Hiwerika 2:17 - Kakaɨyari Niukieya

¹⁷ Yawé kaneye'atɨani kemɨtiku'eriwakai, kaneye'atɨani yuniuki, meripaitɨ kemutayɨkai. Kametsinenimayatɨ kwiepa kamenehɨani, katiniupitɨani mɨmatsi'aye'unie mɨmatsitananaimanikɨ, mɨkɨ pɨtata watɨrɨkariya mariweme kanayeitɨani.

Hiwerika 2:17 ပူးပေါင်းရင်းမြစ်များ

'Etsekieri 5:11

»'Ayumieme ne Yawé naimekɨmɨyɨwe, mɨpaɨ nekanaineni: Xeme netuki ka'itiyakame xepayeitɨa 'axamemɨ'anene kakaɨyarixi wahekɨ, kemɨkareuyewetse xeyɨatɨ, ne nekanixeheuyehɨamɨkɨ nekaxehaunenimayatɨ.

Nɨawari 89:42

'Aixɨa pepaine memeye'unie watɨrɨkariya hepaɨtsita, temawierikakɨ pepɨwarutihɨniyaxɨ memeye'unie.

'Etsekieri 8:18

'Ayumieme ne nepɨyeha'ani. Ne nepɨkawatinenimayata. Tsepa karima me'utihiwatɨ memɨnetsihahɨawe ne nepɨkawa'enieni».

Hiwerika 1:5

Memɨwaraye'uniekai metewa'aitɨatɨ mekanakɨne, kayuwatɨ mekaniu'uwani memɨwaraye'unie. Yawé kaniwaru'uximatɨani, waɨkawa 'axamemɨte'uyurikɨ. Waniwema mekanewitɨkieni 'ateewa paitɨ, memɨwaraye'unie hau'erietɨ mekaniwaruhapaximekaitɨni.

Mikeyaxi 2:3

'Ayumieme, Yawé mɨpaɨ kanaineni: «Hikɨta nepɨta nekanihɨkɨtɨni nemɨne'iyaritɨa wahetsie nemi'atɨanikɨ 'axamɨtiwayuriekakɨ, mɨkɨ tsata memayuye'una mepɨkayɨwekaxɨani. Mepɨkaku'uwaniri heitserie meheutanenieretɨ meyuti'ɨretɨ, maye'akɨri tukari ke'axamemɨ'itɨarienikɨ.

'Etsekieri 9:10

'Ayumieme ne nepɨkawatinenimayata, matsi nepɨtiwatawawirieni ke'axamemɨte'uyuri».

Hiwerika 2:8

Yawé puyuwaɨri mika'unakɨ kuraru 'amatayewa Tsiyuni witsimɨti'ɨimari warie maka. Kɨye 'utikweka kani'inɨata, hikɨ kanika'una ka'inenimayatɨ. Hiwerika putixuawerixɨ tetsariya 'imɨmɨiyarite mɨranutikɨkatɨre meta kurarute 'amatitetewa wahetsiemieme, mɨkɨ naitɨ kaniuka'unarieni.

Keremiyaxi 18:11

Hikɨta ketiniwarutaxatɨa Kura kiekatari meta Kerutsareme, mɨpaɨ ketiniwarayehɨtɨa Yawé mɨpaɨ kanaineni: “Nekaniha'aritɨaka 'uximatɨarika xehetsiemieme nekaniwewieka kehepaɨ nemɨtiyurieni xehepaɨtsita. Huye 'axamɨ'ane xekeneuhayewa, xeketenehɨwa, 'aixɨa xekeneyuyuri pɨta ke'axaxemɨte'u'uwakaikɨ meta ke'axaxemɨteyuriekaikɨ”.

Nɨawari 38:16

Nepɨmetsiwawirie xeikɨa mepɨkanetsinanaimaka, memamariwaweme mepɨka'ayuyeitɨaka kepauka nemekawenitsie.

Nɨawari 35:24

Nehetsiemieme 'aixɨa ketineuyuri heitserie kepemɨrexeiya, Yawé nekakaɨyari, memɨnetsinanaimaka pepɨkawapitɨaka.

Nɨawari 35:26

Meke'uyutitetewiya meta meke'u'iyɨrieni yunaitɨ kemɨ'ane memuyutemamawie nemekawekɨ, meke'utixani'eriwa mekeheutewiyarieka yunaitɨ kemɨ'ane tixaɨtɨ memɨkanete'erie.

Kitsariyaxi 14:29

Piritsiteutsixi yunaitɨ xeme, xepɨkayutemamawieka kename 'akamurixɨ 'itsɨ kɨmana pemɨtiweiwakai, matsi kuu xewitɨ kanayenemɨkɨ kuu nanayaritsie, mɨkɨ nuiwarieya kuu hawiwetɨ kanayeimɨkɨ.

Keremiyaxi 4:28

'Ayumieme 'ikɨ kwieyari puyuhiwerieka, meta muyuawi meutitewatsie pɨkɨyɨre, 'ari mɨpaɨ nekaniutayɨni, nepɨkatihayewa, 'ari mɨpaɨ nepɨtiu'eri, ne'ɨtɨa nepɨkatayani».

Hiwerika 3:43

Waɨkawa peha'atɨ pekataniuweiyani, pekatanikwika pekatatsinenimayatɨ.

Hiwerika 4:11

Yawé yuhaxɨa kaniutatuani, yuhaxɨa mɨtiyukukuine kananayetuani. Tsiyuni taikɨ kaniutataiya meta kanitaxɨtsitɨani tsutɨmeyari naime.

Tanieri 9:12

»”'Ekɨ pepeye'atɨa kepemɨtarayemari'itɨa, tame meta tate'aitɨwamete, 'ekɨ tahetsie 'ikɨ 'uximatɨarika mɨmariwe pepɨ'atɨa. Hatsuaku 'ena kwiepa mɨpaɨ pɨkatiyɨwe Kerutsareme hetsiemieme kemɨtiuyɨ.

Tsakariyaxi 1:6

¿Kamɨtsɨ karaye'atɨarie xetutsima wahetsie niuki meta 'aitsikate nemɨwarupitɨa menete'uximayatsiriwamete neniukamete mɨpaɨ memɨtewataxatɨanikɨ? »”Hikɨ mɨkɨ Yawé hetsie metewiyatɨ mekanakɨne, meta mɨpaɨ mekaniutiyuani: ‘Yawé Naimekɨmɨtɨrɨkaɨye yapɨtatsi'uyuri kemɨtiu'eri: tahetsie kemɨreuyewekai 'axatete'u'iyarikaku 'axateteyuriekaku.’ ”»

1 Te'aitamete 9:7

ne 'ixaheritsixi nepɨwarakumaweriya kwie nemɨwayetuiritsie meta tuki nepɨtixani'erieni patsiekame nemayeitɨa nehetsiemieme. Hikɨ 'ana 'Ixaheri 'atsieriwame payani yunaime teɨteri wahetsiemieme.

Nɨawari 89:43

'Ixiparaya pepatatamɨraxɨ, meta pepɨka'iparewi muyumienekaitsie.

Keremiyaxi 40:3

hikɨri Yawé kemutayɨkai kaneye'atɨani. 'Ikɨ naitɨ yapɨtixeyurie Yawé hepaɨtsita 'axaxemɨte'uyurikɨ meta niukieyatsie yaxemɨkatekakɨkɨ.

Tsupuniyaxi 1:2

«Meteyunaime nepɨtiwareuyehɨani kemeteyupaɨmetɨ kwiepa memɨtexuawe —Yawé mɨpaɨ kanaineni—.