Hiwerika 4:6 - Kakaɨyari Niukieya

⁶ Ke'axamemɨte'uyuri Tsurumatari matsi kwinimieme 'axamepɨte'uyuri Kerutsareme kiekatari, yapauka kaniuka'unarieni, nixewitɨ pɨka'iparewi.

Hiwerika 4:6 ပူးပေါင်းရင်းမြစ်များ

Tsutɨarika 19:25

Mɨpaɨ katiniwaruka'una mɨkɨ kiekarite meta yunaime mana kiekatari, naime mayeweritsie meta tita mana mɨtixuawekai.

Rukaxi 10:12

'Ipaɨ nepɨxerahɨawe, tukari 'aye'ayu 'etsiwa xeikɨa mekatenikwinitɨariekuni Tsuruma kiekatari, mɨkɨ kiekari waɨkawa matsi mekatenikwinitɨariekuni».

Rukaxi 12:47

»Mɨkɨ ti'uximayatame yamɨtimaikai kemɨtinakekai kutsiyarieya, peru mɨkayukuha'aritɨa 'atsimɨkatiuyuri kemɨtinakekai, mɨkɨ kwini mieme kanikuweiyaxɨamɨkɨ.

Mateu 24:21

Karikɨ 'ana kwini mieme 'uximatɨarika 'anetɨ kanitixuawerimɨkɨ kemɨkatitixuaweriwe kwie munetɨarietsie paitɨtɨ 'atsita hikɨ, meta tawari pɨkatixuawere 'ariketa.

Tanieri 9:12

»”'Ekɨ pepeye'atɨa kepemɨtarayemari'itɨa, tame meta tate'aitɨwamete, 'ekɨ tahetsie 'ikɨ 'uximatɨarika mɨmariwe pepɨ'atɨa. Hatsuaku 'ena kwiepa mɨpaɨ pɨkatiyɨwe Kerutsareme hetsiemieme kemɨtiuyɨ.

Hiwerika 4:9

'Aixɨa mekani'itɨarieka kemɨ'ane memukwi'iwaxɨ 'ixiparakɨ, keyuri haakakɨ memukwi. Haaka wara'iwakaku mekanitakukuweni, karikɨ mɨtiumawekɨ 'ikwaxite 'ɨtsita timieme.

Tsutɨarika 19:24

Hikɨ Yawé tai wiyeriyari kaneyenɨ'ani meta 'atsupɨre taiyari kaniukawiwieni muyuawitsie mieme Tsuruma meta Kumuxa wahetsie.

Keremiyaxi 20:16

Yawé kiekarite kemɨtiuka'unaxɨ kawareunenimayatɨ mɨpaɨ ke'u'itɨarieni mɨkɨ tewi. Hiwarika ximeri ke'enieka meta tuka mɨrayukwine hiwariyari.

Kitsariyaxi 24:2

Yaxeikɨata mepɨte'anuyekɨne mawari wewiwame meta teɨteri, 'uki ti'aitame meta ti'uximayatame, 'ukaratsi ti'aitame meta 'ukaratsi ti'uximayatame, tituayame meta tinaweme, tumini tiyuniniɨtɨwame meta yuniɨrɨweme, mɨrapiniyarie meta mɨrapine.

Keremiyaxi 23:14

Meta Kakaɨyari niukametemama Kerutsareme kiekatari 'axamɨti'ane wahetsie nepɨtixeiya: kayɨ'ɨitama wahamatɨa mepɨhitɨwe, mete'itawatɨ mepu'uwa, 'axateyuruwamete waheima mepunua, nixewitɨ pɨkatihayewawe 'axatiyurienetɨ. Mɨkɨ yunaitɨ Tsuruma hepaɨ mekani'aneni nehepaɨtsita, meta Kerutsaremetari Kumuxa hepaɨ mekani'aneni».

Tanieri 8:25

'Itarikakɨ ti'ɨkitame kanayeimɨkɨ, mariweme kaniyu'eriekamɨkɨ. Yumɨireme teɨteri kaniwaka'unamɨkɨ 'atsimekate'anuyekɨneke memɨyu'eriekai meta te'aitamete Tiwa'aitɨwame kanitamiemɨkɨ, peru kanika'unariemɨkɨ tewi tɨrɨkariyayakɨ pɨkatixaɨ.