Hiwerika 4:9 - Kakaɨyari Niukieya

⁹ 'Aixɨa mekani'itɨarieka kemɨ'ane memukwi'iwaxɨ 'ixiparakɨ, keyuri haakakɨ memukwi. Haaka wara'iwakaku mekanitakukuweni, karikɨ mɨtiumawekɨ 'ikwaxite 'ɨtsita timieme.

Hiwerika 4:9 ပူးပေါင်းရင်းမြစ်များ

'Etsekieri 24:23

Tuwaxakɨ yumu'utsie xekenayuhɨaxɨa, meta yukakaitsie xepeu'uixuani. Hawaikɨ xeka'utitsuatɨ xekayuhiwerietɨ, matsi pɨta xekanitipɨnikuni 'axamɨti'anekɨ xete'uka'eniwatɨ hipatɨta xehamatɨa.

Mawari 26:39

Xeme hipatɨ xemɨyuhayewa memɨxe'aye'unie mematiteitsie xekanikaxɨrikuni, ke'axaxemɨte'uyurikɨ xepaapama xepanutinɨitɨiriyarieni.

'Etsekieri 33:10

»Tewi pemunu'aya, 'ixaheritsixi mɨpaɨ ketiniwarutahɨawi: “Xeme mɨpaɨ xeputiyuane: ‘'Axateteyurietɨ meta 'inɨari niukiyari teheutitsanaxɨaku pahete tahetsie, 'ari tepɨkwixime te'ayenenieretɨ. ¿Pɨkayɨweri temu'uwani?’ ”

Keremiyaxi 16:4

«Mekanikwikuni waɨkawame kwiniya 'axa'anenemekɨ. Xewitɨ pɨkayuhayewa mɨtatsuani wahetsiemieme meta mɨwakateukukɨ, kwiepa mekaniyuhayewakuni kwitarai hepaɨ. 'Ixipara meta haaka kaniwarakuxɨtɨamɨkɨ, wakaxari wirɨkɨxi meta yeutari wa'ikwai katinayeimɨkɨ».

Memeyekɨ 16:3

Mɨpaɨ 'ixaheritsixi mekaniutiyuanekaitɨni: —Matsi 'aixɨa pɨ'anekai xɨka Yawé tatsihekwinike 'Ekipitu paitɨ. Mana 'aixɨa tepɨtehetikwa'akai wai 'itsarikɨ meta pakɨ yemekɨ tepetihuxarɨwekai. Xeme xepɨtatsiheyewitɨ, 'ena makumawetsie teyunaime xemɨtatsikwinikɨ haakakɨ.

2 Te'aitamete 25:3

Naurieka metseritsie meta 'atanauka tukari 'aye'aku, 'anari tinaime yu'ikwaite mekateniuxɨni mɨkɨ kiekaritsie, pɨtiumawekairi 'ikwai teɨteri wahetsiemieme.

Hutarieka 'inɨari 28:51

Mepɨwatikwani 'atewama waniwema, 'apiini naime pemɨtiukaxeiyakai 'akwiepa, hikɨ mɨpaɨ mexeyurietɨ mepɨxekwini. 'Etsiwa tɨma mepɨkatehayewa, tɨriku, kaxie hayari, hatseiti, tsikerutsixi meta muxatsi kuraruta mepɨkawahayewa. Yemekɨ tixaɨtɨ mepɨkaxetehayewieni.

Kitsariyaxi 22:2

kiekari waɨkawamekɨ 'axamɨretainetsie, mepɨkayu'enie meta mepɨ'ietɨwe. 'Ateɨterima nixewitɨ 'ixiparakɨ pɨka'umierie meta mepɨkahekwi'iwaxɨ mɨrayukwitɨnetsie.

'Etsekieri 4:16

Tawarita mɨpaɨ kanetiniutahɨawe: «Tewi pemunu'aya, Kerutsaremetsie tɨriku mukumawerekɨ yanepɨtiyurieni. Teɨteri paa 'etsiwa xeikɨa mekaniutikwa'akuni meta waɨkawa meyuheiwerietɨ, yaxeikɨata haa 'etsiwa xeikɨa meputihareweni meyuheiwerietɨ.

'Etsekieri 7:15

»Kiekari warita kuyaxa puxuawe, meta kiekaritsie kwiniya meta haaka puxuawe. Kemɨ'aneta yeuta muyeikani 'ixiparakɨ kanimieriemɨkɨ, kemɨ'aneta kiekaritsie muyeikani haakakɨ kanimɨmɨkɨ meta kwiniyakɨ.