Hiwerika 1:22 - Kakaɨyari Niukieya

²² »'Ahetsɨa paitɨ keheye'ani tita ke'axamemɨte'uyuri. Kepemɨnetiupitɨa 'uximatɨarika ke'axanemɨtiuyurikɨ, mɨkɨta mɨpaɨ ketiniwarupitɨa. 'Ari pɨmɨire kenemɨtiutatsuaka, meta ne'iyari 'ari pɨkɨmɨmɨkɨ».

Hiwerika 1:22 ပူးပေါင်းရင်းမြစ်များ

Keremiyaxi 8:18

Nekukuiniriya pɨkayunɨtɨarinɨa, ne'iyari pɨmɨxime.

Matsiɨkɨtɨ kemɨratɨa 6:10

Karima mekaniutihiwakaitɨni mɨpaɨ me'utiyuatɨ: «¿Kutsiyari 'aku pemɨpatsie, yuri pemaine, kepaukake pepɨwatakwewieni, kepaukake 'uximatɨarika pepɨwapitɨani kwiepa memɨtama taxuriya memutayeurikɨ?»

'Epetsutari 3:13

'Ayumieme nepɨxewawirie xemɨkawaɨripiekakɨ ne'uximatɨariekaku xehetsiemieme. Mɨpaɨ nemɨ'itɨariekɨ, 'ayumieme xepaye'axɨani witsixe'anenetɨ xemakɨnekɨ.

Rukaxi 23:31

Hikɨ mɨpaɨ xɨka mete'uyurieni kɨye yurikaku, ¿ketsɨ tiyɨni tawayu?»

Hiwerika 5:17

Ta'iyarite pukwiximeri, tahɨxite kanititɨximeni,

Hiwerika 1:13

»Muyuawitsie Yawé tai kaneyenɨ'ani, mɨkɨ ne'umeyari 'ɨarime kaniutitaiya. Winiyari kaniukeni nehɨxie, hikɨ mɨpaɨ kanetiniukunuitɨani. Kaneniuku'eirieni yuheyemekɨ, tukarikɨ yanekatineumɨmɨkɨni.

Keremiyaxi 51:35

Kerutsareme kiekatari mɨpaɨ mekanaitɨkani: “Wawiruniya hetsie ketiunake nanaimarikakɨ ke'axamɨtatsi'uyuri”. Mɨpaɨ mekanaitɨkani Tsiyuni kiekatari: “Taxuriya ke'utayeurieni wawiruniyutsixi wahetsie”».

Keremiyaxi 18:23

Yawé, peru 'ekɨ pepɨrakumate naime kememɨteku'eriwa kememɨnetemieni. Ke'axamemɨteyurie pepɨkatiwareuyehɨwirieka, meta ke'axamemɨte'uyuri pepɨkahekuyeitɨwani 'ahɨxie. 'Ahɨxie meke'ukaxɨriyani. Kepauka wahekɨ pemɨha'a 'ana keniwaraye'atɨiri.

Keremiyaxi 10:25

Hipame nuiwarite wahetsie pɨta 'ahaxɨa keneukanɨ'a, memɨkamatsimate wahetsie, meta 'iya memɨkamatsihahɨawe wahetsie. Karikɨ Kakuwu mekaniutakwani, naime mekanaxɨni, meta kiena makumawe mekanayeitɨani.

Kitsariyaxi 13:7

'Ayumieme mamate naitɨ kanitiweranareni, teɨteri yunaitɨ mekayuwaɨriyatɨ mekaniyukuhayeikawani.

Nɨawari 143:7

Yawé, yapauka keneneuta'eiya, 'ari netukari pɨtixɨxime. Pepɨkanetsiwarixiwiyani, xɨka mɨpaɨ pe'aneni, mɨwatixawata memeukakɨka wahepaɨ nekaniyɨmɨkɨ.

Nɨawari 79:10

Neuxei nuiwarite mɨpaɨ mekanitiyuakuni: «¿Tamɨri hakewa wakakaɨyari?» Ketaneuxeiyatsitɨa, teɨteri 'ahetsɨa memɨkamiemete wahɨxie yaketiniwarakapitɨa, 'ateɨterima waxuriya memutayeurikɨ mɨpaɨ keniwaruyuri 'ekɨta.

Keremiyaxi 30:16

»”Yunaitɨ kemɨ'ane memɨxetikwani mekanitikwaiyakuni, yunaitɨ memɨxe'aye'unie 'ateewa mekananuhapaniekuni. Yunaitɨ kemɨ'ane memɨxetenawatsirieni mekateninawatsiyariekuni, yunaitɨ kemɨ'ane memɨtexenawairieni mekateninawaiyariekuni.