Hiwerika 2:9 - Kakaɨyari Niukieya

⁹ 'Ituparite kaneuxɨriexɨani kwiepa kaniyuhayewa, kaneimuraxɨani 'ituparite warita mauku'uwe. Ti'aitame meta 'iparewiwamete mekane'uwani hipame nuiwarite watsata, 'inɨari niukiyari pɨkakuxaxatsiwari meta Kakaɨyari niukametemama mepɨka'u'uwari, Yawé pɨkatiwaxeitsitɨari.

Hiwerika 2:9 ပူးပေါင်းရင်းမြစ်များ

'Etsekieri 7:26

Kwitɨwa yu'utɨma heu'utɨ kani'axɨakuni kwiniya, meta niuki 'axamanuyɨtɨka mukuxata. Kakaɨyari niukameya 'atsipɨkatiniereniri, mawari wewiwame pɨkati'ɨkitaniri, meta 'ukirawetsixi mepɨka'uye'ɨxatsini.

'Utseyaxi 3:4

Yurikɨ mɨpaɨ mepɨyɨni 'ixaheritsixi mɨixa wiyari mepu'uwani tiyu'aitɨwame mekahexeiyatɨ, meta mekate'umawarɨmetɨ mawari matitaiyarɨwatsie, meta mekaheixeiyatɨ mawari wewiwame kamixaya meta memɨkayuri kakaɨyarixi.

Nehemiyaxi 1:3

Mɨkɨ mɨpaɨ mekaneteniuta'eiya: «Huriyutsixi Wawiruniya memɨkaheyehapanie waɨkawamekɨ mepɨteheka'eniwa meta mepeyutetewiya. Kerutsareme kuraruyari 'akuxi pe'uni naitɨ, 'itupariyarite kanetaiyarietɨkani».

2 Kemɨtiuyɨ 15:3

Mɨixa wiyari panuyetɨa 'ixaheritsixi yuri Kakaɨyari mekahayexeiyatɨ meta xewitɨ pɨkatiwakuxaxatɨwakai, mawari wewiwamete mɨtiwata'ɨkitɨani pumawekai yaxeikɨata nixeime 'inɨari niukiyari mepɨka'aye'atɨakai.

Keremiyaxi 51:30

Mekateniuhayewa kuyaxi Wawiruniya kiekatari meyukwitɨwetɨ, mekaniuyuti'awieta kiekari yukuraru 'amatitetewa mexeiyatɨkata. Mekatɨrɨkawitɨ mepakɨ, 'ukarawetsixi wahepaɨ metemamatɨ mekanakɨne. Wakii kaniutitaiyarieni wakiita mɨreunatɨkatei katineumurariexɨani.

Nɨawari 74:9

Tepɨka'ixeiyari tapatera 'ateewa 'uyewiekame, Kakaɨyari niukameyari pumawe, 'etsiwa tɨma tepɨkatemate kemɨreutere mɨpaɨ tiyɨanetɨ.

Hutarieka 'inɨari 28:36

»Yawé yapɨtiyurieni 'ekɨ meta kemɨ'ane mati'aitɨwame mɨhɨkɨtɨnikɨ pemenukake, mɨkɨ xeyunaitɨ xeime kwieyaritsie xepanuhapanieni 'ekɨ meta 'atutsima memɨkawaretima wahetsɨa. Mana xepɨwarayexeiyani kakaɨyarixi, kɨyexikɨ meta tetexikɨ memɨwewiyatɨka.

'Etsekieri 17:20

Newiniyari hɨxiena nepuwɨtɨani, mana kaniwierimɨkɨ. Wawiruniya nekanenuhanimɨkɨ, mana kanitaxanetsiemɨkɨ yamɨkatikatɨakɨ.

'Etsekieri 12:13

Ne matsi nekaniwiniyamɨkɨ, newiniyaritsie kaniwierimɨkɨ. Mɨpaɨ nekatinenuhanimɨkɨ Wawiruniya paitɨ, karireutsixi wakwietsie, peru mana pɨkahetanierixɨani mana kanemieriemɨkɨ.

Hiwerika 4:20

Meta kaniuwiyarieni ti'aitame Yawé menayexei, mɨkɨ hetsie tetewiyatɨ temu'uwakai. Mɨkɨ pɨhɨkɨtɨkai hetsiena mieme mɨpaɨ temutiyuanekai: Mɨkɨ 'etɨriyayatɨa te'u'uwatɨ nuiwarite watsata tepu'uwani.

Hiwerika 4:15

Teɨteri mɨpaɨ mekateniwaruhiwiwani: «'Ena xepɨka'u'uwani, xemɨka'itiya. Xekeneuhuni. Xekeneuhuni. Xepɨkatatsikumaɨwani tame». Hipame nuiwarite watsata mɨpaɨ mekatenikɨhɨawarɨwani: «Ku'uwamete mekanihɨkɨtɨni, memuyu'unaxɨaxime. Mepɨkayɨwawe 'ena memu'uwani yuheyemekɨ».

Hiwerika 1:3

Tixaɨtɨ karayeitɨarieka, tepɨa kaunariyarikɨ 'uwiwitɨarieka, Kura kanehanieni 'ateewa paitɨ. Hipame nuiwarite watsata meyuhayewakɨ, hikɨ 'uxipiya pɨkahekaxeiyawe. Yunaitɨ memiweiyakai mekanenuku'axe, pɨkaheixeiyari kemɨ'ane miparewieni.

Keremiyaxi 52:14

Hikɨ kuyaxi wawiruniyutsixi naime kiekari kuraruyari meniuta'una mɨkɨ tiwa'aitɨakaku.

Keremiyaxi 39:8

Wawiruniyutsixi paratsiyu mekaniutaiya meta teɨteri wakii, Kerutsareme kuraruyari mekaniuta'una.

Keremiyaxi 39:2

Naurieka metseriyaritsie, 'atanauka tukaritsie, tamamata heimana xewi wiyaritsie Tserekiyaxi ti'aitakaku, kiekari kuraruyaritsie meneu'ine,

Keremiyaxi 14:14

Yawé mɨpaɨ kanetiniuta'eiya: «Kaniyakɨtɨni kememɨtekuxata mɨkɨ Kakaɨyari niukametemama kename nehetsiemieme meyɨa metekuxatatɨ. Ne nepɨkawarutanɨ'a, ne nepɨkatiwata'aitɨawe, meta nepɨkawatahɨawiwe. Tita memɨtexehekɨatɨa kememɨtenieritɨarie 'irɨmari kanihɨkɨtɨni, yakɨ temaiwawemete mepɨhɨkɨ, yakɨ xeikɨa yuhetsiemieme mepɨteku'eriwa.

2 Te'aitamete 25:7

Mana hɨxiena niwemama mekananutixitekiexɨani, meta mɨkɨ hɨxiteya mekaniwatitɨkixɨani, hikɨ wurunitse karenayarikɨ me'iwiwitɨaka mekaneihana Wawiruniya paitɨ.

Keremiyaxi 23:16

Yawé mɨpaɨ kanaineni Naimekɨmɨtɨrɨkaɨye: «Kakaɨyari niukametemama kememutiyuane xepɨkawa'enieka, yakɨ xemɨtetakwewiekaku mepɨtexekuxaxatɨwa, kememɨte'unenierixɨ yakɨ mepɨtekuxata mɨpaɨ xeikɨa meteku'eriwatɨ, Yawé teta kahayeneku.

'Utseyaxi 11:6

Xekiekaritetsie 'ixipara me'u'ɨtɨ mekani'axɨakuni, xekitenie mepɨteheuwitexɨani kememɨteku'eriwakai mepɨkaheye'atɨani.

'Amuxi 1:5

Ramatsiku kiekatari wa'ituparitsie meukuwe nepeumura, mayeweritsie 'Aweni mɨti'aitame nekanika'unamɨkɨ, meta Weti-'Ereni mieme 'itsɨ makwe'e. Tsiriya kiekatari waɨriyarika mepanuhapanieni 'ateewa Kixi paitɨ», Yawé mɨpaɨ kanaineni.

Hutarieka 'inɨari 28:63

Yawé ketiyutemawietɨ mɨxe'utimɨiriyaxɨ meta waɨkawa xetehexeiyakame kemɨtixe'ayeitɨa, yaxeikɨata yutemawietɨ pɨxeka'una meta pɨxeheuyehɨani. 'Anari yunanaritsie xepahunarieni mɨkɨ kwieyaritsie hakewa hikɨ yukwie xemayeitɨanitsie.

1 Tsamuheri 28:6

'Ayumieme Yawé kaniutahɨawe, peru mɨkɨ pɨka'ita'ei, niheinɨtsitana ni'inɨari mupatsie Yawé hetsiemieme meta Kakaɨyari niukametemama waniuki.

Kitsariyaxi 24:12

Kiekari naitɨ kani'u'unini, 'itupariyari 'etsiyeyeutɨ kaneutimaneni.