Hiwerika 1:5 - Kakaɨyari Niukieya

⁵ Memɨwaraye'uniekai metewa'aitɨatɨ mekanakɨne, kayuwatɨ mekaniu'uwani memɨwaraye'unie. Yawé kaniwaru'uximatɨani, waɨkawa 'axamemɨte'uyurikɨ. Waniwema mekanewitɨkieni 'ateewa paitɨ, memɨwaraye'unie hau'erietɨ mekaniwaruhapaximekaitɨni.

Hiwerika 1:5 ပူးပေါင်းရင်းမြစ်များ

'Etsekieri 9:9

Yawé mɨpaɨ kanetiniuta'eiya: «'Ixaheri kiekariyari meta Kura kiekariyari 'axakememɨte'uyuri pɨmariwe. 'Ikɨ kwieyaritsie pɨhɨne nanaimarika, kiekari tita mɨkatiheitseriekɨ pɨhɨne. Mɨkɨ mɨpaɨ mekateniku'eriwani: “Yawé 'ikɨ kwieyari kaniuku'eirieni. Yawé kaniumaweni kapɨniere”.

Keremiyaxi 39:9

'Imatɨrieka Nawutsararani kuyaxi tiwa'aitɨwame, teɨteri memuyuhayewatɨwekai metatsiere wawiruniyutsixi memuwarutinɨkai, Wawiruniya paitɨ kaniwarehapani.

Hiwerika 3:46

Yunaitɨ memɨtatsi'aye'unie meputiniuka tahetsiemieme xeikɨa 'axamepɨtekuxata.

Hiwerika 2:17

Yawé kaneye'atɨani kemɨtiku'eriwakai, kaneye'atɨani yuniuki, meripaitɨ kemutayɨkai. Kametsinenimayatɨ kwiepa kamenehɨani, katiniupitɨani mɨmatsi'aye'unie mɨmatsitananaimanikɨ, mɨkɨ pɨtata watɨrɨkariya mariweme kanayeitɨani.

Hiwerika 1:18

«Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.

Keremiyaxi 23:14

Meta Kakaɨyari niukametemama Kerutsareme kiekatari 'axamɨti'ane wahetsie nepɨtixeiya: kayɨ'ɨitama wahamatɨa mepɨhitɨwe, mete'itawatɨ mepu'uwa, 'axateyuruwamete waheima mepunua, nixewitɨ pɨkatihayewawe 'axatiyurienetɨ. Mɨkɨ yunaitɨ Tsuruma hepaɨ mekani'aneni nehepaɨtsita, meta Kerutsaremetari Kumuxa hepaɨ mekani'aneni».

Keremiyaxi 12:7

»Neteɨterima nepuwaruku'eiri, tita mɨtinepiinitɨkai nepiku'eiri, neteɨterima nemɨwanaki'erie nepuwayetua memɨwaraye'unie wahetsɨa.

Keremiyaxi 5:29

Mɨpaɨ kanaineni Yawé: «¿Kareuyewetse mɨkɨkɨ nemɨtiwakwinitɨani? ¿Kareuyewetse mɨkɨ nuiwari mɨya memɨte'u'iyari neta nemɨtiwarakapitɨanikɨ mɨkɨ kememɨnetsi'uyuri?

Kitsariyaxi 63:18

'Ateɨterima yatewimekɨ 'atuki mepexeiyakai, peru hikɨ memɨtatsi'aye'unie mepitiketsixɨa.

Nɨawari 89:42

'Aixɨa pepaine memeye'unie watɨrɨkariya hepaɨtsita, temawierikakɨ pepɨwarutihɨniyaxɨ memeye'unie.

Nɨawari 80:6

Ta'aurie kiekatari memɨtatsi'atsenikɨ yapepɨtatsi'uyuri, memɨtatsi'aye'unie mepɨtatsiyuriya.

Hutarieka 'inɨari 31:29

ne nepɨtimate 'arike nemɨyu newarita mɨtiyehane, 'axamɨti'ane xepɨtetixuawitɨani meta huye nemɨxe'uxeitsitɨa xepuku'eirieni. Tukari 'umamietsie waɨkawa 'axamɨti'ane pɨtinuani xehetsie xepɨte'uka'eniwani, Yawé hɨxie 'axaxemɨteyurienikɨ meta tita mɨtixani'eriekɨ yaxemɨte'uyurikɨ xepiyehaxɨatɨani».

Kitsariyaxi 22:5

Ti'aitame, Yawé Naimekɨmɨtɨrɨkaɨye, yakaniutayɨni xeitukari marika mɨtixuawerekɨ, xeitukaritsie tixaɨtɨ temɨkate'ayeitɨarienikɨ meta temeuyuyexɨriekakɨ mayeweri nemuxeiyatsitɨarietsie, xeitukaritsie kuraru mɨka'unarienikɨ meta hɨritetsie temekahiwanikɨ.

Keremiyaxi 10:20

Naitɨ nexamaru puka'unarie, meta naitɨ pɨteteki nekaunarite. Neniwema 'ukitsi yunaitɨ mepɨnetsi'uku'eiri, mepɨka'u'uwari. Xewitɨri pumawe nexamaru mɨtawewieni, meta ne'ixuriki kiiyari mɨkawieni.

Hiwerika 1:8

Kwinimieme 'axapɨtiuyuri Kerutsareme, 'ayumieme ka'itiyatɨ kanayani. Meripaitɨ 'aixɨa memɨte'ixeiyakai hikɨ mepi'uxiwe'erie, maweme memɨxeiyakɨ, 'ayumieme mɨkɨ putatsuaka, meta puyutewiya hɨxiena xɨka 'ixeiyamɨkɨni.

'Etsekieri 9:10

'Ayumieme ne nepɨkawatinenimayata, matsi nepɨtiwatawawirieni ke'axamemɨte'uyuri».

2 Te'aitamete 21:15

'Ixaheritsixi tita mɨkanetinake memɨte'uyurikɨ, metatsiere kepaukapaitɨtɨ memayekɨ wa'ukiyarima 'Ekipitu kwieyaritsie hikɨ 'akuxi yaxeikɨa mekateniyurieka mekanenihaxɨatɨaka”».

Hiwerika 1:16

»'Ikɨ naitɨ pɨnetsitsuaritɨa, hiwerikakɨ nepɨkaheuniereri. Xewitɨ 'ahurawa pɨka'uyeika mɨnetsinɨtɨanikɨ, meta mɨnetsituikakɨ. Neniwema mekaneutaxɨriexɨani mɨtatsi'aye'unie mɨtatsi'a'iwaxɨkɨ».