Hiwerika 4:17 - Kakaɨyari Niukieya

¹⁷ 'Imatɨrieka, tahɨxite pɨtitɨximeri teta'ikwewatɨ yakɨxeikɨa xewitɨ tatsiparewienike te'erietɨ. Tuxiyutsie paitɨ tetanenieretɨ tekanita'ikwewani hipatɨ teɨteri memɨtatsitawikweitsitɨanikɨ.

Hiwerika 4:17 ပူးပေါင်းရင်းမြစ်များ

'Etsekieri 29:16

'Ixaheri kiekariyari tawariri 'Ekipitu hetsie mepɨkatehawiya. Matsi, 'Ekipitu pɨhɨkɨtɨni mɨwaraye'eritɨwani, ke'axamemɨte'uyuri me'iweiyatɨ. 'Ana mɨpaɨ mepɨtehetimani kename ne, Yawé nehɨkɨ”».

Kitsariyaxi 20:5

Kemɨ'ane 'Etihupiya hetsie memɨtewiya meta kemɨ'ane 'Ekipitu hetsiemieme memuyuti'ɨre mɨkɨ mepɨtimamani meta mepuyutitetewiya.

2 Te'aitamete 24:7

'Ekipitu kwieyaritsie ti'aitame tawariri pɨkahayetɨa xeime kwieyaritsie yukuyaxima wahamatɨa, Wawiruniya kwieyaritsie ti'aitame naitɨri mɨtipinieyatɨkaikɨ, 'Ekipitu 'akiyaritsie tsutɨtɨ 'atsita 'Eupɨrate hatuxameyaritsie paitɨ ye'atɨkaitɨ.

Hiwerika 1:19

»Meripaitɨ nemɨwanaki'eriekai nekaniwarutahɨawe, peru mɨkɨ mekaneniuku'eirieni. Mawari wewiwamete meta 'ukirawetsixi nehetsɨa miemete yunaitɨ kiekaritsie mekaniukwini, 'ikwai mekuwautɨwetɨ, 'akuxi memayeyuyurinikɨ.

Hiwerika 1:7

Paye'eriwa Kerutsareme, kepauka yɨxaɨta nutuixietɨ 'amuyeikakai, meripaitɨ waɨkawa kemɨrexeiyakai pɨra'eriwa meripaitɨ mɨtipiinieyatɨkai. Kepauka memeye'unie hetsɨana memɨye'axɨa, nixewitɨ 'ana pɨkanua 'iparewienike. Memeye'unie mepixei kepauka matiwe, 'ana mɨkɨ mepi'atsekai me'inanaimatɨ.

Keremiyaxi 8:20

«'Itsanari kananutiyani, witari kananuyeyani, peru tame 'akuxi tepɨkatawikweitsitɨariewawe».

Keremiyaxi 2:36

Yapauka pepɨ'akupata hipame wahetsie pɨta petiwiyamɨtɨ. Yaxeikɨatsiere 'Ekipitu kameniku'eirimɨkɨ, 'Atsiriya kemɨmatiuku'eiri hepaɨ.

Keremiyaxi 2:18

Hikɨta, tixaɨtɨ pepɨkarekaxeiya 'Ekipitu xɨka peheyani haa Niru mieme pemanuharenikɨ. Tixaɨtɨ pepɨkarekaxeiya 'Atsiriya xɨka peheyani haa 'Eupɨrate mieme pemanuharenikɨ.

Kitsariyaxi 28:18

Pɨhayewarieni tɨratu xemuwewi mɨki hamatɨa, 'atsikapɨtiyɨni tsepa mɨki teukiya hamatɨa xemɨte'utaxa. Kepauka 'uximatɨarika tiyumemiwame 'umamie, mɨkɨ kanixetipɨnamɨkɨ.

Keremiyaxi 2:37

Mana pekaniyeyeimɨkɨ 'akatutsitɨa peheukumetɨkaitɨ, karikɨ Yawé kaniwarexɨrieni kemɨ'ane wahetsie pemɨtiwiyakai, wahamatɨa 'aixɨa pepɨkatiyeyani.

Hiwerika 5:6

Tɨratu tekaniuwewieni 'Ekipitu meta 'Atsiriya wahamatɨa, mɨpaɨ 'ikwaite temɨtekaxeiyakɨ.