Hiwerika 2:4 - Kakaɨyari Niukieya

⁴ Mɨtatsi'aye'unie hepaɨ, yutupi kaniukuha'aritɨani, yutseriekɨ pekwekai. Mɨtatsi'aye'unie hepaɨ, kaniwarukwini nehetsɨa miemete temuwanaki'erie. Yuhaxɨa tai hepaɨ 'aneme kaniukawiwieni Tsiyuni witsimɨti'ɨimari 'ixuriki kiiya hetsie.

Hiwerika 2:4 ပူးပေါင်းရင်းမြစ်များ

Keremiyaxi 7:20

»'Ayumieme Yawé naimekɨmɨyɨwe mɨpaɨ kanaineni: “'Ena nehaxɨa nekananɨ'amɨkɨ: teɨteri wahetsie meta tewaxi wahetsie, kɨyexi yeuta mieme hetsie meta 'ikwaxi 'ena kwiepa mɨtixuawetsie, nehaxɨa pɨtaka pɨkayɨtɨnɨaka”.

'Etsekieri 24:25

»'Ekɨ tewi pemunu'aya, tukari maye'anitsie tuki nemɨwanawairienitsie muwanake memixeiyanikɨ, yu'iyaritsie ketita memɨtehiwe'erie, ketitatsie memɨteuyɨ'ɨ, wananai meta watemawierika, meta waniwema 'ukitsi 'ukari,

Keremiyaxi 21:5

Netɨtɨ nekanixetakwimɨkɨ. Tɨrɨkaɨyemekɨ nekatiniyurimɨkɨ, haxɨama meta waɨkawa nekareunenimayatɨ,

Kitsariyaxi 42:25

'Ayumieme Yawé hetsiena yuhaxɨa pukawiwi, haxɨa kuyaxa mieme pipitɨa. Taikɨ penukana, peru 'atsipɨkaretima, pitaxɨtsitɨa, matsi mɨkɨ yakɨ yɨaneme puta'eri.

Keremiyaxi 30:14

Yunaitɨ memumatsinaki'eriekai mepumatsi'uku'eiri, mepɨkamatsiha'eriwari. Waɨkawa 'axapemɨtiuyurikɨ, meta mɨmɨirekɨ ke'axapemɨtiuyuri, nekamenanayewayani nekamenayemari'itɨwani, xewitɨ mɨrayuye'unie kemɨrayurieni hepaɨ.

Kuwi 6:4

Naimekɨmɨtɨrɨkaɨye 'ɨrɨteya kanetinikwinitɨaka, ne'iyari mɨkɨ 'uayeya mɨmɨya kani'ukweni. Kakaɨyari marika nehetsie kaneyenɨ'ani.

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

Nahumi 1:2

Yawé Kakaɨyari mɨtiuyukakwerie kanihɨkɨtɨni meta mɨyɨkɨhɨpa. Yawé mɨyɨkɨhɨpa, Ti'aitame mayu'eriya. Yawé pɨtiwarakapitɨwa kemɨ'ane memeye'unie, mɨwaraye'unie wahepaɨtsita pɨkayuhaxɨapitɨarinɨa.

'Etsekieri 36:18

'Ayumieme, kwiepa waɨkawa xuriya mutayeurikɨ, yukakaɨyarixi wahekɨ ka'itiyakame mekanayeitɨani, ne nekaniuyeha'ani wahetsiemieme.

'Etsekieri 22:22

Kemɨtikwaniyarɨwa pɨrata huxunu taɨta, mɨpaɨta xeme nekatinixetikwaniyamɨkɨ kiekari hixɨapa, 'ana mɨpaɨ xepɨtehetimani ne Yawé, nehaxɨa xehetsie nemukawiwikɨ”».

'Etsekieri 6:12

Kemɨ'ane 'ateewa paitɨ muyeikani kwiniyakɨ kanimɨmɨkɨ, kemɨ'aneta hurawa muyeikani 'ixiparakɨ kanimieriemɨkɨ, meta kemɨ'ane mɨkamierieni haakakɨ kanimɨmɨkɨ. Mɨpaɨ nehaxɨa wahetsie nekatinikawiwimɨkɨ,

'Etsekieri 5:13

Hikɨ nehaxɨa wahetsie puyuhayewa, kɨmana mepɨtihuxani, ne'iyari 'aixɨa kaniyɨmɨkɨ. Kepauka ne neha'atɨ nemɨtihayewa newaruweiyatɨ, mɨpaɨ mepɨtehetimani kename ne Yawé, mɨpaɨ nehaine.

Hiwerika 4:1

Huru 'ari pɨka'utixawatɨre. Huru 'aixɨamɨ'ane putayɨrixɨ puyutakwitama. Tetexi mɨpatsietɨka kwinimieme mɨraye'atɨka tukita timieme kaye'utɨma katineutiteni.

Hiwerika 3:3

Yakanetini'uximatɨaka, heiwatɨma xeitukari pɨka'anukayeika.

Hiwerika 2:5

Yawé mɨtatsi'aye'unie hepaɨ pɨtiyurie: 'Ixaheri kaniuka'una. Naime paratsiyuya kaniuka'una meta hakewa meyutɨrɨkariyakai. Putimɨiriyaxɨ tahiwerika meta ta'ukai, Kura witsimɨraku'ane hetsiemieme.

Keremiyaxi 36:7

Heiwatɨ wa'iwaurika Yawé hetsɨa mɨniye'a, yuxexuitɨ memɨtehayewakɨ ke'axaxemɨte'u'uwakɨ, kaniyuritɨni waɨkawa kanimariweni haxɨa Yawé muwarutaxatɨa yamɨtiyurienikɨ 'ikɨ teɨteri wahepaɨtsita».

Keremiyaxi 21:12

Rawiri xiɨyarimama mɨpaɨ ketiniwarayehɨtɨa Yawé mɨpaɨ kanaineni: »“Heitseriemekɨ xeketeneyurieka naime tukaritsie, xekeneɨxɨna 'uximayatsika 'anutiyakame mɨpitɨarie, nɨka hɨrixɨa 'utani nehaxɨa tai hepaɨ meta 'utani xewitɨ ka'itɨwemekɨ, xeme 'axaxemɨteyuriekɨ.

Keremiyaxi 4:4

Kura kwieyaritsie kiekatari meta Kerutsareme, yu'iyaritsie xeketeneu'utɨa tɨratu 'inɨariyarikɨ: xitekiya 'inɨariyari xekeneuyuwewiri Yawé xemayexeiyanikɨ, nɨkahɨrixɨa 'axaxemɨte'uyurikɨ nehaxɨa 'utani tai hepaɨ kayutɨnɨatɨ xe'utitaiya.

Kitsariyaxi 63:10

Peru mɨkɨ mepɨkahenu'eni, meta 'iyarieya mɨpatsie mepu'iyarimɨtɨa. 'Ayumieme waraye'unietɨ patɨa, mɨkɨtɨtɨ pɨwarutakwi.

Kitsariyaxi 63:6

Neha'atɨ teɨteri kwiepa memɨtama nepɨwarutiketsi, nepɨwarutitarɨwaitɨa nehaxɨa tekɨxiyarikɨ, waxuriya kwiepa 'uhaneme nepayeitɨa».

2 Kemɨtiuyɨ 34:25

Mɨkɨ mepɨnetsi'uku'eiri, hipame kakaɨyarixi 'ɨkwa mepɨwatairietɨwe, meta yunaime yutetexi kakaɨyarixiyarikɨ mekaneniuyehaxɨatɨani. 'Ayumieme waɨkawa nepɨha'a 'ikɨ kwieyaritsie mieme, meta nepɨkatihayewa.’

2 Kemɨtiuyɨ 34:21

—'Ikɨ xapa mɨyamayetainekɨ mutaxeiyarie, xekenehu Yawé nehetsiemieme xekeneuta'iwawiya, meta 'ixaheritsixi meta Kuratsie kiekatari memuyuhayewatɨwe wahetsiemieme. Xɨari Yawé tahetsie yuhaxɨa kaneyenɨ'aniri meripaitɨ ta'ukiyarima niukieya memuku'eirikɨ meta yamemɨkatekakɨkɨ 'ikɨ xapatsie kemɨre'uxa.

Nɨawari 37:14

'Axateyuruwamete yu'ixipara mekanewatihapanani, yutupi mekanahapanani, tixaɨtɨ mɨkarexeiya meta mɨreuyehɨwa memɨwaratixɨrienikɨ, 'aixɨa memɨte'u'uwa memɨwakwinikɨ.

Keremiyaxi 10:20

Naitɨ nexamaru puka'unarie, meta naitɨ pɨteteki nekaunarite. Neniwema 'ukitsi yunaitɨ mepɨnetsi'uku'eiri, mepɨka'u'uwari. Xewitɨri pumawe nexamaru mɨtawewieni, meta ne'ixuriki kiiyari mɨkawieni.

'Etsekieri 20:34

Tsepa hakewa xeme'uwa hipame nuiwarite wakwietsie nekanixekuxeɨriemɨkɨ tsepa hakewa xemetayeixɨakai, nekanixekuxeɨrimɨkɨ waɨkawamekɨ netɨrɨkariyakɨ, meta waɨkawa neha'atɨ.

Mawari 26:17

Neri nepɨkaxeparewieni xehetsɨa nekaninepatamɨkɨ, memɨxe'uweiya mekaxena'iwakuni. Memɨxe'aye'unie mekaxetenita'aitɨakuni, xeme pɨta xekaniyuta'unaxɨakuni tsepa xewitɨ mɨkaxe'uweiya.

Hutarieka 'inɨari 32:22

Nehaxɨa tai hepaɨ kaniutani, naime mɨtititaiya mɨki teukiyapa. Kwie pɨtaxɨtɨani meta naime mana mɨti'etsie, meta hɨri nanari naime pɨtitaiya.

1 Tsamuheri 28:16

Hikɨ Tsamuheri mɨpaɨ katinita'eiya: —Kamɨtsɨ xɨka Yawé matsi'uku'eirieni matsi'aye'unietɨ pɨta xɨka yuhayewa, ¿Titayari ne penera'iwawiya?

Kuwi 19:11

Nehepaɨtsitari kaniuyeha'ani, kemɨ'ane mɨkɨ muwaraye'unie kanenayeitɨani.

Nɨawari 7:13

'ari mɨɨya kaniukuha'aritɨani, meta 'ɨrɨ tai mexeiya kaniukuha'arita.

Keremiyaxi 42:18

Mɨpaɨtsɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Kehepaɨ Kerutsareme kiekatari wahetsiemieme waɨkawa nemɨtiuyeha'a, mɨpaɨta xehetsiemieme waɨkawamekɨ nekatiniyeha'amɨkɨ xɨka xehekɨne 'Ekipitu. 'Axaxe'itɨarietɨ xepakɨne, waɨkawa mepumamaka hipatɨ mexexeiyatɨ, meta xepɨtixani'eriwa xepuyuriyarieka meta hatsuakuri 'ikɨ kwieyaritsie xepɨka'axɨani”.

Hiwerika 1:13

»Muyuawitsie Yawé tai kaneyenɨ'ani, mɨkɨ ne'umeyari 'ɨarime kaniutitaiya. Winiyari kaniukeni nehɨxie, hikɨ mɨpaɨ kanetiniukunuitɨani. Kaneniuku'eirieni yuheyemekɨ, tukarikɨ yanekatineumɨmɨkɨni.

Hiwerika 4:11

Yawé yuhaxɨa kaniutatuani, yuhaxɨa mɨtiyukukuine kananayetuani. Tsiyuni taikɨ kaniutataiya meta kanitaxɨtsitɨani tsutɨmeyari naime.

'Etsekieri 7:14

Tsepanetɨ kuxineta mutahɨtsierie meta tsepa memuyukuha'aritɨa, xewitɨ pɨkahayeyani yutamienike, matsi nehaxɨa yunaime wahetsie nekanikawiwimɨkɨ.

'Etsekieri 13:13

»”'Ayumieme Yawé naimekɨmɨyɨwe mɨpaɨ kanaineni: Neha'atɨ 'eka wiyerimakame nenanunɨ'amɨkɨ, neha'atɨ wiyeri haikɨrimakame meta tee mɨtiyumemiwa nepanɨ'ani.