'Inɨatsie 11:2 - Kakaɨyari Niukieya

² Hikɨ 'ixaheritsixi Muitsexi waɨkawa mekaniwawiriekaitɨni, kaniuyutanenewieni Yawé mɨtiwareuyehɨwirienikɨ, 'ana tai kaniutɨni.

'Inɨatsie 11:2 ပူးပေါင်းရင်းမြစ်များ

'Inɨatsie 21:7

'Ixaheritsixi Muitsexi 'aurie me'ukɨneka mɨpaɨ mekatenitahɨawe: —Yawé hepaɨtsita te'uniukixieka 'axatepɨte'uyuri meta 'ahepaɨtsita. Yawé keneutawawiri kuuterixi mɨwakumaweriyakɨ. Muitsexi wahetsie 'utanuaku,

Tsatiyaku 5:16

'Ayumieme hipatɨ mexe'eniekaku xekeneyuhekɨatani xɨka 'axaxete'uyurieni, xemɨyunenewiekakɨ yuxexuitɨ yuhetsiemieme yunaitɨ, mɨpaɨ 'aixɨa xeteheu'erietɨ xemakɨnekɨ. Kemɨ'ane heitseriemekɨ yamɨtikamie, mɨkɨ nenewierieya waɨkawa katinikemaka meta kani'enierieka.

1 Wani 5:16

Xɨka xewitɨ 'ixeiya yu'iwa 'axatiyurieneme kemɨkatimɨni, kanitawawiriemɨkɨ yu'iwatsie mieme, mɨkɨ Kakaɨyari tukari kanipitɨamɨkɨ. Tita 'axamɨti'ane nekanixatani 'axaxɨkatiuyurieni mɨka'umɨnikɨ. Kanixuaweni xewitɨ mɨmɨnikɨ xɨka 'axatiuyurieni, mɨkɨtsie mieme xemitawawirienikɨ 'atsinepɨkahaine.

Hepɨrayutsixi 7:26

'Aixɨa kaniuyɨnita temeixeiyakɨ mawari wewiwame mɨpaɨ mɨ'ane. Patsietɨ, 'axakatiyurienetɨ, katsewiximarietɨ, 'axateyuruwamete wahamatɨa kayuxewiriyatɨ, muyuawi heima hanutiyeikatɨ.

Nɨ'ariekate 8:24

Hikɨ Tsimuni mɨpaɨ katinita'eiya: —Xemetsɨ Ti'aitame xekeneutawawiri nehetsiemieme, 'atsinemɨka'itɨarienikɨ kexemutiyuane.

Keremiyaxi 42:2

mɨpaɨ Kakaɨyari niukameya Keremiyaxi mekateniutahɨawe: —Neuxei ketaneu'eni ketemutiyuane, Yawé 'akakaɨyari keneutahɨawi tame temɨtahayewatɨwe tahetsiemieme. Pekatinimaika meripaitɨ waɨkawa temɨhɨkɨtɨkai hikɨri 'etsitekaniyupaɨmeni.

Keremiyaxi 37:3

Hikɨ ti'aitame Tserekiyaxi, Kukari Tseremiyaxi nu'aya meta mawari wewiwame Tsupuniyaxi Matsehiyaxi nu'aya, Kakaɨyari niukameya Keremiyaxi mɨpaɨ memɨtehetahɨawekɨ: «Tahetsiemieme keneuyutanenewi, Yawé takakaɨyari pewawirietɨ».

Keremiyaxi 15:1

Yawé mɨpaɨ kanetiniutahɨawe: «Tsepa Muitsexi meta Tsamuheri nehɨxie memɨteti'ui, ne nepɨkawarutinenimayatawe 'ikɨ teɨteri. Hikɨ keniwaranunɨ'a nehɨxie memɨka'u'uwanikɨ. Mekeheuhuni.

Kitsariyaxi 37:4

Heiwatɨ Yawé 'Akakaɨyari kuyaxi tiwa'aitɨwame niukieya 'u'enieni, ti'aitɨwameya 'Atsiriyatsie ti'aitame meinɨ'a, Kakaɨyari mayeniere 'axamɨretahɨawekɨ. Yawé 'Akakaɨyari ketiwarukwinitɨani niuki mɨya'aneme mɨwaru'enirikɨ. Hikɨ keneyutanenewi, teɨterimama memuyuhayewatɨwe wahetsiemieme, 'akuxi 'amemu'uwa”».

Nɨawari 106:23

Kakaɨyari mɨpaɨ putayɨ kename wakwinikekai peru mɨpaɨ pɨkatiuyuri Muitsexi hetsiemieme menayexei, hɨxiena kaniukeni huyetana meta pɨka'ipitɨa ha'atɨ mɨwaka'unakɨ.

Memeyekɨ 34:9

mɨpaɨ katiniuyunenewieni: —Ti'aitame, xɨka yemekɨ penetsiparewiwametɨni tahamatɨa keneuyuhayewa. Nepɨtimate 'ikɨ teɨteri yu'iyaritsie mepɨtsetse'i, hikɨ ketatineuyehɨwiri 'axatemɨte'uyurikɨ, 'ahetsɨa miemete ketanayeitɨa.

'Inɨatsie 12:11

Hikɨ 'Aruni 'ana Muitsexi mɨpaɨ katiniutahɨawe: «Waɨkawa nepɨmatsiwawirie, neti'aitɨwame, ke'axatemɨte'uyuri pepɨkahe'eriwani 'atsitekatemaitɨ temutiyuakɨ.

'Inɨatsie 12:13

Muitsexi Yawé mɨpaɨ katiniutawawirieni: «Kakaɨyari, waɨkawa nepɨmatsiwawirie pemenayehɨanikɨ».

Memeyekɨ 10:18

Hikɨ kepauka mɨwayetɨa Muitsexi Parahuni hɨxie, Yawé putawawiri Parahuni hetsiemieme.