Hiwerika 3:39 - Kakaɨyari Niukieya

³⁹ ¿Titayari 'ayeyuritɨ 'axaraineni kemɨ'ane 'axatiuyurieyu mɨtiukwinitɨarienitsie?

Hiwerika 3:39 ပူးပေါင်းရင်းမြစ်များ

Mikeyaxi 7:9

Yawé hepaɨtsita 'axanekatiniuyurieni, 'ayumieme nepinewieni haxɨaya kepaukake 'aixɨa mɨtiyurieni kenemɨtiuyurikɨ meta kemɨtiheitserie nehetsiemieme. Hikɨ 'ana hekɨaripa pɨnetsi'atɨani meta neyutemawietɨ nepayani wikweitsitɨarikayakɨ.

Temaiwawemete 19:3

Tewi mɨka'uka'iyarikɨ 'ayumieme yuhuye peuyehɨpa, meta Yawé hetsiemieme puyeha'awe.

Keremiyaxi 30:15

¿Ketitayari pera'aiwa 'akukuiniyakɨ, panatsi 'akukuiniya yu'uayemarinɨa? Ke'axapemɨtiuyuri pɨtimɨire meta waɨkawamekɨ 'axapemɨtiuyurikɨ, 'ayumieme mɨyanekametinipitɨaka.

Hiwerika 3:22

Yawé naki'eriyaya mɨmariwe hatsuaku pɨkakumawere, meta kemɨtiyukanenimaya hatsuaku pɨkaxɨni.

Kitsariyaxi 51:20

'Aniwema mekaniukwinitɨma, tsipuri yeutari wahepaɨ winiyaritsie, kaye'utɨma 'itsikina mekaniukaxɨrieni. Yawé haxɨaya wahetsie katininakeni, meta Kakaɨyari kemɨtiwaraye'uxiwe'erie.

Kuwi 11:6

mɨmatsitahekɨatɨanikɨ tewi kemɨkatimaiwe, mɨkɨ matsi hɨrixɨa 'ayemɨiremekɨ katinimaika. Hikɨ 'ana yapepɨretimanikeyu waɨkawa 'axapetiuyuriekutɨtɨ Kakaɨyari 'etsiwa xeikɨa mɨmatikwinitɨa.

'Etsitɨraxi 9:13

»Ketemɨte'anuyekɨ 'axatemɨte'uyurikɨ 'axatemɨte'u'iyarikɨ, mɨpaɨ tepɨtehetima 'ekɨ, takakaɨyari, 'akuxi 'uximatɨarika pepɨkatatsiyetuiriewe yemekɨ mɨtahetsiemieme, matsi pɨta yateyupaɨmetɨ temɨyuhayewakɨ pekataniupitɨani.

2 Te'aitamete 6:32

Mexi 'Eritseu yukiita hayekatei 'ixaheritsixi wa'ukiyarima wahamatɨa, ti'aitame tewi xeime kanenɨ'ani meimienikɨ. Mexi kanuawekai, 'Eritseu 'ukirawetsixi mɨpaɨ katiniwarutahɨawe: —Hikɨ xekaninenierikuni tiyumiekame xeime kemɨtiutanɨ'a nemu'u manutiwitenikɨ, kepauka mɨkɨ nɨ'ariekame munuani, kitenie 'itupariyari 'aixɨa xeketeneunama para mɨkawatahakenikɨ. 'Ari tekani'enieka ti'aitame yuariyaya 'ukanamieni tiyumiekame 'utɨma.

2 Te'aitamete 3:13

Peru 'Eritseu 'Ixaheritsie ti'aitame mɨpaɨ katiniutahɨawe: —¿Ne tixaɨtɨ nepɨkarayexeiya 'ahepaɨtsita? Kenemie keniwareta'iwawiya 'apaapa meta 'amaama wakakaɨyarixi waniukamete. Mɨpaɨ katinita'eiya 'Ixaheri kwieyaritsie ti'aitame: —Hawaikɨ, Yawé pɨtatsi'ukwamanaxɨ, kataniukuxeɨrieni teyuhaikame para mɨtatsiyetuanikɨ muhawitsixi wahetsɨa.

'Inɨatsie 17:12

Hikɨ 'ixaheritsixi Muitsexi mɨpaɨ mekateniutahɨawe: «Tame tekanitatɨmaiyariekuni, yemekɨ tekaneuyewekuni. Tekanikwikuni.

'Inɨatsie 11:11

Muitsexi Yawé kaniutahɨawe nenewierikɨ: —Xɨka ne neti'a'uximayatsiriwametɨni, ¿titayari peneti'uximatɨa? ¿titayari pekanetiparewie, teɨteri yunaitɨ nehetsie memɨte'uhɨpanikɨ penetihɨritɨa?

Mawari 26:43

Mɨkɨ kwie meku'eirieyu, kaniyutemawiekamɨkɨ xawati tukari maye'axenitsie mexixi mana katikuteitɨni. Matsi ke'axamemɨte'uyurikɨ yamekateneyutimaikuni, ne'aitsika memɨka'utanaki'erikɨ meta ne'inɨari niukiyari memuti'uxiwe'erikɨ.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

Matsiɨkɨtɨ kemɨratɨa 16:9

Yunaitɨ teɨteri mekaniti'iwarikirekaitɨni, peru mɨyatɨtɨ mepɨkate'uhayewaxɨ, Kakaɨyari hepaɨtsita 'aixɨa memaitɨkaniyari, heitserie mexeiyakaikɨ mɨpaɨ mɨtiwakwinitɨanikɨ, kemɨtitewa hepaɨtsitana 'axameputiyua.

'Inɨatsie 16:41

'Uxa'ariekata, yunaitɨ 'ixaheritsixi Muitsexi meta 'Aruni mekaniwarutiniukimatɨkɨne mɨpaɨ me'utiyuatɨ: —Xeme Yawé teɨterimama xekaniwarukwini.

Nɨawari 107:17

Mepɨte'ukwinitɨarie memɨka'anu'enanakɨ, mepu'uximatɨarie 'axamemɨte'uyurikɨ.

2 Te'aitamete 6:33

'Eritseu 'akuxi tikuxatakaku kaninuani nɨ'ariekame mɨpaɨ kaniutayɨni: —'Ikɨ 'uximatɨarika Yawé hetsɨa kanimiemetɨni. 'Ari tatsitawikweitsitɨanike tawari nepɨka'erie.

Kuwi 15:13

¿Ketitayari Kakaɨyari hɨxie xeikɨa petiha'a meta 'aneni pepɨkapirenutɨa pepitatua xeikɨa?

Keremiyaxi 10:19

Xɨa'ui ne, nepeutimurariexɨa. Kenemɨtiukwinitɨarie pɨkayu'uayemarinɨa. Peru pɨnekwiniya peuyewetse neminewieka.