Hiwerika 3:25 - Kakaɨyari Niukieya

²⁵ Yawé 'aixɨa katiniuka'iyarini kemɨ'ane yuri memɨte'erie hetsiena wahetsie, meta kemɨ'ane memikuwautɨwe wahetsiemieme.

Hiwerika 3:25 ပူးပေါင်းရင်းမြစ်များ

Kitsariyaxi 40:31

peru Yawé hetsie kemɨ'ane memɨtewiya tɨrɨkariya hekwamekɨ mepukaxexeiya, kwixɨri wahepaɨ mepɨtiwɨxɨani: mepɨtinautsa mepɨkatiwaɨripieni, mepuhuni mepɨkati'uxe.

Nɨawari 37:34

Peru 'ekɨ, Yawé hetsie timieme ketinetakwewieka, meta yaketineuyeikani kemɨtinake, mɨkɨ kamenetemawieritɨamɨkɨ kwie pemɨyetuiriyarienikɨ. Kepauka 'axateyuruwamete memɨka'unarieni, 'ekɨ pekaniwaxeiyamɨkɨ.

Kitsariyaxi 25:9

'Iya tukaritsie mɨpaɨ pɨtitaniukieni: «Huu, 'ikɨ pɨtakakaɨyari, hetsiena yuri tepɨte'erieka, mɨkɨ pɨtatsi'utawikweitsitɨa. 'Ikɨ pɨhɨkɨ Yawé, hetsiena yuri temɨte'erie, tepɨtatemamawieka tepuyutemamawieka wikweitsitɨarikayatsie».

Hiwerika 3:26

'Aixɨa kani'aneni kayuwatɨ 'umatɨ mitakwewieka, Yawé mayenenikɨ tatsitawikweitsitɨanike.

Nɨawari 27:14

Yawé kenetakwewieka, kene'awaɨriyani, tɨrɨkariya kenexeiyani, Yawé kenetakwewieka.

Nɨawari 37:7

Kayuwatɨ pekaniukixietɨ keneuyeikani Yawé hɨxie, petiuka'eniwatɨ hetsienamieme ketinetakwewieka, Pepɨka'ahɨaweni hipatɨ kememɨte'ukaxexeiya wahetsiemieme, kememɨteku'eriwa 'axamemɨteyurie wahepaɨ.

Kitsariyaxi 30:18

'Ayumieme Yawé kanixekwewieka, mɨxeparewienikɨ, 'ayumieme kanixehahɨaweni kemɨtixenenimaya xemeitimanikɨ. Yawé Kakaɨyari heitserie mɨtiyurienekɨ. 'Aixɨa meke'itɨarieka kemɨ'ane hetsiena timieme memɨtetakwewie.

2 Kemɨtiuyɨ 31:21

Tinaime tita mɨtiuta'aitaxɨ Kakaɨyari tukieya hetsie timieme, yu'iyarikɨ yuwaɨriyatɨ katiniuyurieni, kemaine 'aitsika meta 'inɨari niukiyari, Kakaɨyari kaniutiwauni, hikɨ hepaɨtsitana yakatiniuyɨni.

Tsatiyaku 5:7

'Ayumieme ne'iwama, xete'uka'eniwatɨ xepɨkawaɨripietɨkani, mexi Ti'aitame xetakwewieka. Kamɨ kwiepa muka'etsa xekeneuxeiya, mɨkɨ 'ikwaxi takwewietɨ pɨkawaɨripie kepaukake mɨtikaxuawere, kawaɨripietɨ pɨta'ikwewa kepauka mukawiwiyetsie.

'Utseyaxi 10:12

Xekeneuka'etsa yuhetsiemieme kemɨtiheitserie, Naki'eriya takariyari xekeneuka'itsana, kwietsanaripa xeketene'uximayaka. 'Ari tukari paye'ari Yawé xema'eriwanikɨ, kepaukake munuani penɨ'ani heitserie mɨtiyupitɨwa wiyeriyari.

Kitsariyaxi 64:4

Xewitɨ tawarita, meripaitɨtɨ mɨpaɨ pɨkati'enawe, meta xewitɨ mɨpaɨ pɨkatinieriwe, xeime Kakaɨyari 'ahepaɨ tiyurieneme pɨkaxeiyawe kemɨ'ane hetsiena memɨtewiya wahetsiemieme 'aixɨa tiyurieneme.

2 Kemɨtiuyɨ 15:2

hikɨ mɨkɨ kaneyani 'Atsá manukunakekɨ, 'itaxeiyaka mɨpaɨ katinitahɨawe: «'Atsá, meta Kuratsie kiekatari meta Wenikamini nuiwarimama, xekeneneu'eni. Xehamatɨa Yawé kaniuyeikamɨkɨ, peru xɨka xeme hamatɨana xe'u'uwani. Xɨka xeme xe'enukuwauni, mɨkɨ xemitaxeiyakɨ kanixepitɨamɨkɨ, peru xɨka xe'iku'eirieni, mɨkɨta kanixeku'eirimɨkɨ.

Kitsariyaxi 55:6

Yawé xekeneutiwawa mexi yuwaɨriya xemikaxeiyakɨ, xekeneutahɨawi mexi 'ahurawa 'uyeika.

Nɨawari 61:5

'Ekɨ, Kakaɨyari, kenemɨtinehɨritɨa pepu'eni kemɨ'ane memɨmetsi'ayexeiya kepemɨtiwamikwa neta pepɨnetiyetuiri.

Nɨawari 39:7

»Hikɨta, Ti'aitame, ¿titari netitakwewieka? 'Ahetsietimieme xeikɨa nepɨtitakwewie.

Nɨawari 27:8

Ne'iyari mɨpaɨ kanetinahɨaweni: «Nierikaya keneutiwawa». Neta, Yawé, 'anierika nekaniwauneni.

Nɨawari 25:8

Yawé 'aixɨa pɨtiuka'iyari meta kemɨtiheitseriekɨ pɨtiyuriene, 'Ayumieme 'axateyuruwamete huye pɨwaxeitsitɨa.

1 Kemɨtiuyɨ 28:9

»'Ekɨ Tsarumuni neniwe kena'eriwani 'a'ukiyari Kakaɨyarieya. Meta kenayexeiyani naime 'a'iyarikɨ meta 'aixɨa 'anemekɨ 'a'eriwamekɨ. Karikɨ Yawé 'iyari kanixeiyani meta naime 'iyaritɨarika kanimaika. Xɨka pe'itiwauni, pɨmatsipitɨani pemitaxeiyakɨ, mexɨka pe'iku'eirieni yuheyemekɨ kamaniku'eirimɨkɨ.

Nɨawari 119:2

'Aixɨa mekani'itɨarieka kemɨ'ane 'a'inɨari niukiyari memu'uta meta yu'iyarikɨ memikuwautɨwe.

Tsutɨarika 49:18

»Yawé 'aku 'awikweitsitɨarika nepɨtakwewie.

1 Tetsarunikatari 1:10

xemikwewiekakɨ Nu'aya taheima makaneni, Kakaɨyari yuniwe manukuketɨa mɨkite watsata, Ketsutsi kanihɨkɨtɨni kemɨ'ane mɨtatsi'utawikweitsitɨa haxɨa maye'axime mɨkatatsi'axekɨ.

Nɨawari 22:26

Tixaɨtɨ memɨkateheuxeiya mepɨtekwani, mɨkɨ mepɨtihuxani, Yawé mepɨtanɨawa kemɨ'ane memikuwautɨwe, wa'iyari ke'ayeyurini yuheyemekɨ.

Tsupuniyaxi 3:8

'Ayumieme xekenenetakwewieka, yapauka nepɨrayu'iwa —Yawé mɨpaɨ kanaineni—, 'ari nuiwarite neniwakuxeɨrimɨkɨ, meta te'aitamete nemɨtiwakwinitɨanikɨ nehaxɨakɨ, meta naimekɨ kenemɨreuha'a. Ne'ɨtetsarika taiyariyarikɨ, naitɨ kwie kanakuxɨtsitɨariemɨkɨ.

Kitsariyaxi 26:9

Tɨkarikɨ naime ne'iyarikɨ nepɨmatsi heuyehɨwa, ximeri ne'iyari pɨmatsi'utiwawa. Kepauka 'aixɨa pemɨtiyuriene kwiepa, kwiepa memɨtama mepɨtehetimamateke tita mɨtiheitserie.

Nɨawari 105:3

Yemekɨ xekeneuyuti'ɨreni patsiekamekɨ kemɨtitewakɨ hetsiemieme, Yawé memɨkuwautɨwe wa'iyari keyutemamawieka.

Nɨawari 61:1

Kakaɨyari, nehiwari keneu'eni nenenewieri kene'enieka.

Nɨawari 69:32

Tixaɨtɨ memɨkatehexeiya mɨkɨ metexeiyame mepuyutemamawieka, xeme xekeneyuwaɨriyani, Kakaɨyari xemukuwautɨwe.

2 Kemɨtiuyɨ 30:19

kemɨ'ane memɨyuwaɨri yu'iyarikɨ Yawé 'ahetsie memɨtewiyanikɨ, wa'ukiyarima wakakaɨyari, tsepa mɨkayu'iti 'a'aitsika kemaine 'itiya hepaɨtsita mɨtikuxata».

2 Kemɨtiuyɨ 19:3

Peru heiwa 'aixɨa pepɨtiuyurita, 'ekɨtsɨ pekaniwarukumaweriya 'ikɨ kwieyaritsie 'uka kakaɨyariyari 'Atserá 'ɨkiyarite, meta pe'inaki'erietɨ naimekɨ 'a'iyarikɨ Kakaɨyari pekanikuwauni».

'Etsitɨraxi 8:22

Yemekɨ, nepenetitewiyaxɨ ti'aitame hetsɨa xeikuyaxiyari kawayatsixi wahetsie me'utekame newaretawaunike memɨtatsi'aye'unie wahepaɨtsita memɨtatsihe'ɨwiyanikɨ, ti'aitame yatemɨtehahɨawekaikɨri kename Kakaɨyari wa'ɨwiya kemɨ'ane hetsiena yuri memɨte'erie, peru meta kename kemɨ'ane Kakaɨyari memuku'e'eiriwa ha'atɨ 'uximatɨarika wakupitɨwa.

Nɨawari 71:14

Netsietɨ nemenitakwewieka, matsi waɨkawa nemeninɨawani waɨkawa nekaniyutemawieka.