Hiwerika 2:22 - Kakaɨyari Niukieya

²² »'Ixɨararipa pemɨta'inieni hepaɨ, kenemɨtika'unarienikɨ naitsarie pekatiniutanɨ'axɨani. Kepauka Yawé pemuyeha'a nixewitɨ pɨkayɨwekai muyuta'una, meta nixewitɨ pɨka'uyuhayewaxɨ 'ayenieretɨ. Kemɨ'ane waɨkawa nemɨwanaki'eriekai meta nemɨtiwaruti'ɨkitɨa, mɨkɨ yunaime mɨtatsi'aye'unie kaniwarukwini».

Hiwerika 2:22 ပူးပေါင်းရင်းမြစ်များ

Keremiyaxi 6:25

'Akanamieni mɨtatsi'aye'unie 'ixipara hakwetɨ. Yeuta xepɨka'ayekɨkani, meta huyeta xepɨkaheu'uwani. Naitsarie marika puxuawe.

Nɨawari 31:13

Yuwaɨkawatɨ 'axamekatenikuxatani nehetsiemieme: «Nekanimaka naitsarie». 'Axeikɨa metiyaxeka kememɨnetemienikɨ mekateniutaxata, mekanenimiekuni mekaniutiyuaneni.

Keremiyaxi 46:5

Peru neuxei, ¿ketɨtɨ nepɨtiniere? Kuyaximama mepa'iwarie, memamatɨ yɨ'utɨma mepekɨka. Meka'anakunenieretɨ mekaniyuta'unani. Naitsarie memɨtama mekanimamaka —Yawé mɨpaɨ kanaineni—.

Keremiyaxi 20:3

'Uxa'arieka, kepauka Patsuxi kɨyexi mayunexaxawatsie mixɨnaxɨ, Keremiyaxi mɨpaɨ katinitahɨawe: «Yawé Patsuxi pɨkamatiterɨwari, matsi pɨta “Marika naitsarie” pepɨtitewaka.

Hutarieka 'inɨari 28:18

»'Axamepɨ'itɨarieka xeniwema hukatsie memɨyetei, meta xe'itsanari, meta xewakaitsixi waniwema 'etsimemɨpepe metatsiere xemuxatsima waniwema 'etsimemɨpepe.

Kitsariyaxi 28:19

Kepauka manuyeyeikani, pɨxehehapanani, ximeri yapɨranuyeyeikani, tukarikɨ meta tɨkarikɨ». Kepauka xemeitimani 'ikɨ niuki yemekɨ xekanitimamakuni.

Keremiyaxi 11:11

'Ayumieme Yawé mɨpaɨ kanaineni: “Ne, nekanenunɨ'amɨkɨ 'uximatɨarika, xewitɨtɨma mɨkɨ pɨkatawikweiya. Tsepa memɨnetsihahɨawe, nepɨkawa'enieni.

Keremiyaxi 44:7

»Hikɨta, mɨpaɨ kanaineni Yawé, Kakaɨyari Naimekɨmɨtɨrɨkaɨye, 'Ixaheri Kakaɨyarieya: “¿Ketitayari xeme yuxaɨtame 'axamɨti'ane xeteyuwewirie mariweme? ¿Ketitayari xete'iwiwie teɨteri Kura kiekatari memɨkwinikɨ, 'ukitsi, 'ukari, meta tɨɨri xike memutinunuiwaxɨ, yunaitɨ memɨkwinikɨ?

2 Kemɨtiuyɨ 36:17

Hikɨ Yawé wawiruniyutsixi tiwa'aitɨwame kanenɨ'ani wahetsɨa, hikɨ mɨkɨ muwa tukita kaniwarukwini 'ixiparakɨ temari, meta mɨkɨ pɨkawarutinenimayataxɨ temari, 'ɨimarixi, 'ukirawetsixi meta 'ukiraixi. Kakaɨyari yunaime kaniwayetuani hetsɨana.

Keremiyaxi 14:19

¿Kamɨtsɨ yemekɨ Kura perehɨari? ¿Tsiyuni petixani'erie? ¿Titayari mɨya petatikwinitɨa matsi temɨta'uayemaniri tepɨkayɨwawe? Tukari kayuwatɨ muma tepɨtakwewiekai, peru tixaɨtɨ 'aixɨa mɨti'ane tepɨkate'ukaxei. Tukari tepɨtakwewiekai 'aixɨa teteheu'erietɨ temakɨnekɨ, peru tahetsie marika xeikɨa kaninuani.

Keremiyaxi 21:7

Mɨkɨ naitɨ ranuyeyayu, Tserekiyaxi Kura kwieyaritsie ti'aitame nekaniyetuamɨkɨ, meta yunaime memɨte'i'uximayatsiriekai meta teɨteri kemɨ'ane memɨtawikweni kwiniyakɨ, kuyaxatsata meta haakaxatsata —Yawé mɨpaɨ kanaineni—. Nekaniwayetuamɨkɨ Nawukurunutsuxi Wawiruniya kwieyaritsie ti'aitame hetsɨa, meta memɨxekuwautɨwe mexekwinike wahetsɨa. Nawukurunutsuxi kanixekwimɨkɨ 'ixiparakɨ kaxeheunenimayatɨ yɨkɨ katixeku'eriyatɨ”.