'ane 'ena mɨtiuhɨritɨarie, kaneuyeweka yamɨtikamienikɨ.

Nɨawari 105:26

Hikɨ kaniwarutanɨ'ani Muitsexi meta 'Aruni, mɨkɨ muwaranayexei,

Kutsuhexi 1:1

'Arike Muitsexi 'umɨku Yawé ti'uximayatsiriwame, Kakaɨyari Kutsuhexi mɨpaɨ katiniutahɨawe Nuni nu'aya, Muitsexi mɨparewiekai:

Mateu 11:11

Yurikɨ mɨpaɨ nepɨxerahɨawe, 'akuxi pɨkatinuiwawe nixewitɨ Wani Ti'ɨyame hepaɨ timariwetɨ, peru matsi tewi tixaɨtɨ mɨkatihɨkɨ Kakaɨyari mɨra'aitatsie Wani reuyeta katinimariweni.

1 Timuteu 3:15

mexɨka nekahenuaweni, ketinemaika kemɨreuyewetse kehepaɨ mɨtiuyeikani Kakaɨyari kie kiekatari watsata, mɨkɨ mekanihɨkɨtɨni memɨyutixexeɨriwa Kakaɨyari mayeniere hetsɨa miemete, muka'utɨka meta tsutɨmeyari tita yuri mɨraine.

Nɨ'ariekate 7:31

Mɨkɨ Muitsexi 'ixeiyaka heinɨtsika hepaɨ 'anekame kanihɨxiyakaitɨni. 'Ahurawa 'ayaku mɨretimanikɨ kemɨtiyɨanekai, Ti'aitame putaniu mɨpaɨ 'utaitɨ:

Mateu 11:9

Kamɨtsɨ, ¿tita yemekɨ xeteheku'ixɨari? ¿Kakaɨyari niukameya xeteheku'ixɨari? Huu, mɨpaɨ nepɨtixekɨhɨawe, Kakaɨyari niukameya xepekuxei, yemekɨ Kakaɨyari niukameya keyuri hipatɨ.

Hutarieka 'inɨari 18:18

'Ayumieme watsata xeime nepanayexeiya neniukame mayanikɨ 'ahepaɨ, ne neniuki nepipitɨani tetana, mɨkɨ yapɨtiwataxatɨani ne kenemɨtita'aitɨani.

Hutarieka 'inɨari 34:5

Muitsexi Muhawi kwieyaritsie mana kaniumɨni, Yawé ti'uximatsiriwame, Yawé kemɨtitahɨawekai.

Kutsuhexi 1:2

«Nemɨti'aitɨakai Muitsexi kaniumɨni. 'Ayumieme 'ekɨ meta yunaitɨ 'ikɨ teɨteri mekaniyukuha'aritɨakuni memanukɨnekɨ haa Kurutanitsie, meta xemeutahaxɨanikɨ nemɨxeyetuirienitsie kwie xeme 'ixaheritsixi.

Kuwi 1:8

Hikɨ Yawé tawarita kanita'iwawiya: ―¿Keri petiku'eriwa neti'uximayatsiriwame Kuwi hetsiemieme? Nixewitɨ mɨkɨ hepaɨ 'anetɨ kwiepa kaniumaweni, tewi 'aixɨa mɨtiuka'iyari meta hetsiena mɨkarahɨiwa kanihɨkɨtɨni, kenemɨrehɨawe kaneni'enieka meta 'axamɨti'anekɨ yukweriwayurietɨ.

Memeyekɨ 33:11

Yawé pɨtiutixaxatakai Muitsexi hamatɨa yuhɨxie me'utinenieretɨ, xewitɨ yuhamiku hamatɨa mɨtikuxatani hepaɨ. Metetixatameri Muitsexi kanewayeyeikakaitɨni, 'iwamama memakuteitsie kani'axekaitɨni, perutsɨ temaikɨ Kutsuhexi 'iparewiwameya 'ixuriki kiiyari tixaxatame muwa pɨkawayeyeikakai pɨka'iku'e'eiriwakai.