Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hiwerika 2:21 - Kakaɨyari Niukieya

21 »'Ukirawetsixi meta temari yunaitɨ kaye'utɨma tumuanaritsata mekanitiheni, temari meta 'ɨimarixi nehetsɨa miemete 'ixiparakɨ mekaniukwi'iwa. Peha'atɨ watukari pekaniwarunawairieni, pekaniwarukwini pekawanenimayatɨ.

အခန်းကိုကြည့်ပါ။ ကော်ပီ




Hiwerika 2:21
33 ပူးပေါင်းရင်းမြစ်များ  

Hikɨ Yawé wawiruniyutsixi tiwa'aitɨwame kanenɨ'ani wahetsɨa, hikɨ mɨkɨ muwa tukita kaniwarukwini 'ixiparakɨ temari, meta mɨkɨ pɨkawarutinenimayataxɨ temari, 'ɨimarixi, 'ukirawetsixi meta 'ukiraixi. Kakaɨyari yunaime kaniwayetuani hetsɨana.


'Ayumieme 'ariri nepɨkawatinenimayata 'ikɨ kwieyaritsie memɨkiekatari —mɨpaɨ kanaineni Yawé—, pɨta nekaniwayetuamɨkɨ wa'aurie kiekatari wahetsɨa meta tiwa'aitɨwame hetsɨa. Tsepa wakwieyaritsie memɨtetahaxɨa meteyuniyatɨ, ne wahetsie nepɨkatanuani».


Waɨkawa peha'atɨ pekataniuweiyani, pekatanikwika pekatatsinenimayatɨ.


Yanekatiniwapitɨamɨkɨ memuyutikwinikɨ yunaitɨ, wapaapama meta waniwema 'ukitsi yaxeikɨa. Ne nepɨkawatinenimayata matsi nepɨxeka'una nekaxeheunenimayatɨ’. Yawé mɨpaɨ kanaineni”».


Yawé kaneye'atɨani kemɨtiku'eriwakai, kaneye'atɨani yuniuki, meripaitɨ kemutayɨkai. Kametsinenimayatɨ kwiepa kamenehɨani, katiniupitɨani mɨmatsi'aye'unie mɨmatsitananaimanikɨ, mɨkɨ pɨtata watɨrɨkariya mariweme kanayeitɨani.


Yawé pɨtiuka'unaxɨa katinenimayatɨ naime 'ixaheritsixi wakii, meta ha'atɨ kanika'una Kura witsimɨti'ɨimari hakewa meyutɨrɨkariyakai, meta tixaɨtɨ pɨkarayeitɨa mana ti'aitame meta 'iparewiwamete kaniwarukwini.


»Nekiekaritsie Yawé nekuyaxima yunaime pɨkawaruparewi, hipame pɨta kuyaxi kaniwarukuxeɨrieni memɨnetsitamienikɨ, meta netɨɨriyama memɨwarakuxɨtɨanikɨ. Yawé kanitapɨna yukiekari minaki'erie 'ɨimari Kura niweya, kaxie kemɨtipɨnarɨwa winu mayanikɨ hepaɨ.


'Ayumieme waniwema 'ukitsi keniwayetua haakakɨ memɨkwinikɨ, keniwaruku'eiri 'ixiparakɨ memɨkwi'iyanikɨ. Wa'ɨitama wiuraxi meke'akɨne meta yuniwema 'ukitsi mekawarexeiyatɨ, wakɨnama meke'ukwi'iwa, waniwema temari mekehekwi'iwa 'ixiparakɨ meheyukwitɨwetɨ.


»Waɨkawa 'uximatɨarika nepenɨ'a 'Ekipitu hepaɨ. Temari 'aixɨa memɨ'anene 'ixiparakɨ nepɨwarukwi, wakawayutsixi yunaitɨ meputiwiyarie. Yanepɨtiuyuri yutsurita memi'ɨkwekɨ mɨkite wa'ɨakariyari. Mɨyatɨtɨ, xeme xepɨkanetsihaye'eri —Yawé mɨpaɨ kanaineni—.


'Ayumieme ne nepɨkawatinenimayata, matsi nepɨtiwatawawirieni ke'axamemɨte'uyuri».


'Ayumieme ne nepɨyeha'ani. Ne nepɨkawatinenimayata. Tsepa karima me'utihiwatɨ memɨnetsihahɨawe ne nepɨkawa'enieni».


Ne nepɨkamatsitinenimayata, matsi yanepɨtiyurieni pemɨrayukatɨanikɨ ke'axapemɨtiuyurikɨ. Mɨpaɨ 'ana pepɨretimani kenameta ne Yawé netiyukwinitɨwa.


Ne nepɨkamatsitinenimayata, matsi yanepɨtiyurieni pemɨrayukatɨanikɨ ke'axapemɨtiuyurikɨ. Mɨpaɨ 'ana pepɨretimani kename ne, Yawé nehɨkɨ.


»'Ayumieme ne Yawé naimekɨmɨyɨwe, mɨpaɨ nekanaineni: Xeme netuki ka'itiyakame xepayeitɨa 'axamemɨ'anene kakaɨyarixi wahekɨ, kemɨkareuyewetse xeyɨatɨ, ne nekanixeheuyehɨamɨkɨ nekaxehaunenimayatɨ.


«Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.


'Akɨmana 'ukitsi meta 'ukari nepɨwatitsuna, 'akɨmana temari meta 'ukirawetsixi nepɨwatitsuna, 'akɨmana temari meta 'ɨimarixi nepɨwatitsuna.


Mɨkɨ naitɨ ranuyeyayu, Tserekiyaxi Kura kwieyaritsie ti'aitame nekaniyetuamɨkɨ, meta yunaime memɨte'i'uximayatsiriekai meta teɨteri kemɨ'ane memɨtawikweni kwiniyakɨ, kuyaxatsata meta haakaxatsata —Yawé mɨpaɨ kanaineni—. Nekaniwayetuamɨkɨ Nawukurunutsuxi Wawiruniya kwieyaritsie ti'aitame hetsɨa, meta memɨxekuwautɨwe mexekwinike wahetsɨa. Nawukurunutsuxi kanixekwimɨkɨ 'ixiparakɨ kaxeheunenimayatɨ yɨkɨ katixeku'eriyatɨ”.


'Ayumieme, mɨpaɨ kanaineni Yawé Naimekɨmɨtɨrɨkaɨye: “Ne nepɨtixekwinitɨani. Temari 'ixiparakɨ mepɨkwi'iwa, meta tɨɨri 'ukitsi 'ukari haakakɨ mepɨkwini.


«Mɨɨya 'ituparite 'etsimayeyeutsie nenieremeta kaneutahani, taparatsiyuta kaneutahani, tɨɨri kaniwarutayuniya kaye'utɨma memu'uwakai, meta temari teɨteri memayukuxexeɨriwatsie memu'uwakai.


Peru ne Yawé haxɨayakɨ nepɨhɨne, meta nepɨka'inewieri. «'Ahaxɨa tɨɨri kaye 'utuma memɨye'uwa wahetsie keneukawiwi, metatsiere temari wahetsie, karikɨ mekanitiwiyariekuni memɨneneɨke meta memɨwikie, 'ukirawetsixi meta kwinimieme memɨte'ukirawetsixi».


Kepauka mɨtiwauke, kɨyexiyari kanitimurikeni, hikɨ 'ukarawetsixi mekani'axeni kɨmana me'atinainike. 'Ikɨ teɨteri memɨkayɨkɨhɨawe mekanihɨkɨtɨni, 'ayumieme muwarutawewi pɨkawanenimaya, nitɨma pɨkawanenimaya kemɨ'ane mɨwarutawewi.


Hikɨ xapa me'utiwewieka tupiritsixi mekaniwareutanɨ'axɨani, kwie mukumanetsie mɨpaɨ mekateniwarunɨ'ani memɨwakwinikɨ yunaime huriyutsixi temari, 'ukirawetsixi, 'ukarawetsixi, tɨɨri meta wapiini memɨtewanawairienikɨ xeitukaritsie, tamamata hairieka tukaritsie tamamata heimana hutarieka metseritsie, tatsɨari 'araxi metseriyaritsie.


Merikɨte xekenehu hikɨ kwitɨwa 'amarekitsixi xekenewaretakuya. Naime tita memɨtehexeiya xeketenewareka'uniri, xepɨkawarenenimayaka. Yunaime xekenewarekuya, 'ukitsi, 'ukarawetsixi, tɨɨri meta 'unetsitsixi, watuurutsixi, muxatsi, kameyutsixi meta wapuxurima”».


Yunaime mekateniwarukwini 'ixiparakɨ 'ukitsi, 'ukarawetsixi, temari meta 'ukirawetsixi, yaxeikɨata mekaniwarukwini wakaitsixi, muxatsi meta puxuri, yunaime memɨte'ayenenierekai naitɨ kiekari kaniuka'unarieni.


Mɨkɨ nuiwari waɨkawa payu'eriyani, 'ukirawetsixi meta temari pɨkawanenimayaka.


'Ixiparakɨ mepɨkwi'iwa 'aniwema huye manuyehapanetsie, yukie xekutetɨ xepɨmamaka. Temari 'ɨimarixi mepɨkwini, memɨtsitsewe meta'ukirawetsixi.


Kerutsareme huyeyarite 'utɨma 'umietɨ puhiweriyɨkɨ, nixewitɨri patsiekamekɨ 'ixɨararipa memuyukuxexeɨriwatsie pɨkaheta'axe. Kiekari kitenieyarite yuxaɨtame puyuhayewaxɨa: mawari wewiwamete meputi'aiwa, 'ukari 'ɨimarixi mekaneu'erietɨweni, mɨkɨ yunaitɨ 'atsiwimekɨ mekaniu'uwani.


»Mɨkɨ tukaritsie hariyakɨ mepɨ'amɨxɨani 'ukari witsimemɨte'ɨimarixi meta temari memɨtɨrɨkawi.


Hiwari nepɨ'enie, niweyame hiwarieya hepaɨ 'anɨyɨneme, 'aiwarika matɨari mɨniweneni 'aiwarikaya hepaɨ 'anɨyɨneme. Tsiyuni witsimɨti'ɨimari 'aiwarieya kanihɨkɨtɨni, waɨriyarika meka'ietɨyeika, yumamá 'utatsetseratɨ mɨpaɨ mutaine: «Xɨa'ui ne, nepɨmɨximeri. Teyumiekate 'ari mepɨnetsiwiya».


'Ukarawetsixi, xekeneu'eni Yawé niukieya, xenakate ke'i'enieni niuki tetana mieme. Yuniwema 'ukari xeketenewa'ɨkitɨaka kwikari hiwerikapa mieme, meta hipatɨta mekeyuti'ɨkitɨani 'ikɨ hiwerika kwikariyarikɨ:


keniwaraye'eritɨa 'Ixaheri teɨterimama, Yawé naimekɨmɨyɨwe mɨpaɨ kanaineni: “Ne netuki kapatsiekame nekanayeitɨamɨkɨ, tuki xexeiyatɨ xepauyɨ'ɨ witsixepɨte'ixeiya, waɨkawa xeminaki'erie. Xeniwema 'ukitsi meta 'ukari xemɨwaruku'eiri, 'ixiparakɨ mekanikwi'iwakuni,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ