Hiwerika 3:22 - Kakaɨyari Niukieya

²² Yawé naki'eriyaya mɨmariwe hatsuaku pɨkakumawere, meta kemɨtiyukanenimaya hatsuaku pɨkaxɨni.

Hiwerika 3:22 ပူးပေါင်းရင်းမြစ်များ

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Rukaxi 1:50

Kaniwanenimayaka yunaitɨ memeyemakaxe, meta waniwema kaniwanenimayaka.

Nehemiyaxi 9:31

Peru 'ekɨ, waɨkawa pemɨtiuyukanenimayakɨ pepɨkawarukwi meta pepɨkawaruku'eiri, Kakaɨyari 'aixɨa pemɨtiuka'iyari meta pemɨti'akanenimaya.

Marakiyaxi 3:6

»Ne Yawé, nepɨkanepata. 'Ayumieme xeme Kakuwu nuiwarimama, xepɨkaheuyehɨiyawawe.

Nɨawari 78:38

Hikɨ mɨkɨ puwarutinenimayataxɨ, wakwewietɨ, pɨtiwareuyehɨwiri 'axakememɨte'uyuri, pɨkawaruka'unaxɨ. Mɨixa pɨka'uyeha'a pɨyunɨtɨakai, pɨtinewakai kemɨtiyɨanekai pɨkaha'akai.

Nɨawari 106:45

yutɨratu paye'eri wahamatɨa miwewi, naki'eriyaya mɨmariwekɨ kaniwarutinenimayata.

Nɨawari 77:8

¿Kamɨtsɨ naitɨ tiuyɨ naki'eriyaya mɨkaxɨwekai, meta naimekɨ kemɨtarahɨawekai yuheyemekɨ?

Nɨawari 103:10

Ke'axatemɨte'uyuri mɨpaɨ yeme pɨkatatsiyuriene meta mɨpaɨ pɨkatarakapitɨwa ke'axatemɨte'uyuri.

Keremiyaxi 3:12

Kenemie tayeta 'ikɨ niuki kenetaxata: »“Kenenua, 'Ixaheri pemɨnetsi'uku'eiri. Neha'atɨ nepɨkamatsixeiya —Yawé mɨpaɨ kanaineni—. Haxɨari 'ahetsiemieme nepɨka'utani yuheyemekɨ, ne nemɨtiyukanenimayakɨ —Yawé mɨpaɨ kanaineni—.

Keremiyaxi 30:11

Karikɨ ne 'ahamatɨa nekaniuyeikani nemetsitawikweitsitɨanikɨ —Yawé mɨpaɨ kanaineni—. Yunaime nuiwarite nekaniwaka'unamɨkɨ yuheyemekɨ kemɨ'ane wahetsɨa nemetsiheutanɨ'akai. Peru 'ekɨ naime nepɨkametsika'una, matsi nepumatikwinitɨani kemɨtiheitseriekɨ xeikɨa, peuyewetsetsiere nemumatikwinitɨakakɨ”.

2 Tsamuheri 24:14

Rawiri Kahari mɨpaɨ katiniuta'eiya: —Yemekɨ nepɨtsaipɨne yanemutayɨni nepɨkayɨwe. Matsi 'aixɨa pɨ'ane Yawé mɨtatsi'uximatɨani, matsi naki'eriyaya mɨmariwekɨ, 'aixɨa pɨka'ane teɨteri xɨka menetsi'u'uximatɨani.

Nɨawari 69:17

'Ikɨ meti'uximayatsiriwame pexeiyatɨ pepɨkatikuhayeikawani, yapauka keneneta'eiya, nepɨtiuka'eniwa.

Keremiyaxi 31:20

»'Epɨrahini tewiyari neniwe 'uki neminaki'erie pɨhɨkɨ. 'Ikɨ neniwe 'uki kanihɨkɨtɨni waɨkawa neminaki'erie. Kepauka nemɨtikwinitɨa, nepeye'eriwa ne'inaki'erietɨ. Mɨkɨ hetsiemieme waɨkawa nepɨne'iyaritɨa, mɨkɨ waɨkawamekɨ nepeunenimaya —Yawé mɨpaɨ kanaineni—.

Tanieri 9:9

Peru mɨyatɨtɨ tsepa temɨmatsi'uku'eiriekai tematsi'aye'unietɨ temakɨ, 'ekɨ, Tati'aitɨwame, Kakaɨyari pemɨti'akanenimaya meta pemɨtareuyehɨwirieni pekanihɨkɨtɨni.