Hiwerika 3:48 - Kakaɨyari Niukieya

⁴⁸ Haa muhane hepaɨ pɨyɨne ne'ukai ne'auritsie, neteɨterima wakiekari mɨmariwe muka'unariekɨ.

Hiwerika 3:48 ပူးပေါင်းရင်းမြစ်များ

Hiwerika 2:11

Tsuarikɨ nehɨxite pɨtixɨxime, 'ariri kakwaniwemekɨ nepeɨmɨmɨkɨ. Yemekɨ ne'iyarikɨ nepɨkaheuwaɨre nekiekari muka'unariekɨ. Tɨɨritɨtɨ yakɨ memɨyumate mekanitiweranareni, 'ikɨ kiekari kayeyarite 'utɨma.

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.

Hiwerika 2:18

Teɨteri wa'iyari Yawé mekanihiwieka mete'uka'eniwatɨ. Tsiyuni witsipemɨ'ane 'akuraru 'amatitɨtɨ, tukarikɨ tɨkarikɨ keneuhayewa tsepa 'a'ukai muhanenikɨ haa hepaɨ. Hawaikɨ 'etsiwa pepɨka'uxipieka. 'A'ukai pepɨkaheununuitɨwani.

Hiwerika 1:16

»'Ikɨ naitɨ pɨnetsitsuaritɨa, hiwerikakɨ nepɨkaheuniereri. Xewitɨ 'ahurawa pɨka'uyeika mɨnetsinɨtɨanikɨ, meta mɨnetsituikakɨ. Neniwema mekaneutaxɨriexɨani mɨtatsi'aye'unie mɨtatsi'a'iwaxɨkɨ».

Keremiyaxi 13:17

Peru xɨka xeme xekahanu'enanani, 'awie nekanitatsuamɨkɨ xeme xemuyuti'ɨrekɨ, nehɨxita 'ukai panexɨani hatsiwimekɨ, Yawé muxatsimama 'ateewa memanuhapanienikɨ kayukwieyaritsie.

Keremiyaxi 9:18

Xeiya meke'u'axɨani, tahetsiemieme meke'utitsuanani. Tahɨxita 'ukai kanitihɨnimɨkɨ, meta ta'ukai kananakaxɨrimɨkɨ,

Keremiyaxi 4:19

Waɨkawa nepɨnehiwerie, nepɨtiuka'eniwa. Kukuiniya pɨnetsi'uta'ɨimura. Ne 'iyari puwatayuane. Xɨa'ui ne'iyari. Kayuwatɨ nemɨtiuyerɨni nepɨkayɨwe. Nepi'enie 'awa metahɨtsieriwa meta hiwari mɨrayukwine mieme.

Nɨawari 119:136

Haa hepaɨ ne'ukai pɨtiuhapane, 'a'aitsika mɨka'aye'atɨariwakɨ.

Nɨawari 137:1

Wawiruniya hatetsitayaritsie tepetiyaxikekai, 'ana Kerutsareme teha'eriwatɨ tepetitsuanakai.

Keremiyaxi 14:17

»'Ekɨ mɨpaɨ pekatiniwaretahɨawimɨkɨ: »“Ne 'ukai ke'uhapaneni tukarikɨ meta tɨkarikɨ, nekatihayewatɨ, neteɨterima waniwe 'uka 'ɨimari pɨtiuka'eniwa waɨkawa, tɨrɨkaɨyemekɨ kaniuweiyani.