Hiwerika 2:20 - Kakaɨyari Niukieya

²⁰ «Neuxei Yawé, keneu'ati'iyaritɨa: ¿Kemɨ'aneri mɨpaɨ pepɨtiukwinitɨa meripaitɨ? ¿Kamɨtsɨ 'ukarawetsixi yuniwema metewatikwani yuhetsie memɨwarayexei? ¿Metekwi'iwa tsɨkamɨ mawari wewiwamete meta 'ahetsiemiemete niukamete Yawé 'atuki muyepatsietsie?

Hiwerika 2:20 ပူးပေါင်းရင်းမြစ်များ

Hiwerika 4:10

'Ukarawetsixi 'aixɨa memɨte'u'iyarikai, yumamá mekaniuhɨniri yuniwematɨme mekaniwaruka'etsa. Yuniwema wahekɨ mekatenikwakaitɨni, kepauka Kerutsareme muka'unarietsie.

Keremiyaxi 19:9

Memɨxe'aye'unie mexe'anutinakaku mexete'uka'enitsitɨiyakaku mexekwikukaku, yanepɨtiyurieni hakakɨ yuniwema 'ukitsi meta yuniwema 'ukari xemɨwatikwanikɨ meta yunaitɨ xemuyutikwanikɨ’ ”.

Nɨawari 78:64

mawari wewiwamete 'ixiparakɨ mepukwi'iwaxɨ, wiuraxi mepɨka'uyɨwekaxɨa wahetsiemieme memuyuhiwerieka.

Hiwerika 4:13

Peru mɨpaɨ katiniɨyɨni. Kakaɨyari niukametemama 'axamete'uyurieku. Mawari wewiwamete 'axamete'uyurieku. Teɨteri 'axamekateyuriekame memɨwarukwikɨ kiekaritsie kaye'utɨma.

Hutarieka 'inɨari 9:26

Yawé nekaniutawawirieni, mɨpaɨ nekatinitahɨawe: “Yawé Kakaɨyari pepɨkawaka'unani mɨkɨ 'a'iwewarima mekanihɨkɨtɨni, pemɨwarutawikweitsitɨa 'ateɨterima mɨiremekɨ pekaniwaranuyexeiya 'Ekipitu pekaniwarayewitɨni, waɨkawa kwaniwemekɨ petiyurienetɨ wahetsiemieme,

Memeyekɨ 32:11

Muitsexi Yawé yukakaɨyari kaninɨtɨamɨkɨkaitɨni mɨpaɨ katinitawawirieni: —Neuxei Yawé, ¿'ateɨterima wahepaɨtsita pepɨkaha'aka, pemɨwarayewitɨ 'Ekipitu 'atɨrɨkariyakɨ waɨkawa petiyurienetɨ?

'Etsekieri 5:10

Xeme xetsata wapapama yuniwema mewakwa'atɨ mekanitixuawerikuni meta tɨɨri yupapama mepɨwatikwani. Ne nekatiniwakwinitɨamɨkɨ, kemɨ'ane memɨtawikwenita nekaniwataxɨriexɨamɨkɨ nauka 'ekayaritsie.

Hiwerika 4:16

Yawé tɨtɨ katiniuyurieni muwareutaxɨriexɨa, hikɨri pɨkayu'iyaritɨa wahetsiemieme. Mawari wewiwamete mamariwawemete mepɨkaxatsiwa meta 'ukirawetsixi mepɨkanenimayatsieri.

Hiwerika 1:19

»Meripaitɨ nemɨwanaki'eriekai nekaniwarutahɨawe, peru mɨkɨ mekaneniuku'eirieni. Mawari wewiwamete meta 'ukirawetsixi nehetsɨa miemete yunaitɨ kiekaritsie mekaniukwini, 'ikwai mekuwautɨwetɨ, 'akuxi memayeyuyurinikɨ.

Keremiyaxi 5:31

Kakaɨyari niukametemama 'itarikakɨ mepɨtekuxata, mawari wewiwamete mepɨte'aita kemɨtiwanake, meta neteɨterima mɨpaɨ pɨtiwanake. Peru, ¿Kexeteyurieni xeme kepauka naitɨ mɨtinɨretsie?

Mawari 26:29

meta yuniwema 'ukitsi 'ukari wawaiyari xekanitikwaikuni.

Kitsariyaxi 22:2

kiekari waɨkawamekɨ 'axamɨretainetsie, mepɨkayu'enie meta mepɨ'ietɨwe. 'Ateɨterima nixewitɨ 'ixiparakɨ pɨka'umierie meta mepɨkahekwi'iwaxɨ mɨrayukwitɨnetsie.

2 Kemɨtiuyɨ 36:17

Hikɨ Yawé wawiruniyutsixi tiwa'aitɨwame kanenɨ'ani wahetsɨa, hikɨ mɨkɨ muwa tukita kaniwarukwini 'ixiparakɨ temari, meta mɨkɨ pɨkawarutinenimayataxɨ temari, 'ɨimarixi, 'ukirawetsixi meta 'ukiraixi. Kakaɨyari yunaime kaniwayetuani hetsɨana.

Keremiyaxi 21:7

Mɨkɨ naitɨ ranuyeyayu, Tserekiyaxi Kura kwieyaritsie ti'aitame nekaniyetuamɨkɨ, meta yunaime memɨte'i'uximayatsiriekai meta teɨteri kemɨ'ane memɨtawikweni kwiniyakɨ, kuyaxatsata meta haakaxatsata —Yawé mɨpaɨ kanaineni—. Nekaniwayetuamɨkɨ Nawukurunutsuxi Wawiruniya kwieyaritsie ti'aitame hetsɨa, meta memɨxekuwautɨwe mexekwinike wahetsɨa. Nawukurunutsuxi kanixekwimɨkɨ 'ixiparakɨ kaxeheunenimayatɨ yɨkɨ katixeku'eriyatɨ”.

'Etsekieri 9:7

'Ariketa mɨpaɨ katiniwarutahɨawe: «Xekeniwayekɨni tuki kapatsiekame xekenayeitɨa, xekeniwarutahɨniya takwa mɨkite». Hikɨ mɨkɨ mekanayekɨne mekanitsutɨani kiekaritsie yunaime mewakwitɨ.