Hiwerika 4:16 - Kakaɨyari Niukieya

¹⁶ Yawé tɨtɨ katiniuyurieni muwareutaxɨriexɨa, hikɨri pɨkayu'iyaritɨa wahetsiemieme. Mawari wewiwamete mamariwawemete mepɨkaxatsiwa meta 'ukirawetsixi mepɨkanenimayatsieri.

Hiwerika 4:16 ပူးပေါင်းရင်းမြစ်များ

Hiwerika 5:12

Ta'ukiyarima memanuyehaitɨtɨakai mekaniukawɨtɨarieni yumamatsie mehɨatɨkaitɨ, meta tixaɨtɨ mepɨkatewarayeitɨa 'ukirawetsixi.

Hepɨrayutsixi 8:9

Mɨkɨ tɨratu wapaapama nemɨwarutawewiri hepaɨ pɨka'aneni meripaitɨ kenemɨtitawewi kepauka wamamatsie nemɨwaruwiyaxɨa newareyewitɨnike 'Ekipitu kwieyaritsie, mɨkɨ netɨratutsie yamepɨkatekahukai, 'ayumieme neta nepɨwaratɨmaiyaxɨ ―mɨpaɨ paine Ti'aitame―.

Keremiyaxi 24:9

Yanepɨtiyurieni hipatɨ mewaxeiyatɨ memɨmamakakɨ meta mepɨte'uka'eniwani, yunaime nuiwarite memɨtama wahetsie. Meta tsepa hakewa ne nemɨwaretanɨ'axɨani, muwa 'aixɨa mepɨkate hexeiyarieka, mepeyuriyarieka, mepenanaimarieka, 'axamepe'itɨarieka.

Hutarieka 'inɨari 32:26

Mɨpaɨ nepɨtiunehɨawixi: ‘Yunaime nepɨwataxɨriexɨani, kwiepa nepɨwarakuyeitɨani memɨkaha'eriwanikɨ’.

Hutarieka 'inɨari 28:25

»Yawé pɨxeyetuani memɨxe'a'iwakɨ memɨxe'aye'unie. Tsepa xemekɨ 'aixɨa xeteheuku'utɨ, peru 'arike xepuyuta'unaxɨani yuxexuitɨ. Yunaitɨ kwiepa memɨtama te'aitamete mexenanaimatɨ mepakɨne.

Keremiyaxi 15:4

Te'aitamete yunaitɨ kwiepa memɨtama memɨmamakakɨ nekatiniyurimɨkɨ, Manatsexi 'Etsekiyaxi nu'aya, Kura kwieyaritsie ti'aitame, kemɨtiuyurikɨ Kerutsareme.

Nɨawari 106:44

Kepauka Kakaɨyari mɨwaruxei meyuhiweriekame, meta kepauka mi'eni wa'aiwari hiwariyari,

2 Kemɨtiuyɨ 36:17

Hikɨ Yawé wawiruniyutsixi tiwa'aitɨwame kanenɨ'ani wahetsɨa, hikɨ mɨkɨ muwa tukita kaniwarukwini 'ixiparakɨ temari, meta mɨkɨ pɨkawarutinenimayataxɨ temari, 'ɨimarixi, 'ukirawetsixi meta 'ukiraixi. Kakaɨyari yunaime kaniwayetuani hetsɨana.

Tsutɨarika 49:7

Wahaxɨa 'axake'itɨarieka kememɨteyumemiwa, yuhaxɨakɨ pɨwanake hiwerika memɨwapitɨakakɨ hipame. Ne nepɨwatanɨ'axɨani nekwiepa, nepɨwataxɨriexɨani 'Ixaheri kwieyaritsie.

Keremiyaxi 52:24

Meta Nawutsararani kuyaxi wa'ukiyari, kaniwarutiwiya Tserahiyaxi mawari wewiwamete wa'ukiyari, Tsupuniyaxi mawari wewiwame hutarieka mieme, meta memuyuhaika kitenie tehɨwemete.

Hiwerika 2:6

Xewitɨ xamaru makumaweriya hepaɨ, mɨpaɨ yutuki katiniuka'una. Yawé Tsiyuni pɨratɨmaiyatsitɨa xawati mɨka'utiwewiwanikɨ meta patsiekamekɨ kememɨteyukuxexeɨriwa 'ixɨarariyari, ti'aitame hepaɨtsita puyeha'a meta puwaruhayewaxɨ mawari wewiwamete hetsɨana memɨmiemetetɨkai.

Nɨawari 106:27

waniwemata hipame nuiwarite watsata wakaxɨrienikekai meta naitsarie kwiepa wataxɨriexɨanikekai.

Kitsariyaxi 24:2

Yaxeikɨata mepɨte'anuyekɨne mawari wewiwame meta teɨteri, 'uki ti'aitame meta ti'uximayatame, 'ukaratsi ti'aitame meta 'ukaratsi ti'uximayatame, tituayame meta tinaweme, tumini tiyuniniɨtɨwame meta yuniɨrɨweme, mɨrapiniyarie meta mɨrapine.

Kitsariyaxi 47:6

Ne neteɨterima wahetsiemieme nepɨha'akai, 'ayumieme mekapatsiekame nepuwarayeitɨa nehetsiemiemete. Nepuwayetua 'amamatsie, 'ekɨta pepɨkawarutinenimayataxɨ. 'Ukirawetsixi waɨkawa raheteme pepɨtiwaruta'aitɨa.

Hiwerika 2:20

«Neuxei Yawé, keneu'ati'iyaritɨa: ¿Kemɨ'aneri mɨpaɨ pepɨtiukwinitɨa meripaitɨ? ¿Kamɨtsɨ 'ukarawetsixi yuniwema metewatikwani yuhetsie memɨwarayexei? ¿Metekwi'iwa tsɨkamɨ mawari wewiwamete meta 'ahetsiemiemete niukamete Yawé 'atuki muyepatsietsie?

'Etsekieri 5:10

Xeme xetsata wapapama yuniwema mewakwa'atɨ mekanitixuawerikuni meta tɨɨri yupapama mepɨwatikwani. Ne nekatiniwakwinitɨamɨkɨ, kemɨ'ane memɨtawikwenita nekaniwataxɨriexɨamɨkɨ nauka 'ekayaritsie.