Hiwerika 3:32 - Kakaɨyari Niukieya

³² Waɨkawa temɨte'uka'eniwanikɨ pɨtatsipitɨa, peru pɨtatsitinenimayata, naki'eriyaya mɨmariwekɨ.

Hiwerika 3:32 ပူးပေါင်းရင်းမြစ်များ

Nɨawari 78:38

Hikɨ mɨkɨ puwarutinenimayataxɨ, wakwewietɨ, pɨtiwareuyehɨwiri 'axakememɨte'uyuri, pɨkawaruka'unaxɨ. Mɨixa pɨka'uyeha'a pɨyunɨtɨakai, pɨtinewakai kemɨtiyɨanekai pɨkaha'akai.

Nɨawari 103:11

Kanimariweni naki'eriyaya kemɨ'ane memeyemakaxe wahetsiemieme, taheima kemeutitewa hepaɨ.

Nɨawari 30:5

Haxɨaya 'etsiwa xeikɨa katineutetereni, peru yuhemekɨ pɨtiuyukanaki'erie. Xɨka tɨkarikɨ tsuari xuaweni, ximerita temawierika puxuaweni.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

'Itsɨkate 10:16

Hikɨ kakaɨyarixi mekaniwaruku'eirieni memɨwarayexeiyakai, Yawé me'ayexeiyatɨ pɨta mekanakɨne, meta Yawé pɨkayɨwekairi mɨtinewieka, 'ixaheritsixi kememɨte'uka'eniwakai.

Memeyekɨ 3:7

Peru Yawé katinikuxatakaitɨni: —Yurikɨ nepɨniere kememɨte'uka'eniwa neteɨterima 'Ekipitu kwieyaritsie. Nepɨwa'enie kememɨte'uximatɨarie memɨtewa'aitɨa wahetsiemieme, nepɨtimate kememɨte'uka'eniwa.

Rukaxi 15:20

Hikɨ yukuha'aritɨaka yupaapa hetsɨa kaneyani. »'Ateewa 'akuxi 'amiekaku paapaya kanixeiya, kanitinenimayata, 'utanautsaka 'enukunakeka 'enakawiyatɨkaitɨ kani'itseni.

Keremiyaxi 31:20

»'Epɨrahini tewiyari neniwe 'uki neminaki'erie pɨhɨkɨ. 'Ikɨ neniwe 'uki kanihɨkɨtɨni waɨkawa neminaki'erie. Kepauka nemɨtikwinitɨa, nepeye'eriwa ne'inaki'erietɨ. Mɨkɨ hetsiemieme waɨkawa nepɨne'iyaritɨa, mɨkɨ waɨkawamekɨ nepeunenimaya —Yawé mɨpaɨ kanaineni—.

2 Te'aitamete 13:23

Peru matsi Yawé kaniwarutinenimayata. Meripaitɨ tɨratu muwewiekaikɨ 'Apɨrahami, 'Itsahaki meta Kakuwu wahamatɨa, 'ayumieme 'ixaheritsixi kaniwarutinenimayata wahetsie putanua, hikɨ 'akuxi yaxeikɨa pɨkawataunie memɨkaka'unarɨwanikɨ meta memɨka'ayeweiyarienikɨ hɨxiena.

Hiwerika 3:22

Yawé naki'eriyaya mɨmariwe hatsuaku pɨkakumawere, meta kemɨtiyukanenimaya hatsuaku pɨkaxɨni.

Memeyekɨ 2:23

Mɨixa wiyari 'anuyeyaku, ti'aitame 'Ekipitu kiekame kaniumɨni. 'Ixaheritsixi yaxeikɨa mekateniuka'eniwakaitɨni, waɨriyarika te'uximayatamete mehɨkɨtɨtɨ, mekaniutihiwakaitɨni parewiya meheuyehɨatɨ. Wahiwari Kakaɨyari kaniu'enieni mewaɨripiekaku.

Nahumi 1:12

Yawé mɨpaɨ kanaineni: «Tsepanetɨ 'atsiriyutsixi memɨmɨire metɨrɨkawitɨ, mekanikwi'iwakuni meta mekanikumaweriyariekuni. 'Ekɨta, Kura tsepa nemɨmatsi'uhiweritɨa, tawariri nepɨkamatsihiweritɨani.

Kitsariyaxi 27:8

Kaniyuritɨni hetsiena kuyaxa kaniutixuawitɨani, kaneyeweiya yu'iiyakɨ 'eka 'iiyayari tau manatineika miemekɨ.

Kitsariyaxi 54:7

Nepɨmatsi'uku'eiri yatewimekɨ xeikɨa, peru waɨkawamekɨ nematsinenimayatɨ tawarita 'ahetsɨa nepunuani.