Hiwerika 2:19 - Kakaɨyari Niukieya

¹⁹ Kenanukukeka keneutahiwani tɨkarikɨ, kepauka tɨkarikɨ tehɨwemete memitsutɨanitsie. Keneu'eiri 'a'iyari 'ukaiya mawari kenayeitɨa Yawé hɨxie. Keneyunenewieka Kakaɨyari hetsɨa kenewauka teikɨ pehemetɨ 'atɨɨriyama watukari hetsiemieme, haakakɨ memɨkwixime kaye'utɨma memeutihe.

Hiwerika 2:19 ပူးပေါင်းရင်းမြစ်များ

Nɨawari 62:8

Hetsiena yuheyemekɨ xeketenewiyani, teɨteri hetsɨana miemete, 'a'iyaritsie ketineuyepiri kepauka hɨxiena pemuwe. Kakaɨyari tahetsie nunuwame kanihɨkɨtɨni.

Kitsariyaxi 26:9

Tɨkarikɨ naime ne'iyarikɨ nepɨmatsi heuyehɨwa, ximeri ne'iyari pɨmatsi'utiwawa. Kepauka 'aixɨa pemɨtiyuriene kwiepa, kwiepa memɨtama mepɨtehetimamateke tita mɨtiheitserie.

Nɨawari 142:2

Mɨkɨ xeikɨa nepɨtihekɨatɨa kenemɨtiuta'aiwa, nepɨtikuxaxatɨwa kenemɨtiuka'eniwa.

Marikuxi 1:35

Hikɨ 'uxa'arieka ximeri meripaitɨ 'akuxi yɨwikɨta Ketsutsi kananukukeni, kiita wayeyaka kaneyani teɨteri memɨka'anu'uwatsie paitɨ, mana kaniuyutanenewieni.

1 Tsamuheri 1:15

Hana kanita'eiya: —Neti'aitɨwame, netawekame pepɨka'erieka, ne matsi winu meta nawa nepɨka'anu'iwe, ne matsi 'ukaratsi nemɨhiweritɨarie nepɨhɨkɨ, 'uwa nepeyetɨa ne'ukiyari Yawé hɨxie mɨnetsinɨtɨanikɨ.

Nɨawari 141:2

'Ahetsɨa paitɨ kehenuani nenenewieri 'ɨkwa mawariyari hepaɨ, teikɨ nememe'ekɨ mawari taikai mieme hepaɨ.

'Itsɨkate 7:19

Kerehuni meta teɨteri xeitsienituyari hamatɨana memuhukai, mematitekaitsie manuyeniere mekaniu'axɨani tɨkari hixɨapa tehɨwemete memayutipatatsie, kepauka hutarieka tehɨwemete memanutahaxɨanikekaitsie. 'Awate mekaniutihɨtsieni meta xarite mekaniutitara kwiepa.

Nɨawari 42:8

'Ikɨ nenewieri pɨhɨkɨ Kakaɨyari tukari mɨnetsi'upitɨa hetsiemieme: tukarikɨ Yawé yunaki'eriya kenetsiheyenɨ'airiwani, tɨkarikɨta kwikarieya nepuku'eriwani.

Rukaxi 6:12

Merikɨtsɨ 'ana hɨritsie kaneutiyune yutanenewienike, xeitɨkari nenewieri kanipitɨakaitɨni yukakaɨyari.

Marikuxi 13:35

»Xemeta 'ayumieme xekenayeneniereni, 'atsixemɨkatematekɨ kepauka munuani kii kutsiyari, xɨka taikai, yatɨ tɨkari hixɨapa, yatɨ wakana tahiwayu, yatɨ kahekɨareyu.

Mateu 14:25

Merikɨte 'etsiwatɨkaku kahekɨarirɨmekaku, wahepa kanamiekaitɨni Ketsutsi haa heima 'umietɨ.

Nɨawari 119:55

Yawé, yɨwikɨta nepɨmetsihahɨawe kepemɨtitewakɨ, nepɨnewaɨriya 'a'ɨkitsika nemaye'atɨanikɨ.

Nɨawari 28:2

Nehiwari kenanu'eni kepauka 'ahetsɨa nemɨye'axetsie parewiya neheuyehɨatɨ, kepauka Waɨkawa Muyepatsietsie nemamate nemeutatsetseratsie.

Kitsariyaxi 51:20

'Aniwema mekaniukwinitɨma, tsipuri yeutari wahepaɨ winiyaritsie, kaye'utɨma 'itsikina mekaniukaxɨrieni. Yawé haxɨaya wahetsie katininakeni, meta Kakaɨyari kemɨtiwaraye'uxiwe'erie.

1 Timuteu 2:8

'Ayumieme mɨpaɨ pɨnetinake, hakewa memeyutixexeɨriwa 'ukitsi mekeyunenewieka yumamate muyuawitsie meheutitseratɨkaitɨ mepatsietɨ, tixaɨ mekaha'atɨ meta niuki mekaxɨatɨatɨ yu'iyaritsie.

'Etsekieri 5:16

»Ne haakakɨ nepɨmatsiwiya, 'ɨrɨ mumɨyakɨ nepɨmatsitamɨni naime mɨtikema. Nekaniwakwimɨkɨ, nekani'atɨamɨkɨ haakakɨ naitɨ wapiinite katinikumawerimɨkɨ.

'Etsekieri 5:10

Xeme xetsata wapapama yuniwema mewakwa'atɨ mekanitixuawerikuni meta tɨɨri yupapama mepɨwatikwani. Ne nekatiniwakwinitɨamɨkɨ, kemɨ'ane memɨtawikwenita nekaniwataxɨriexɨamɨkɨ nauka 'ekayaritsie.

Nɨawari 134:2

Yumamate tukita xekeneutatseraxɨa meta Yawé hetsiemieme 'aixɨa xekenaitɨkani.

Nɨawari 63:4

'Aixɨa nepaineni 'ahepaɨtsita mexi'akuxi ne'uyeika, nepɨmetsihahɨaweni teikɨ nehemetɨ.

Kuwi 3:24

Paa nekatakwaiwetɨ 'akuxi, ne'aiwarikakɨ nekanayeikani, netsuari haa hepaɨ kanitayeuriweni.

1 Tsamuheri 7:6

Kepauka memuyukuxeɨri Mitsipa 'ixaheritsixi haa meniwatihapani Yawé hɨxie mekanitayeurieni. Meta mekaniuyuhakieni mɨkɨ tukaritsie, hikɨ mɨpaɨ mepɨteyuhekɨatakai yunaime wahɨxie: «Yawé hɨxie 'axatepɨte'uyuri». Tsamuheri matɨari kanitsutɨani 'ixaheritsixi tiwa'aitɨatɨ Mitsipa kiekariyaritsie.

Nahumi 3:10

Mɨyatɨtɨ, Tewatsi kiekariyari kanehanieni 'ateewa, 'ateewa paitɨ kananutahɨiyani. Niwemama mekaniutitetseweiyani kaye 'itsikinayaritsie. Teɨterimama waɨkawa memeuka'u meniyuta'iwirieni, meta mekaniwarutihɨani teɨteri wa'ukiyarima.

Nɨawari 42:3

Tukarikɨ tɨkarikɨ tsuarikɨ xeikɨa nepayeniere, mɨpaɨ neranutahɨawarɨwatɨ tsepa kepauka: «¿Hakewa tamɨ 'akakaɨyari?»

Nɨawari 42:4

Mɨpaɨ neti'erieme nepɨtikuhayeikawa ne'utatsuatɨ: Ne nepayeyeikakai yumɨireme wahamatɨa, nepɨwarewitɨkɨkai Kakaɨyari tukita. Temawierika hiwariyari meta pamɨpariyutsi 'ixɨarariyari tepatinenetɨwakai.

Nɨawari 142:3

Kepauka nemɨkayɨwenitsie, 'ekɨ matsi huye pepɨnetsixeitsitɨa. Huye nemiweiya 'utɨma hipatɨ winiyari nehetsiemieme mepuwɨwɨtɨwa.

Keremiyaxi 9:20

'Ukarawetsixi, xekeneu'eni Yawé niukieya, xenakate ke'i'enieni niuki tetana mieme. Yuniwema 'ukari xeketenewa'ɨkitɨaka kwikari hiwerikapa mieme, meta hipatɨta mekeyuti'ɨkitɨani 'ikɨ hiwerika kwikariyarikɨ:

Keremiyaxi 14:18

Xɨka 'ɨtsita neheyani, teɨteri mekwikwi'ime nepɨwaxeiya 'ixiparakɨ memukwi'iwaxɨ, xɨka kiekaritsie neheutahani, haakakɨ memɨtekukuye nepɨwaxeiya. Kakaɨyari niukameya meta mawari wewiwame, 'ikɨ kwieyaritsie ku'uwamete mekanihɨkɨtɨni 'atsimekatemaitɨ kememɨteyurie”».

Mikeyaxi 1:16

'Ayumieme 'amɨxiya kenanuyexika meta 'amu'utsie keneuyukametseriya, hiwerika keneuwewi 'aniwema pemɨwanaki'erie wahetsiemieme, waɨkawa keneuyukametseriya wirɨkɨ kemɨremu'u hepaɨ, karikɨ 'aniwema pekaninawaiyariemɨkɨ.