'Inɨatsie 12:6 - Kakaɨyari Niukieya

⁶ Yawé mɨpaɨ katiniwarutahɨawe: «Xekeneneu'eni kenemɨtixetahɨawe: »Kepauka Yawé niukameya xetsata 'amuyeika, ne nekanikɨhɨaweni heinɨtsika hepaɨ 'anemetsie meta nematsiɨkɨtɨ nekanayuyeitɨwani heinɨtsikatana.

'Inɨatsie 12:6 ပူးပေါင်းရင်းမြစ်များ

1 Te'aitamete 3:5

hikɨ mana kutsukaku Yawé heinɨtsitana kaniuyuhekɨata mɨpaɨ katinitaxatɨani: —Kenetineutawawiri tita mɨmatinake nemɨmatiminikɨ.

Tsutɨarika 46:2

Mɨkɨ tɨkaritsie heinɨtsitana, Kakaɨyari 'Ixaheri mɨpaɨ katiniutaxatɨani: —Kakuwu. Kakuwu 'aku. —'Uwa nepayeka —tinita'eiya.

Rukaxi 1:22

Hikɨ kepauka muwayetɨa kaniyutatexieni warahɨawetɨ, hikɨ mɨkɨ yamekatenetimani kename tixaɨtɨ tiuxei tukita, yumamakɨ xeikɨa kaniwaku'inɨaritɨwakaitɨni, 'aniukateitɨni kaniuwetɨ.

Rukaxi 1:11

Hikɨ 'ana Tsakariyaxi niuki tuayame kaniuxeiya Ti'aitame hetsɨa mieme mana 'utiweme mexa pɨtsi taiyame tserieta.

Tanieri 10:8

Nixewitɨ nehamatɨa pɨka'uyeikakai kepauka 'ikɨ mariwemekɨ mɨyanemɨtiunierixɨ. Neputaweranaxɨa, yɨkɨ nepɨraka'erietaxɨ, tixaɨtɨ nemɨkatinenaki'erieka hepaɨ nepɨtinemaikai.

'Etsekieri 1:1

Xeitewiyari heimana tamamata wiyaritsie, naurieka metseritsie, 'auxɨwirieka tukariyaritsie, memehapanie wahamatɨa ne'uyeikakaku Kewaxi hatɨayari hatetsitatsie, 'ana muyuawi kananakayepiere hikɨ Kakaɨyari heinɨtsika hepaɨ kanetiniuxeitsitɨani.

Nɨ'ariekate 10:11

Muyuawi 'anakayepiekame kaniuxeiya meta tsawana hepaɨ ti'anekame katiniuxeiya 'arakamieme, tetsitana naukakɨa tiwiwietɨkaime kwiepa paitɨ kanakatuiyani.

Mateu 1:20

Merikɨtsɨ mɨpaɨ tiku'eriwakaku, hikɨ Ti'aitame hetsɨa mieme niuki tuayame kaniuxeiya yuheinɨtsita mɨpaɨ 'utaineme: «Kutse 'aku Rawiri pemɨnu'aya, pepɨkamaka Mariya pemɨtiwitɨnikɨ 'a'ɨya mayani, 'Iyari Mɨtiyupata ya'ane 'ipitɨaku, hetsiena pɨyeya 'ikɨ nunutsi.

Tanieri 8:2

Mɨyanetinieretɨ, mɨpaɨ nepɨtinemaikai Tsutsa kiekariyaritsie nekaniuyeikakaitɨni, 'Erami kwieyaritsie, haa 'Urahi mɨtitewa manuyeka 'aurie.

Mateu 2:19

Merikɨtsɨ 'arike Herurexi 'umɨku, Kutse yuheinɨtsita kanixeiya Ti'aitame hetsɨa mieme niuki tuayame 'Ekipitu kwieyaritsie heyeikatɨ,

Tanieri 7:1

Mexɨakame wiyaritsie Weritsatsaxi Wawiruniyatsie ti'aitakaku, Tanieri katiniuheinɨni meta yakatiniunieritɨarieni mexi yu'itaritsie kakatei. Hikɨ katinaka'utɨani tita waɨkawa mɨreuyewekai yuheinɨtsita timieme,

Keremiyaxi 23:28

Kemɨ'ane Kakaɨyari niukameya mɨtiuheinɨ ke'itaxata, peru kemɨ'ane neniuki mɨ'enieni, ke'itaxata 'aixɨa 'anemekɨ. ¿Kerayexeiya kuxari 'ikú hamatɨa? —mɨpaɨ kanaineni Yawé—.

Nɨawari 105:15

«Neteɨterima nemuwaranayexei xepɨkawa'uximatɨaka, Neniukamete xepɨkatewakwinitɨaka».

Nɨawari 89:19

Heiwa 'ekɨ 'ateɨterima pepɨtiwarutaxatɨa heinɨtsi hepaɨ 'anemekɨ, mɨpaɨ pepɨtiwarutahɨawixɨ 'ateɨterima yamemɨtekahu: «Ne nekaniparewieka xeime waɨkawa meuyutamiewe, xeime tewi 'aixɨa nemɨtixeiya hetsiena mieme 'aixɨa nepaine.

Kuwi 33:15

Heiwa tekutsukaku taheinɨtsita, heiwata yɨwikɨta katatinixeiyatsitɨaka, kepauka yemekɨ kwi tekutsukaku, yatɨni kepauka herie temɨtikukutsu ta'utatsie,

Kuwi 4:13

Tɨkarikɨ heinɨtsi nehetsie kaninuani kaneneuyehɨani, kepauka teɨteri waɨkawa memeukukutsutsie,

Memeyekɨ 7:1

Yawé Muitsexi mɨpaɨ katiniutahɨawe: —Mɨpaɨ ketinemaika Kakaɨyari tewiyari pepayani Parahuni hɨxie. 'A'iwa 'Aruni 'aniukame payani.

Tsutɨarika 20:7

Peru mɨkɨ 'ukaratsi keneyetua hikɨ, mɨkɨ kɨnaya niukame kanihɨkɨtɨni nehetsiemieme, kanenitawawiriemɨkɨ 'ahetsiemieme pemuyeikanikɨ 'akuxi, peru xɨka peka'iyetuani 'ekɨ yaxeikɨa 'akie kiekatari wahamatɨa pekanimɨmɨkɨ.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

Matsiɨkɨtɨ kemɨratɨa 11:10

Kwiepa memɨtama mepɨyutemamawieka wakaxarite mexeiyatɨ, 'imikieri mepɨyutamikwani, texaxatamete yuhutatɨ memɨwa'uximatɨakaikɨ kwiepa memɨtama.

Matsiɨkɨtɨ kemɨratɨa 11:3

Neri yuhutame nekaniwarexeiyani tehekɨatamete, mɨkɨ kememɨte'unenierixɨ mɨpaɨ memɨtekuxatanikɨ xeimiriyari heimana huta tsienituyari heimana haika tewiyari tukari, hiwerika kamixayari me'anakatɨtɨkaitɨ».

'Epetsutari 4:11

Mɨkɨ mɨpaɨ pɨtiwarumi, hipatɨ nɨ'ariekate memakɨnekɨ, hipatɨta texaxatamete, hipatɨ tehekɨatamete, hipatɨta te'ɨwiyamete meta te'ɨkitamete.

Nɨ'ariekate 10:17

Pekuru 'atsipɨkaretimaitɨyeikakai titakɨ mɨti'ayumiemetɨkai heinɨtsi. Hikɨ mexi'akuxi teɨteri Kuxineriyu mɨwareyenɨ'akai, kitenie me'u'axɨaka Tsimuni kiya hepaɨtsita mekaniuta'iwauni.

Rukaxi 20:6

Xɨkata mɨpaɨ te'utiyuani: “Teɨteri mepipitɨakai”, yunaitɨ teɨteri tetekɨ mepɨtatsitituaxa, yuri memɨte'eriekɨ kename Wani Kakaɨyari niukameya hɨkɨtɨkai».

Mateu 23:37

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Mateu 23:34

'Ayumieme xehetsɨa nepɨwaranunɨ'ani Kakaɨyari niukametemama, temaiwawemete meta te'ɨkitamete. Hipame mɨkɨ xeme xepɨwakwini meta kuruxitsie xepɨwakawɨtɨani, hipame mɨkɨ xepɨwatiwayani yutuki 'etsimupepeta meta kiekaritetsie xepɨwakuweiyatɨweni.

Mateu 23:31

Peru xeme xekaniyuhekɨatani kename mɨkɨ Kakaɨyari niukametemama memɨwarukwi wanuiwari xehɨkɨ.

Mateu 27:19

Mexi Piratu 'itsɨkame 'uwenieyatsie 'akatei, 'ɨyaya niuki kaneinɨ'airieni mɨpaɨ 'utaitɨ: «Keneuhayewa mɨkɨ tewi heitseriemekɨ yamɨtikamie, kɨmana waɨkawa nepɨtiukwinixɨ neheinɨtsita hikɨ yɨwikɨta».

Hepɨrayutsixi 1:1

Kakaɨyari, meripaitɨ katiniwakuxaxatɨwakaitɨni tapaapama, Kakaɨyari niukametemama yametekuxatakaku, yuxexuitɨ kememɨte'upitɨarie niuki yɨkɨ mɨ'anene hepaɨtsita.

Tsutɨarika 28:12

Mana katiniuheinɨni, 'imɨmui 'ahatayeume kaniuxeiya kwiepa yuwetɨkaime muyuawitsie heutiyuneme, mɨkɨ 'ɨtɨma mekananutikɨkaitɨni niuki tuayamete Kakaɨyari hetsɨa miemete me'anutikɨkame me'anakakɨkame.

'Inɨatsie 24:4

Niukieya mɨ'enie Kakaɨyari kaniniukieyatɨni, Naimekɨmɨtɨrɨkaɨye mɨtixeiya, mukakukutsutsie hepaɨ mɨtikuxaxatɨariwa.

1 Tsamuheri 3:15

Tsamuheri kaniukahuni, 'uxa'arieka ximeri 'itupari kaneuyepiexɨani Yawé tukita, pɨkayuwaɨriyakai 'Eri mɨtitaxatɨanikɨ kemɨtiunierekai.

1 Tsamuheri 28:6

'Ayumieme Yawé kaniutahɨawe, peru mɨkɨ pɨka'ita'ei, niheinɨtsitana ni'inɨari mupatsie Yawé hetsiemieme meta Kakaɨyari niukametemama waniuki.

1 Te'aitamete 3:15

Merikɨte kepauka Tsarumuni manutanierixɨ yakatinetimani kehapaɨ mɨtiuheinɨ, hikɨ kanakunuani Kerutsareme. Mana nuaka tɨratu kakuniyari manuka kaneyani hikɨ mawari taiyariyari kaniuwewieni meta kename meyuxewi mawariyari. Metatsiere 'ixɨarari kaniuwewieni yunaime 'iparewiwamete wahetsiemieme.

Keremiyaxi 23:25

»Kakaɨyari niukametemama nepuwa'enie kememutiyuane 'itarika mepɨnaki'erie yakɨ metexatakutɨ nehetsiemieme, mɨpaɨ mekaniutiyuaneni: “Nepɨtiuheinɨ, nepɨtiuheinɨ”.

Tanieri 2:19

Tɨkarikɨ, Tanieri kaniuxeitsitɨarieni kehepaɨtɨtɨ mɨtiniumɨkɨ heinɨtsika. Hikɨ Kakaɨyari 'aixɨa katiniutahɨawe muyuawitsie makawe

Tsutɨarika 28:16

Kepauka Kakuwu manutanierixɨ mɨpaɨ katiniu'erieni: «Yurikɨ Yawé 'ena puyeika, ne 'atsinepɨkatimaikai».

Tsutɨarika 37:5

Merikɨtsɨ heiwa Kutse tiuheinɨka, yu'iwama katiniwarutaxatɨani. 'Ana matsi waɨkawa mekaniti'uxiwe'erietɨkɨne,

Tsutɨarika 37:9

Merikɨtsɨ hutarieka katiniuheinɨni, tawarita katiniwarutaxatɨani. Mɨpaɨ katiniwarutahɨawe: —Tawarita mɨpaɨ nepɨreheinɨ. Tau, metseri, tamamata heimana xewi xurawetsixi nehɨxie mekaniukahɨxima'uni.

Hutarieka 'inɨari 18:15

Yawé xekakaɨyari xeime panayexeiya xe'iwatɨme niukameya mayanikɨ nehepaɨ. Mɨkɨ hɨrixɨa xepɨ'enieka.

Hutarieka 'inɨari 18:18

'Ayumieme watsata xeime nepanayexeiya neniukame mayanikɨ 'ahepaɨ, ne neniuki nepipitɨani tetana, mɨkɨ yapɨtiwataxatɨani ne kenemɨtita'aitɨani.

1 Tsamuheri 3:21

Yawé yaxeikɨa Tsamuheri pɨtikuxaxatɨwakai Tsiru mɨrakutewatsie, mana Tsamuheri hetsɨa puyuhekɨatakai meta yuniuki pikuxaxatɨwakai.

2 Tsamuheri 7:4

Hikɨ mɨkɨ tɨkariyaritsie Yawé niukieya Natani hetsɨa kaninuani mɨpaɨ katinitahɨawe:

'Utseyaxi 12:11

Karaha kiekatari 'axamekateniu'iyarini, Kanahekɨakari tixaɨ pɨkarayani. Kirikari paitɨ tuurutsixi mepɨwaretimawa, 'ayumieme mɨrayutimawatɨre tetexi kanitaxɨriexɨamɨkɨ, 'ɨtsita paitɨ.

Kuheri 3:1

»'Iya tukaritsie, kemɨtika'inɨaritsie maye'anikɨ, kepauka ne Kura 'aixɨa nemɨwayurieni meta Kerutsareme newahekwariyatɨ,

Tsakariyaxi 1:8

Xeitɨkaritsie mɨpaɨ nepɨtiunierixɨ, tewi nepuxei kawayutsie 'anakaime heukɨtaxaɨyemetsie. Mɨkɨ tewi tsikwaitsata kaniyekeni 'etsiwa heukatewakaku 'aki 'utɨma. Waritanata mepɨti'ukai meheukɨtaxawimetsie me'utetɨ meta meheutɨtɨnimetsie meta meheutuxametsie.