Hiwerika 2:14 - Kakaɨyari Niukieya

¹⁴ Kakaɨyari niukametemama 'ahetsɨa miemete mepɨmate'utaxatɨa 'itarikakɨ kename kehapaɨ mete'unenierixɨ. Mepɨkamatsi'utahekɨataxɨ ke'axapemɨtiyurienekai, 'ateɨterima kememɨte'anuhapanienikekai mepɨka'itaxataxɨ. Niuki memɨmatsikuxaxatɨwakai 'itarika xeikɨa pɨhɨkɨtɨkai.

Hiwerika 2:14 ပူးပေါင်းရင်းမြစ်များ

'Etsekieri 22:28

Kakaɨyari niukametemama naimekɨ mepɨtekuxata naxikɨ memɨtekawiriwani hepaɨ, mekatexeiyatɨ xeikɨa 'itarikakɨ metekuxatatɨ. Kwinimieme meputiyuane kename Yawé naimekɨmɨyɨwe mɨpaɨ haine, perutsɨ Yawé mɨpaɨ katiwarahɨawekaku.

Keremiyaxi 5:31

Kakaɨyari niukametemama 'itarikakɨ mepɨtekuxata, mawari wewiwamete mepɨte'aita kemɨtiwanake, meta neteɨterima mɨpaɨ pɨtiwanake. Peru, ¿Kexeteyurieni xeme kepauka naitɨ mɨtinɨretsie?

Kitsariyaxi 58:1

»Keneutahiwa karima, pepɨka'utimamaweni. Kwi keneutahiwa kuxineta hepaɨ. Neteɨterima keniwarutaxaneta memɨnetsi'aye'uniekɨ, 'axamemɨte'uyurikɨ, Kakuwu nuiwarimama.

'Etsekieri 22:25

Mayetsi yeutari memɨteyukwa'a hepaɨ, mɨpaɨta mepɨteyurie texaxatamete teɨteri mepɨwananaima, piinite memɨteheuxeiya mepɨtewanawairie wapiini mɨraye'atɨka, 'ayumieme wiuraxi mepɨyɨmɨireri.

Keremiyaxi 2:8

Hatsuaku mawari wewiwamete mɨpaɨ mepɨka'utiyua: “¿Hakewari Yawé?” 'Inɨari niukiyari memakumate hatsuaku mepɨkanetsi hetima, teɨteri wahetsiemieme memanuyetekai menetsi'aye'unietɨ mepakɨ, neniukamete Wahari hetsiemieme pɨta mepɨte'utaxa meta kakaɨyarixi tixaɨtɨ memɨkateyunaki'erie pɨta mewaruweiyatɨ mepakɨ.

Tsupuniyaxi 3:4

Kakaɨyari niukametemama mana kiekatari mepɨte'itawa, Kakaɨyari mepuku'eiri. Mawari wewiwamete piinite netukita timieme katipatsiekame mepɨte'ayeitɨa, meta 'aitsika kemaine yamepɨkatekahu.

Mikeyaxi 2:11

Xɨka xewitɨ tixe'itaiyamɨtɨ, xɨka nuani ti'itawatɨ mɨpaɨ tixe'utahɨawe: «Ne nepɨtixetahekɨatɨani kaxie winuyari meta kaxie hayari wahepaɨtsita», 'ikɨ teɨteri Kakaɨyari niukameya mepayeitɨani.

'Etsekieri 13:22

Xemetsɨ kemɨ'ane 'aixɨa mɨtiyukɨhɨawe xekaniunutuixitɨani 'itarikakɨ, ne neka'i'uximatɨakaku. 'Aixɨa xekatenehɨaweni 'axatiyuruwame mɨkatihayewanikɨ 'axakemɨtiyuriene, meta mɨkayutawikwetsitɨanikɨ.

Keremiyaxi 37:19

¿Hakewari Kakaɨyari niukametemama, memɨtexekuxaxatɨwakai mɨpaɨ me'utiyuatɨ, kename Wawiruniyatsie ti'aitame kaxetakwinikekai xeme meta 'ikɨ kwieyari?

Keremiyaxi 28:15

Hikɨ Keremiyaxi Kakaɨyari niukameya Kananiyaxi mɨpaɨ katiniutahɨawe: —Yemekɨ keneu'ena. Yawé 'ekɨ kametsiheyenɨ'akutɨtɨ, 'a'itarikatsie yuri memɨte'eriekakɨ pekatiniuyurieni teɨteri wahetsie.

Keremiyaxi 23:36

Peru tawari mɨpaɨ mepɨka'utiyuaneni: “Yawé niukieya”, karikɨ mɨkɨ xexuimekɨ niuki kemɨtikuxata yuniuki kaniyurienemɨkɨ, xeme xekanititunaxɨani Kakaɨyari mayeyuri niukieya, Yawé Naimekɨmɨtɨrɨkaɨye takakaɨyari.

Keremiyaxi 23:22

Xɨka ne newaruta'uxatsitɨanike, neniuki mekanitaxatakekaitɨni neteɨterima wahetsɨa, huye 'aixɨa mɨ'anetsie mekaniwara'uitɨanikekaitɨni meta 'aixɨa meteyuriekame mekaniwarayeitɨanikekaitɨni.

Keremiyaxi 20:6

'Ekɨta Patsuxi pekananuhaniemɨkɨ Wawiruniya paitɨ meta yunaitɨ 'atɨɨriyama. Mana pekanemɨmɨkɨ, mana pekanekateukiemɨkɨ yunaitɨ 'ahamikuma wahamatɨa kemɨ'ane yakɨ xeikɨa pemɨtiwakuxaxatɨwakai”».

Keremiyaxi 29:21

Yawé mɨpaɨ kanaineni Naimekɨmɨtɨrɨkaɨye, 'Ixaheri Kakaɨyarieya, 'Akawi Kurahiyaxi nu'aya meta Tserekiyaxi Matsehiyaxi nu'aya wahepaɨtsita, yakɨxeikɨa memɨtekuxata nehetsiemieme: «Wawiruniyutsie ti'aitame Nawukurunutsuxi hetsɨa nekaniwayetɨamɨkɨ mɨkɨ kaniwakwimɨkɨ xeme xetanenierekaku.

Hiwerika 4:13

Peru mɨpaɨ katiniɨyɨni. Kakaɨyari niukametemama 'axamete'uyurieku. Mawari wewiwamete 'axamete'uyurieku. Teɨteri 'axamekateyuriekame memɨwarukwikɨ kiekaritsie kaye'utɨma.

'Etsekieri 23:36

Yawé mɨpaɨ kanetiniutahɨawe: «Tewi pemunu'aya, ¿kamɨtsɨ 'Ahurá meta 'Ahuriwá pekatiwaranutaxɨarieni? Matsi wahetsie ketinahɨwa kememɨte'uyurikɨ.

'Utseyaxi 9:7

'Uximatɨarika tukariyari paye'ari, meta tukari paye'a memɨte'ayukatuanikɨ. 'Ixaheri mɨpaɨ ketinemaika 'Ariri pɨwaɨkawa 'axakepemɨtiuyuri, mɨixari pepɨkaheu'ena, Kakaɨyari niukameya mɨka'uka'iyari xeikɨa pepɨxata, tewi Kakaɨyari 'iyarieya mɨkahexeiya pɨkaheyuta'eriwa.

Mikeyaxi 3:8

Ne, matsi, tɨrɨkariyakɨ nekanihɨneni, nekanihɨneni Yawé 'iyarieyakɨ, meta nekanihɨneni tita mɨtiheitseriekɨ meta tɨrɨkariyakɨ, nekaniyɨweni Kakuwu nuiwarimama nemɨwarutaxatɨani ke'axamemɨtekahu nekaniyɨwenita 'ixaheritsixi nemɨwataxatɨani ke'axamemɨte'uyuri.