Hiwerika 4:5 - Kakaɨyari Niukieya

⁵ Kemɨ'ane meripaitɨ memɨte'utikwa'akai witsiti'anekame hikɨ mekanikwiximeni haakakɨ kaye'utɨma. Meripaitɨ witsimemɨte'ukemarikai mɨyɨtsikimaɨyekɨ hikɨ xatsitsata mekanikurupetɨweni.

Hiwerika 4:5 ပူးပေါင်းရင်းမြစ်များ

Rukaxi 16:19

»Merikɨtsɨ tewi 'aniuyeikakaitɨni xikutɨtɨ, tataɨrawime kananakatɨkɨkaitɨni, rinu 'ixurikiyari meta tukarikɨ 'aixɨa ti'anemekɨ katinikwakaitɨni.

Rukaxi 15:16

Huxaimɨtɨ kanihiwe'eriekaitɨni ketita memɨtekwakai tuixuri, peru nixewitɨ pɨkatimi.

1 Timuteu 5:6

Peru wiura kemɨ'ane kemɨtiyɨkɨhɨawe xeikɨa 'amuyeika hiwe'erikakɨ, mɨkɨ mɨkitɨ 'apuyeika tsepa mayeniere.

Rukaxi 7:25

¿Kamɨtsɨ tita xeteheku'ixɨari? ¿Xiku 'ixuriki mɨyumeni manakatɨkɨ xetehekuxei? Nekatixaɨtsietɨ. Matsi mɨkɨ witsimɨ'anene memanakatɨtɨka xikutsixi wahepaɨ memɨyɨa, mɨkɨ te'aitamete wakiita mepayetei.

Temaiwawemete 31:21

Tsepa muhaɨtɨ pɨkayu'iyaritɨa yuniwema wahetsiemieme, mɨkɨ yunaitɨ 'aixɨa memɨte'ukemarikɨ 'ɨkari memɨwawɨtɨatɨkakɨ.

2 Tsamuheri 1:24

»Xɨa'ui, 'ukarawetsixi 'Ixaheri kwieyaritsie kiekatari. Xekeneutitsuanani Tsahuri hetsiemieme, mɨxekemaritɨakai 'ixuriki witsimɨ'anekɨ kwimɨxetakɨ, meta witsimɨxekuyuruwakai huru kukateyarikɨ.

Kuwi 24:8

Wiyeri hɨritsie miemekɨ mepɨtihawire, yuhetsie nunuwame memɨkahexeiyakɨ, terɨta mekaneuyuta'unani.

2 Te'aitamete 18:27

Peru kuyaxi tiwa'aitɨwame mɨpaɨ katiniwarutahɨawe: —Matsi neti'aitɨwame pɨkanetsiheyenɨ'a 'ekɨ meta mati'aitɨwame mame xeikɨa nemɨtixetaxatɨanikɨ 'ikɨ, matsi kurarutsieta memakatei yunaime. Metsɨ yunaitɨ yaxeikɨa mɨkɨ meta xeme xekanitikwaikuni yukwita meta yuxixi xekanitiharikuni.

Hiwerika 1:11

Yunaitɨ teɨterimama mekaniutitsuanani, meta mekaniku'uwani 'ikwai meheuwautɨkaitɨ, yupiinite mɨraye'atɨkakɨ mekatenipatani 'ikwaikɨ memayeyuyurinikɨ 'akuxi. «Yawé, neuxei keneu'a'ɨwiya kehepaɨ memɨnetenanaima».