Hiwerika 3:29 - Kakaɨyari Niukieya

²⁹ Tumuanaripa yɨhɨxima keheuhakeni. Heiwatɨ 'akuxi 'uparewiyani.

Hiwerika 3:29 ပူးပေါင်းရင်းမြစ်များ

Kuwi 40:4

«Yanemɨmatita'eiyakɨ nepɨkayɨwe, tixaɨtɨ nepɨkatihɨkɨ, Nemamakɨ netenie nepuwiere.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Rukaxi 18:13

Hikɨ tiwawame yatewa 'uwetɨ pɨkayuwaɨriyakai tsikere yuheima meutinierekɨ, matsi yutawitsie yukuhutsunatɨ hiwerikakɨ mɨpaɨ kaniutainekaitɨni: “Kakaɨyari 'aku, kene'awaɨriya 'aixɨa pemɨnetixeiyakɨ, 'axanetiyuruwametɨme”.

Tsupuniyaxi 2:3

Yawé xekeneutiwawa, yunaitɨ xeme tixaɨtɨ xemɨkatehayuyeitɨa 'ena kwiepa, yaxemɨteyurie 'aitsikateya kemaine. Xekeneutiwawa tita mɨtiheitserie meta 'axekeneu'uwani tixaɨtɨ xekatehayuyeitɨatɨ, heiwatɨ 'ana xe'uti'awieta, kepauka Yawé haxɨaya tukarieya maye'anitsie.

Kunatsi 3:9

'Atsitepɨkatemate. Heiwatɨ Kakaɨyari tareuyehɨwirieni, heiwatɨ 'uhaxɨapieni, mɨpaɨ 'ana temɨkakwinikɨ».

Kuheri 2:14

Heiwatɨ Kakaɨyari 'aixɨa mɨtinixe'uxei kemɨtiku'eriwakai mɨnipataxɨ, 'aixɨa mɨti'ane mɨtatiniuhayewi. 'Imikieri hatsite mɨkɨ meta kaxie winuyari mɨtiyeuriwa Yawé xekakaɨyari hetsɨa katinimiemetɨni.

'Etsekieri 16:63

Kepauka ne nemareuyehɨwirieni, naime ke'axapemɨtiuyurikɨ, 'ekɨ pepaye'erieni ke'axapemɨtiuyuri peru pepɨ'atitewiya, 'aixɨa pepuyuyurieni tawarita 'axapepɨkatayɨni. Yawé naimekɨmɨyɨwe mɨpaɨ kanaineni”».

Keremiyaxi 31:17

Tita pemɨtitakwewie pepɨkahetɨtɨmaiyani: 'aniwema 'ukitsi yukiekaritsie mekani'axɨakuni —Yawé mɨpaɨ kanaineni—.

2 Kemɨtiuyɨ 33:12

Hikɨ mɨya tiuka'eniwatɨ, Yawé kaniutahɨawe, yu'ukiyarima wakakaɨyari, tixaɨtɨ karayuyeitɨatɨ yemekɨ kaniyuyetuani naimekɨ.

Kuwi 16:15

»Newaiyari heiwerika kamixayari pɨhɨkɨ, Nekana tumuanaripa peuyune.