Hiwerika 4:11 - Kakaɨyari Niukieya

¹¹ Yawé yuhaxɨa kaniutatuani, yuhaxɨa mɨtiyukukuine kananayetuani. Tsiyuni taikɨ kaniutataiya meta kanitaxɨtsitɨani tsutɨmeyari naime.

Hiwerika 4:11 ပူးပေါင်းရင်းမြစ်များ

'Etsekieri 22:31

'Ayumieme wahetsie nehaxɨa nepɨkawiwieni, nepɨwatixɨtsitɨani nehaxɨa taiyarikɨ, meta naime ke'axamemɨte'uyuri wahetsie nepɨrahɨani. Yawé naimekɨmɨyɨwe mɨpaɨ kanaineni».

Keremiyaxi 7:20

»'Ayumieme Yawé naimekɨmɨyɨwe mɨpaɨ kanaineni: “'Ena nehaxɨa nekananɨ'amɨkɨ: teɨteri wahetsie meta tewaxi wahetsie, kɨyexi yeuta mieme hetsie meta 'ikwaxi 'ena kwiepa mɨtixuawetsie, nehaxɨa pɨtaka pɨkayɨtɨnɨaka”.

Hiwerika 2:17

Yawé kaneye'atɨani kemɨtiku'eriwakai, kaneye'atɨani yuniuki, meripaitɨ kemutayɨkai. Kametsinenimayatɨ kwiepa kamenehɨani, katiniupitɨani mɨmatsi'aye'unie mɨmatsitananaimanikɨ, mɨkɨ pɨtata watɨrɨkariya mariweme kanayeitɨani.

Keremiyaxi 17:27

Peru xɨka ne'aitsikatsie yaxekatekakɨne xawati xɨka xehatɨmaiya meta xɨka Kerutsareme kitenieyaritetsie 'ika xeteheutahatɨwani xawatikɨ, hikɨ 'ana 'itupariteya nekanitaiyaxɨamɨkɨ, kayutɨnɨakamekɨ meta paratsiyute kanititaimɨkɨ Kerutsareme miemete’ ”».

Rukaxi 21:22

Mɨkɨ tukaritsie heitseriemekɨ mepɨte'apiniyarieni kiekatari, 'ana katinaye'amɨkɨ naitɨ kemɨre'uxa.

Tsakariyaxi 1:6

¿Kamɨtsɨ karaye'atɨarie xetutsima wahetsie niuki meta 'aitsikate nemɨwarupitɨa menete'uximayatsiriwamete neniukamete mɨpaɨ memɨtewataxatɨanikɨ? »”Hikɨ mɨkɨ Yawé hetsie metewiyatɨ mekanakɨne, meta mɨpaɨ mekaniutiyuani: ‘Yawé Naimekɨmɨtɨrɨkaɨye yapɨtatsi'uyuri kemɨtiu'eri: tahetsie kemɨreuyewekai 'axatete'u'iyarikaku 'axateteyuriekaku.’ ”»

Tanieri 9:12

»”'Ekɨ pepeye'atɨa kepemɨtarayemari'itɨa, tame meta tate'aitɨwamete, 'ekɨ tahetsie 'ikɨ 'uximatɨarika mɨmariwe pepɨ'atɨa. Hatsuaku 'ena kwiepa mɨpaɨ pɨkatiyɨwe Kerutsareme hetsiemieme kemɨtiuyɨ.

Hiwerika 4:22

Tsiyuni witsipemɨti'ɨimarikai, kanaye'atɨarieni kepemɨtikwinitɨarienikekai, Kakaɨyari tawariri xeime kwieyaritsie pɨkamatsi'anɨnɨ'ani. Peru 'ekɨ, mɨmariwe 'Erumi kiekariyari, kamani'uximatɨamɨkɨ ke'axapemɨtiuyurikɨ meta naime ke'axapemɨtiuyuri katinitahekɨatamɨkɨ.

Hiwerika 2:8

Yawé puyuwaɨri mika'unakɨ kuraru 'amatayewa Tsiyuni witsimɨti'ɨimari warie maka. Kɨye 'utikweka kani'inɨata, hikɨ kanika'una ka'inenimayatɨ. Hiwerika putixuawerixɨ tetsariya 'imɨmɨiyarite mɨranutikɨkatɨre meta kurarute 'amatitetewa wahetsiemieme, mɨkɨ naitɨ kaniuka'unarieni.

Keremiyaxi 21:14

Yawé mɨpaɨ kanaineni: “Ne 'uximatɨarika nekanixepitɨamɨkɨ kexemɨte'ukaxuxuawerekɨ, xehɨri muhukuya nekanitaiyamɨkɨ, mɨkɨ tai naime 'aurienata katinakɨxɨtsitɨamɨkɨ”».

Keremiyaxi 13:14

Yanekatiniwapitɨamɨkɨ memuyutikwinikɨ yunaitɨ, wapaapama meta waniwema 'ukitsi yaxeikɨa. Ne nepɨkawatinenimayata matsi nepɨxeka'una nekaxeheunenimayatɨ’. Yawé mɨpaɨ kanaineni”».

Keremiyaxi 36:7

Heiwatɨ wa'iwaurika Yawé hetsɨa mɨniye'a, yuxexuitɨ memɨtehayewakɨ ke'axaxemɨte'u'uwakɨ, kaniyuritɨni waɨkawa kanimariweni haxɨa Yawé muwarutaxatɨa yamɨtiyurienikɨ 'ikɨ teɨteri wahepaɨtsita».

'Etsekieri 6:12

Kemɨ'ane 'ateewa paitɨ muyeikani kwiniyakɨ kanimɨmɨkɨ, kemɨ'aneta hurawa muyeikani 'ixiparakɨ kanimieriemɨkɨ, meta kemɨ'ane mɨkamierieni haakakɨ kanimɨmɨkɨ. Mɨpaɨ nehaxɨa wahetsie nekatinikawiwimɨkɨ,

'Etsekieri 36:18

'Ayumieme, kwiepa waɨkawa xuriya mutayeurikɨ, yukakaɨyarixi wahekɨ ka'itiyakame mekanayeitɨani, ne nekaniuyeha'ani wahetsiemieme.

Tsupuniyaxi 2:2

yaxeketenekakɨni mexi kahaye'awe kenemutayɨ, mexi tukari xemɨkwewiyatsie xemɨtehayewakɨ xatsi yapauka kemɨre'enitsitɨariwa hepaɨ kayɨwe, mexi xehetsie kakawewe Yawé haxɨaya mɨta'a, mexi xehetsie ka'aye'awe Yawé haxɨaya tukariyari.

Mawari 26:28

kamɨtsɨ neta nepɨxe'aye'unieka. 'Atahutamexɨa nepɨxe'uximatɨani 'axaxemɨte'uyurikɨ,

Kitsariyaxi 51:20

'Aniwema mekaniukwinitɨma, tsipuri yeutari wahepaɨ winiyaritsie, kaye'utɨma 'itsikina mekaniukaxɨrieni. Yawé haxɨaya wahetsie katininakeni, meta Kakaɨyari kemɨtiwaraye'uxiwe'erie.

Hiwerika 2:1

Xɨa'ui, Tsiyuni niweya witsimɨti'ɨimarikai Yawé 'akɨyɨwime kanayeitɨani yuhaxɨa kwauniyarikɨ. Muyuawitsie paitɨ kwiepa kamenakahɨani, haweri pe'anekame kamenayeitɨani kepemɨtimariwekai 'Ixaheri. Kepauka mɨmetsi'uka'unaxɨ ha'atɨ katinatɨmaiya kemɨti'aitakai 'ena kwiepa.

Hiwerika 2:3

Yemekɨ Kakaɨyari waɨkawa kaniuyeha'ani, naime 'Ixaheri tɨrɨkariyaya kanakuyeitɨani. Mɨtatsi'aye'unie kaninuani tahetsɨa, hikɨ 'ana Yawé pɨkatatsi'uparewi. Kakuwu hetsie tai manutatani hepaɨ 'anetɨ, watixɨtsitɨaximetɨ yunaime 'auriena mematetɨka.

Hiwerika 2:4

Mɨtatsi'aye'unie hepaɨ, yutupi kaniukuha'aritɨani, yutseriekɨ pekwekai. Mɨtatsi'aye'unie hepaɨ, kaniwarukwini nehetsɨa miemete temuwanaki'erie. Yuhaxɨa tai hepaɨ 'aneme kaniukawiwieni Tsiyuni witsimɨti'ɨimari 'ixuriki kiiya hetsie.